Zyeremii 15:3 - Cebaara Bible 2010

³ Mii a wɔʔɔveleye sicɛrɛ taʔa be na, Yawe wi jo nya, ŋɔséew a pye bàā be kúu, pɔ́nbèle a pye bàā be kíle da sulugu, nyɛ̀ʔɛni féjɛɛnrɛ, ní tári yaweere a pye bàā be káa, sáā gàlagí kpéʔele.

Zyeremii 15:3 Iomraidhean Croise

Ŋúnuyi 68:23

Kàfɔw n jo: «Mii a be yirige yaà Basyan ma pe lúru pan, mii a be yirige yaà sólomi lɔ̀ʔɔ fúngo ni pe lúru pan,

Ezayi 18:6

Pe myɛ a pínɛ bi yaʔa kaàjɔɔ-féjɛɛnri ma di nyɛ lè nyanbeleyi na, ní tári yaweere ma. Kaàjɔɔ-féjɛɛnri a ra be jóori wɔ̀ɔ́gi làla ni, tári yaweere myɛ sáā be káa wéeri làla ni.

Zyeremii 12:9

A mii kɔ́rigi si baa pye lé mii ma àmɛɛ kaàjɔɔ-féjɛnʔɛ nyɛ, gee na tɛɛ̀nyɔngɔ-nyɔngɔyɔ nyɛ lè, á kaàjɔɔ-féjɛɛnraa baa gi màʔa? Yaa syée ye sa sìnbirigi yaweere myɛ kpóʔoro yaa maa ní di ní lìigbɔɔli ma.

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 14:16

Syɛ́ɛnbèle bele má si be kérigèle nyaagi ni nyuu lè, bele bee a cáan cáan bi màʔa Zyerusalɛmi kàlari-kóloyi ni, kateekpɔɔgi ní ŋɔséew báriga ni. Syɔɔn faala a taa bi nyanya kaan be ma í, poro ma yoo, pe cébèle ma yoo, pe nànbiigèle ní be calipiigèle ma yoo. Mii a be péemi yaʔa pi lúru too be na.

Zyeremii 16:4

«Yaama a be kpóo. Pe kùúyi a le í, pe a nyanya taa í. Pe a pye kariga tári na. Ŋɔséew, ní kateekpɔɔgi a be kwɔ́ɔ. Pe kúceri a pye kaara nyɛ̀ʔɛni féjɛɛnrɛ ní tári yaweere ma.»

Zyeremii 7:33

Syɛ́ɛnbèle naa kúcere a pye nyɛ̀ʔɛni féjɛɛnrɛ ní tári yaweere liile. Wàa faala a taa bàā di fúuro í.

Kayaagi Nyɛnigɛ 3:11

Wi n mii kóloyi wàli, wi n mii sulugu, wi n mii kpéʔele tɛɛ̀kalagiga.

Ezekyɛli 14:21

A Kàfɔw Yawe si níì syɛ́ɛnri naa joo níì jo: «Alí mii ga wírè mii wɔʔɔbeeyi sicɛrɛ tórigo Zyerusalɛmi kánmi na, yi lè ŋɔséew, ní kateekpɔɔgi, ní yaweepeeyi, ní káfalagi yáama bi syɛ́ɛnbèle ní yaweeri kwɔ́ɔ yirige wi ni,

Ezekyɛli 33:27

Wéle, gee mɔ a joo lè koro gi nyɛ mɔ a jo: ‹Kàfɔw Yawe wi syɛ́ɛnri naa joo níì jo: Mii woweew mɛ́ʔɛ na, bele be nyɛ gurubɛɛri ni lè, ŋɔséew a poro kpóo cáan, bele si be nyɛ sìnbirigi nínge ni lè, mii a be kaan yaweeri ma di lìile. Bele si be nyɛ kèniriyi, ní fálaweeyi ni lè, káfalagi yáama a bele bee kpóo.

Levii ye sáriga-wòlori 26:16

gee mii a kpéʔele yele na lè, koro gi nyɛ gee naa: Mii a fyáakpɔɔrɔ cáan yele na, ní waʔari yáama, n fàra cefuuri na. Dee bee a yele nyapiigèle jabagi, bi yele fúnyi kálagi. Yele a ra lùguri lúru gbanzan, níì cán yele nigoobèle pe a ra di líi.

Levii ye sáriga-wòlori 26:22

Mii a sìnbirigi yaweere kɔ́ri wáa yele na. Ti a ra yele bɔ̀nɔ́ yele pìíbèle ni, si wɔ́ɔ ra yele yaweeri kálagi. Ti a yele cɛ́rɛ tári ni. Yele kóloyi a waʔa.

Levii ye sáriga-wòlori 26:25

Mii a ŋɔséew tórigo yele kurugo wi sa joogaanni kálagila gɔlɔ wòlo. Yele ga yeyɛɛ gbóʔoro n sáà kòro yele kèkpoloyi ni lǎli ni lè, mii a káfalagi yáama wáa yele na. Yele a le yele nigoow kɔ́yɔ ni.

Amɔsi 5:19

Yele a ba pye àmɛɛ syɔɔnwaa nyɛ lè, wee wi fé lè càaraɔ na, á ursi sáà wi fàra n taa, bi pye àmɛɛ syɔɔnwaa nyɛ lè, wee wi fàn n jée wi kpáagi ni lè ní sáà kɔ́gi taʔa gúngi na bi ŋɔ́n daa, á wàbiga wi nɔn.

Làlwaw Kaanziin 28:26

Mɔ woguuw a pye nyɛ̀ʔɛni féjɛɛnrɛ myɛ ní tári yaweere myɛ lìile, syɔɔn faala a taa bi di fúuro í.

Làlwaw Kaanziin 32:24

Kateegi a be fǎngi kwɔ́ɔ. Nyínmi, ní káfalagi yáama a be bárigaw kwɔ́ɔ. Mii a be kaan yacoyi gànʔana ma, ní yafulolori sɔ́ɔnrɔ ma.

Tɛ̀ɛnnɛ 6:8

A mii wéle n sumiige syɔ́nʔɔ nyaa. Wee si wi pye gi na lè wodɛ́ɛɔn ní, pe i wee bee mɛ́ʔɛ yiri Kùu, á kúbèle tɛɛkòrogo taʔa wi na. A Kolocɔlɔɔ séew kaan be ma pe tári tílaya sicɛrɛ wóʔo kpóo ní ŋɔsée ní, n fàra kateekpɔʔɔ, ní yaagbɔɔmɔ, ní tári yaweere na, ti lè sìnbirigi wóro.