Zyeremii 15:2 - Cebaara Bible 2010

² Lǎli bee ni pe ga mɔ pye: ‹Sán wolo a kári?› Mɔ a be yari: ‹Yawe wi syɛ́ɛnri naa joo níì jo: Wee wi nyɛ lè káfalagi yáama wóo, káfalagi yáama i syée ní woro ní! Wee wi nyɛ lè ŋɔséew wóo, ŋɔséew i syée ní woro ní! Wee wi nyɛ lè kateekpɔɔgi wóo, kateekpɔɔgi i syée ní woro ní. Wee wi nyɛ lè púlori wóo, púlori i syée ní woro ní!›

Zyeremii 15:2 Iomraidhean Croise

Ezayi 10:4

Yafyɛn a ní kòro í, kapye bi yeyɛɛ kùru ní wojobèle ní ban í, ní kapye bi too ní wogboobèle ní ban í. Alí koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Ezayi 24:18

Wee wi fé fyáari sùpiiwáara na lè, wi a too wéegi ni, ní wee wi yirigi wéegi ni lè, wi a cò cɔ̀ɔ́w na. Níì cán ǹjoʔo ma wéegèle n múgu, a tári kàpɔɔnbēle cúngo.

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 14:16

Syɛ́ɛnbèle bele má si be kérigèle nyaagi ni nyuu lè, bele bee a cáan cáan bi màʔa Zyerusalɛmi kàlari-kóloyi ni, kateekpɔɔgi ní ŋɔséew báriga ni. Syɔɔn faala a taa bi nyanya kaan be ma í, poro ma yoo, pe cébèle ma yoo, pe nànbiigèle ní be calipiigèle ma yoo. Mii a be péemi yaʔa pi lúru too be na.

Zyeremii 16:4

«Yaama a be kpóo. Pe kùúyi a le í, pe a nyanya taa í. Pe a pye kariga tári na. Ŋɔséew, ní kateekpɔɔgi a be kwɔ́ɔ. Pe kúceri a pye kaara nyɛ̀ʔɛni féjɛɛnrɛ ní tári yaweere ma.»

Zyeremii 19:7

Tɛ́ɛgi bee ni mii a Zyuda ye ní Zyerusalɛmi ye katimanani kálagi. Mii a gi yaʔa ŋɔséew í be kpóo cáan pe nigoobèle yɛ́ʔɛ ma, ní bele pe be sìikwɔɔri caa lè, bele bee kɔ́yɔ í be kpóo. Mii a be kúceri kaan nyɛ̀ʔɛni féjɛɛnrɛ, ní tári yaweere ma ti lìile.

Zyeremii 43:11

Wi a pan si ba Ezyipiti tári kpúmɔn: Bele be nyɛ lè kùúw wòolo, kùúw a kári ní be ní, bele be nyɛ lè púlori wòolo, poro a kári púlori na, ŋɔséew wòolo a kaan ŋɔséew ma.

Ezekyɛli 12:11

Ki joo mí jo: ‹Mii i nyɛ yele ma fɛ̀ɛ.› Gee mii pye lè, koro ki a ba kpéʔele be na. Pe a cò bi kári.

Ezekyɛli 14:21

A Kàfɔw Yawe si níì syɛ́ɛnri naa joo níì jo: «Alí mii ga wírè mii wɔʔɔbeeyi sicɛrɛ tórigo Zyerusalɛmi kánmi na, yi lè ŋɔséew, ní kateekpɔɔgi, ní yaweepeeyi, ní káfalagi yáama bi syɛ́ɛnbèle ní yaweeri kwɔ́ɔ yirige wi ni,

Ezekyɛli 33:27

Wéle, gee mɔ a joo lè koro gi nyɛ mɔ a jo: ‹Kàfɔw Yawe wi syɛ́ɛnri naa joo níì jo: Mii woweew mɛ́ʔɛ na, bele be nyɛ gurubɛɛri ni lè, ŋɔséew a poro kpóo cáan, bele si be nyɛ sìnbirigi nínge ni lè, mii a be kaan yaweeri ma di lìile. Bele si be nyɛ kèniriyi, ní fálaweeyi ni lè, káfalagi yáama a bele bee kpóo.

Ezekyɛli 5:12

Káfalagi yáama, ní kateekpɔɔgi a mɔ syɛ́ɛnbèle tílataanri wógaa kpóo mɔ níngi ni, ŋɔséew si tílagee kpóo cáan bi mɔ màʔa, mii si gee cariga bi tórigo káfalagi kàbanya myɛ na, si ŋɔséew kɔ́n bi taʔa be na.

Ezekyɛli 5:2

Tɛ́ɛnni canya ga foro kěgi taana kapɛɛnni kánma na lǎli ni lè, mɔ a di tílayi taanri wógaa láa bi sórigo naanyìnge ni, kěgi nínge ni, mí tílagee láa mi kpúmɔn ní ŋɔséew ní mi kěgi màʔa, mí gee láa mi kóri mi wáa káfalagi kurugo. Mii a ba ŋɔséew kɔ́n bi taʔa be na.

Danyɛli 9:12

Syɛ́ɛnree wi da joo lè wolo, ní wolo kùndigibèle kánma na, poro bele be pye wolo nyúngi na lè, wi n di foro àmɛɛ wi wɔʔɔgbɔɔgi yaʔa a gi baa too wolo na, gee gi lè gi felege ga kɔ́ɔ̀ pye nyɛ̀ʔɛni láara woboo ni í n yɛlɛ ní gee ní gi kpéʔele Zyerusalɛmi na lè í.

Amɔsi 5:19

Yele a ba pye àmɛɛ syɔɔnwaa nyɛ lè, wee wi fé lè càaraɔ na, á ursi sáà wi fàra n taa, bi pye àmɛɛ syɔɔnwaa nyɛ lè, wee wi fàn n jée wi kpáagi ni lè ní sáà kɔ́gi taʔa gúngi na bi ŋɔ́n daa, á wàbiga wi nɔn.

Zakarii 11:9

Lǎli bee ni a mii jo: «Mii a ní da yele nàʔá í! Wee wi ga ni caa bi kùu lè, wi kùu, wee wi ga ni caa bi kwɔ́ɔ gi ni lè, wi kwɔ́ɔ gi ni, bele be kòro lè, poro sáā peyɛɛ gáa!»

Tɛ̀ɛnnɛ 13:10

Wee ga yɛlɛ ní púlori ní lè, pe a wi cò bi tórigo di na. Wee si wi pèle kúu ní ŋɔsée ní lè, pe a wɔ́ɔ wee bee kpóo ní ŋɔsée ní. Gee bee na Kolocɔlɔɔ syɛɛncanbèle yɛlɛ paa kpàracogo kpéʔele si tágali cò.