Zyeremii 15:1 - Cebaara Bible 2010

¹ Yawe n mii pye: «Alí Mowizi, ní Samyɛli ga baa yére mii yɛ́ʔɛ ma, mii fúngi a tée pye ní syɛ́ɛnbèle naa ní í. Pe nɛnɛ mi núngo mii yɛ́ʔɛ ma, mi tórigo léelige, ki n yɛlɛ paa syée!

Zyeremii 15:1 Iomraidhean Croise

Sélimɛ 19:27

A Abirahami sɔ̀li n yìri nyǐngi nyɔ́ɔ na n kári tɛ́ɛgi ma, gee ni wi da sáà yére Yawe yɛ́ʔɛ ma lè.

2 Fànʔafɔbèle 17:20

A Yawe si Isirayɛli yòdaʔagi cée, wi n be faʔa, níì be le yafuguru-mí-láabèle kɔ́yɔ ni, a gi kwɔ́ɔmi baa pye a wi be nɛnɛ n núngo wiyɛɛ yɛ́ʔɛ ma n tórigo léelige.

Ŋúnuyi 106:23

Wi maa ni nyuu be kálagili kéele na, kàjáa Mowizi wi lè wi syɛɛnnyɛnɛ-wòlow, a woro baa yére wi ní be níngi ni, níì wi fundanʔari kàriga n láʔa be na, koro ga pye wi a kɔ́ be kálagi í.

Ŋúnuyi 99:6

Mowizi ní Aarɔn be pye lè wi sáriga-wòlobèle pèle, ní Samyɛli wi pye lè ní wi mɛ́ɛyeribèle ní, pe maa ni Yawe mɛ́ɛgi yiri, a wi i lúro be ma.

Kàseegèle 14:35

Falipyewee wi kérigèle sámagi ni cɔɔnri lè, fànʔafɔw i fɔ̀lɔ́ wee bee na, wee si wi fɛ̀ɛ́ri kèlē kpéʔele lè, wi fúngi a ra taanri wee bee kurugo.

Zyeremii 10:18

Níì cán Yawe wi syɛ́ɛnri naa joo níì jo: «Wéle, mii a tɔ̀nɔ́ tári syɛ̀ɛnnɛ wáa léelige kátali naa na. Mii a tɔ̀nɔ́ be gbɛ̀dɛ, koro ga pye pe be taa cò.»

Zyeremii 11:14

Mɔ si na, mɔ a kɔ́ ra nyɛ́ɛri da kaangi syɛ́ɛnbèle naa ma í, mɔ a kɔ́ ra yákpoli wáa, wàlá bàā nyɛ́ɛri be kéeli na í. Níì cán lǎli ni pe ga mii nyɛ́ɛri pe wɔʔɔgi nínge ni lè, mii a lóʔo be ma í.

Zyeremii 14:11

A Yawe mii pye: «Mɔ a kɔ́ ra nyɛ́ɛri bàā kaangi syɛ́ɛnbèle naa ma pe kacànna kéele na í.

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 15:19

Gee bee na Yawe syɛ́ɛnri naa joo níì jo: «Mɔ ga lúru n pan mii ma, mii a ní mɔ lúrugo mɔ í ba ra mii fáliw kpéʔele. Mɔ ga ni yacangi wɛ̀ɛ́ ni láari gbanzan yárigi na, mɔ a pye àmɛɛ mii nyɔ́ɔgi nyɛ lè. Poro má gi nyɛ pe lúru pan mɔ ma, mɔ má ban gi nyɛ mɔ í lúru pan be ma í.

Zyeremii 16:13

Mii a yele yirige tári naa ni bi wáa táraa ni, dee di lè yele ga di cán í, yele yoo, yele tóolɛɛbèle yoo. Bi yele yaʔa yaà beè, yele a ra kolocɔlɔbèle pèle nikwɔɔlɔ kpɔ̀ʔɔrɔ́ canʔa ní yébilige, níì cán mii a tée nyinimɛ taa yele na í.› »

Zyeremii 16:5

Yawe n syɛ́ɛnri naa joo níì jo: «Mɔ a kɔ́ jée kpaagaa ni, beè be nyaan kpóō na lè í, mɔ a kɔ́ kári kùugo tɛ́ʔɛ ma í, mɔ a kɔ́ ra be kéeli yáa í. Níì cán mii n mii yɛɛ̀nyingi láʔa syɛ́ɛnbèle naa na, n fàra mii funjǎngi, ní mii nyínimi na,» Yawe wi jo nya.

Zyeremii 18:20

A gi yɛlɛ lé be kapeʔe tɛ́ʔɛ bi kacànna sàra? Níì cán pe n weecurugo túgu bi mii bɔ̀nɔ mii sìíw ni. Sɔ̀ngi mi taa gi na àmɛɛ mii yére mɔ yɛ́ʔɛ ma lè níì joo ní mɔ ní pe nyɔɔmi kéele na, níì mɔ fundanʔagbɔɔri lúrugo be kurugo.

Zyeremii 22:28

A Konyaw bee tɔ̀ʔɔ́ i nyɛ lé yale-nibɛɛnmɛgɛ, gee gi jaa lè? A wi i nyɛ lé yayigelege, gee gi syɔɔn bɛɛn lè? Nyàʔá na pe be wáa, woro ní wi yòdaʔayi ní, n be wáa táraa ni, dee di lè pe ga di cán í?

Zyeremii 23:39

Gee bee kéele na, ye wéle, mii a tɔ̀nɔ́ yele yaʔa péw, mii a tɔ̀nɔ́ yele yirige niyɛɛ yɛ́ʔɛ ma bi wáa léelige, yele, ní kěgi, gee mii da kaan yele ní yele tóolɛɛbèle ma lè.

Zyeremii 35:19

gee bee kéele na, Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n syɛ́ɛnri naa joo níì jo: Erekabi jáaw Yonadabi a tée fɔ̀n yòdaʔaya ni, yee yi a ra yèré mii yɛ́ʔɛ ma lè í.› »

Zyeremii 52:3

Kérigèle bee n kpéʔele Zyerusalɛmi, ní Zyuda ye na Yawe fundanʔari kéele na fwɔɔ n taa a wi kɔ́ baa be nɛnɛ n núngo wiyɛɛ yɛ́ʔɛ ma. Sedesyasi si maa baa Babilɔni fànʔafɔw cée.

Zyeremii 9:19

Koro na, cébèle, ki n yɛlɛ ye Yawe syɛ́ɛnri lóʔo, ye gi yaʔa ki jée yele líiweegèle ni, gee wi nyɔ́ɔgi nyuu lè! Yáā yele calipiigèle tama kùúgi nyɛniganma na. Ye myɛ nibin nibin sáā yeyɛɛ dama nyamɛɛwáari na.

Ezekyɛli 14:14

á nǎnbèle naa taanri pye di ni pe lè Nowe, ní Danyɛli, ní Zyɔbi, syɛ́ɛnbèle bee a peyɛɛ sìíw syɔɔ pe sínni báriga ni, Kàfɔw Yawe wi jo nya.

Ezekyɛli 22:30

Mii i syɔɔnwaa caa be níngi ni, wee wi a kàkɔlɔgɔ faan bi be màʔa lè, si yére tɛɛfurugi na mii yɛ́ʔɛ ma, bi tári syɔɔ jàngó mii a kɔ́ di kálagi í, kàjáa mii ga wàa taa í.

Oze sɛ́bɛw 9:15

«Pe péemi myɛ i tèé Giiligali ni. Nɛɛ bee be kéeli mii bɛɛn. Mii a be nɛnɛ mii kpáagi na be péemi kapyere kéele na. Pe kéeli a ní mii dɛ́nɛ í. Pe kùndigibèle myɛ i nyɛ niceebéle.

Zakarii 3:3

Zyozuwe yaleri si maa pye wonɔnʔɔrɔ ní, wi si i nyɛ woyéreo ní nyɛ̀ʔɛni tunduɔn yɛ́ʔɛ ma.

Làlwaw Kaanziin 9:26

A mii Yawe nyɛ́ɛri níì jo: ‹Kàfɔw Yawe, mɔ a kɔ́ mɔ syɛ́ɛnbèle kálagi í, pe lè mɔ kɔ́rigi, poro bele mɔ syɔɔ lè mɔ kpɔʔɔgbɔɔri báriga ni, n be yirige Ezyipiti ni sée kɔ́lɔ báriga ní.

Heburubèle 9:24

Níì cán tɛɛcǎngi syɔɔn kɔ́lɔ da kpéʔele lè, a gi kányɛɛgi wóʔo wíri, Kirisi ga jée gee bee ni í, kàjáa wi n jée nyɛ̀ʔɛni tiimaa ni n wiyɛɛ dɛ̀ɛn Kolocɔlɔɔ na tɔ́ɔliw ni wolo kéeli na.

Jàbɔbèle 5:9

Mii fúngi i nyɛ ní Isirayɛli kùndigibèle ní, n fàra bele na pe gi nyɛ́nɛ n wòlo syɛ́ɛnmi ni n peyɛɛ gaan lè. Yaa Yawe kpɔ̀ʔɔrɔ́.

1 Samyɛli 12:19

A syɛ́ɛnbèle myɛ Samyɛli pye: «Yawe mɔ Kolocɔlɔw nyɛ́ɛri mɔ falipyebèle kéele na pe lè wolo, jàngó wolo a kɔ́ kùu í. Amɛɛ wolo fànʔafɔlɔ nyɛ́ɛri woyɛɛ kéeli na lè wolo n kapeeli bee fàra wolo kapeegèle gele myɛ na.»

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.

1 Samyɛli 7:9

A Samyɛli bàpiige cò n pye sáriga-sórigoo, ki myɛw, Yawe ma. A wi yákpoli wáa Yawe kurugo Isirayɛli ye kéeli na, a Yawe lóʔo wi ma.