Zyeremii 14:3 - Cebaara Bible 2010

³ Séew fɔ̀ɔlɔ i wobiigèle tórogi pe sa lɔ̀ʔɔ caa, a bele bee i syée lǒgi wéeye ma, pe si o lɔ̀ʔɔ taagi í, a pe i lúrugu ni maa ní be kasǎngèle ní wowaagéle ní. Amɛɛ be curugo lè ní i nyɛ fɛ̀ɛrɛ wòolo ní, a pe i be nyúnyi tɔ́ngi.

Zyeremii 14:3 Iomraidhean Croise

2 Samyɛli 15:30

A Davidi i lúru Olivye tíiri nyanbelege na ní i nyaan ni syée ní nyǔngi ní wodɔngɔ ní, taʔalaya fun. Bele myɛ be pye ní wi ní lè, a poro wɔ́ɔ̀ be nyúnyi tɔ́n, ní i nyaan ni syée.

2 Samyɛli 19:4

A syɛ́ɛnbèle làra n jée kěgi ni cángi bee tiimaa àmɛɛ fɛ̀ɛrɛ gáà syɛ̀ɛnnɛ taa, bele be fàn n yiri kapɛɛnnɛ séʔe ni lè.

1 Fànʔafɔbèle 17:7

Kàjáa, a làlaa ga kwɔ́ɔ, a lòcoologi waʔa, níì cán zàʔá da níì too tári na í.

2 Fànʔafɔbèle 18:31

Yele a kɔ́ lóʔo Ezekyasi ma í. Níì cán Asirii fànʔafɔw n jo: Ye bɛ̀ɛlɛ caa mii ma, yé lúru ye yeyɛɛ gaan mii ma. Yele myɛ nibin nibin a ra yele ɛrɛzɛnw ní yele děsyaangi líi, ye myɛ nibin nibin sáā ye kɔ̀lɔ́béle lɔ́ʔɔ gbo,

Ɛsitɛri 6:12

A Maridosye lúru n sáà tɛ́ɛn fànʔafɔw kpaʔa kpaaweele na, á Haman tɔlɔyɔ wári n lúru n kári wi kpaʔa ma. Wi maa tɔ̀nɔ n pye funbɛɛnrɛ na níì wi nyúngi tɔ́n.

Zyɔbi 6:20

Fɛ̀ɛrɛ n be taa àmɛɛ pe be sɔ̀ngumi taʔa yi na lè, pe nan yaà lè, a be curugo.

Ŋúnuyi 109:29

Ki n yɛlɛ màámi í pye mii mɛ́ɛgi kálagifɔɔlɔ na burogo, fɛ̀ɛ́ri í pye be na àmɛɛ burogbɔʔɔ nyɛ lè!

Ŋúnuyi 40:14

Ee Yawe, ki n yɛlɛ mi fɔ̀lɔ mi mii syɔɔ! Yawe, kɔlɔ̀ wári mi mii dɛ̀ɛmɛ!

Zyeremii 14:4

Tári n laragi laragi, níì cán zàʔá ga níì too tári ni í, lǎli bee ni a fɛ̀ɛrɛ tèfalabèle taa, a pe i be nyúnyi tɔ́ngi.

Zyeremii 15:18

Nyàʔá na mii wɔʔɔgi kòro ni syée nya? Nyàʔá na mii námigi para n kòro nya, ki o caa bi pɔʔɔ í? A mɔ a pye lé mii ma kányɛʔɛ na àmɛɛ púloweele nyɛ, lee li syɔɔn jànváa lè, àmɛɛ lɔ̀ʔɔ nyɛ, gee gi lè syɔɔn ga tága gi na í?

Zyeremii 2:13

«Níì cán kapeeye siin mii syɛ́ɛnbèle kpéʔele. Pe n mii yaʔa, mii wee wi lè sìíw lɔ́ʔɔ pùnweele, ní sa ni lɔ̀ʔɔ wéeyaa túru peyɛɛ ma, lɔ̀ʔɔ wéeyaa, yee yi páʔala páʔala lè, yee yi lè lɔ̀ʔɔ a gbǎn kòro yi ni í.

Zyeremii 2:37

Mɔ a wɔ́ɔ yiri yaà beè ní kɔ́yi ní wodugoyo ní nyǔngi ni. Níì cán bele na mɔ miyɛɛ daari lè, Yawe i bele bee yaari. Mɔ a tée dɛ̀ɛmɛnɛ taa be ma í.»

Zyeremii 20:11

Kàjáa Yawe i nyɛ ní mii ní àmɛɛ fànnɛʔɛgɛ sanbali nyɛ lè. Koro na mii wɔʔɔfɔbèle a kpírige, pe a fànʔa taa í. Fɛ̀ɛrɛ a tɔ̀nɔ́ be taa àmɛɛ gi nyɛ lè be fanʔa ga taa í. Ki a pye bàngwɔɔ nyáʔamina, lee li lè syɔɔn a fɛ̀ʔɛ li na í.

Zyeremii 3:3

Koro na zěyi wɔ́ɔ̀ yére, zěseligi ga too í. Nànjaacɔɔ̀ gbáala n pye mɔ na, ki fɛ̀ɛrɛ ga mɔ taa í.

Kayaagi Nyɛnigɛ 4:4

Pìíwee wi ŋɔri lè, wi nyínni n tára wi gbǎdanw na lògbaalaagi báriga ni, pìíbèle i búru caa, syɔɔn faala si o wàa cɛnɛ ni kaangi be ma í.

Oze sɛ́bɛw 2:3

Ye gi joo yele senyɛnnǎnbèle ma ye jo: Amii! Yé gi joo yele senyɛnjebèle ma ye jo: «Uruhama!»

Zyowɛli 1:20

Alí sìnbirigi yaweere i káagi mɔ kurugo, níì cán lókoloyi n waʔa, a náagi fìími tára yaweenaʔa-tɛ́ɛyɛ sórigo.

Amɔsi 4:7

«Mii wi cée yele ma zěgi na lǎli ni gi kòro lè yeye taanri yaliiri làrilaala si náa nan. Mii n zěgi kaan kègaa wòolo ma níì kègaa wòolo yaʔa. Segaa n zěgi taa, á kàa fɔ̀n zěgi ni a koro yaliiri waʔa.

Amɔsi 4:8

Kèye siin wàlá kèye taanri syɛɛnnɛ n kári kègaa ma bi sa lɔ̀ʔɔ gbaa, kàjáa koro ga lǒgi láa láʔa be na í. Koro ní ki myɛ ní yele ga sèʔê lúru n pan mii ma í,» Yawe wi jo nya.

Zakarii 14:17

Lǎli bee ni tári narigbaayee ga pye yi o maa Zyerusalɛmi ma n ba ni tíri ni tuun fànʔafɔw yɛ́ʔɛ ma lè í, wi lè Nyɛ̀ʔɛni Sùlasiibéle Kafɔlɔ Yawe, zàʔá a ra tuun yi ma í.