Zyeremii 13:9 - Cebaara Bible 2010

⁹ «Yawe wi syɛ́ɛnri naa joo níì jo: ‹Kánmi bee wonijanma na mii a Zyuda nɛ̀ɛnyɛnɛgi kálagi, ní Zyerusalɛmi nɛ̀ɛnyɛnɛ-nɛʔɛgi.

Zyeremii 13:9 Iomraidhean Croise

Kàseegèle 16:18

Kálagila i nyɛ nɛ̀ɛnyɛnɛgi kurugo, toolo si i nyɛ nɛ̀ɛgbɔʔɔgi kurugo.

Ezayi 16:6

Wolo n Mowabi nɛ̀ɛnyɛnɛgi kéele lóʔo, nɛ̀ɛnyɛnɛgee gi kpɔ́ʔɔ n sɔ̀lɔ lè, wi kpɔ́ɔmi, ní wi nɛ̀ɛnyɛnɛgi, wi fundanʔagbɔɔri, ní wi gbanzan nɛ̀ɛgbɔʔɔgi jóomɔ.

Ezayi 23:9

Yawe wi lè Nyɛ̀ʔɛni Sùlasiibéle Kafɔlɔ, woro wi kéeli bee kɔ̀rirɔ n tímana bi nɛ̀ɛnyɛnɛgi yárira myɛ nìjanra cɛ́rɛ, bi tári syɛɛnkpolobéle myɛ tìrige táàma.

Zyeremii 13:8

A Yawe syɛ́ɛnri nan mii na, ti n jo:

Zyeremii 25:18

bi séli Zyerusalɛmi, ní Zyuda kěyi, ní wi fànʔafɔbèle, ní wi syɛɛnkpolobèle na bi gi kpéʔele tɛɛ̀kalagiga, ní funwɔɔrɔ yáriga, ní kataanra yáriga, ní dánga yáriga, àmɛɛ gi nyɛ lè níjanʔa,

Zyeremii 48:29

Wolo n Mowabi nɛ̀ɛnyɛnɛgi kéele lóʔo, nɛ̀ɛnyɛnɛgi gi nan gi tɛɛ̀laʔali na lè, wi nɛ̀ɛgbɔʔɔgi, ní wi nɛ̀ɛnyɛnɛgi, ní wi kpɔ́ɔmi, ní wi fúngi gi nyìn kpɔ́ɔmi na lè.»

Ezekyɛli 16:50

Nɛ̀ɛgbɔʔɔgɔ n baa jée be ni, a be kapeekpɔʔɔ kpéʔele mii yɛ́ʔɛ ma. A mii si be kwɔ́ɔ n yirige yaà, àmɛɛ mii gee bee nyaa lè.

Ezekyɛli 16:56

Mɔ nyɔ́ɔgi da ni mɔ senyɛnjew Sodɔmi mɛ́ɛgi jáari ni máari mɔ nɛɛnyɛnɛgi canʔa na ì,

Levii ye sáriga-wòlori 26:19

Mii a yele nɛ̀ɛnyɛnɛgi fànʔa tɔ́nʔɔnɔ. Mii a yele nyɛ̀ʔɛni pye àmɛɛ tunmɔrɔ nyɛ lè, si yele tári pye àmɛɛ kanyɛɛnrɛ nyɛ lè.

Nahumi 2:2

Kálagifɔlɔ i maa mɔ kánmi na. Da kènirigi kpáa wéle! Da kólogi kɔ̀rɔsíi! Fànʔa le mɔ sárigèle ni, lòmaana le ní mɔ fangi myɛ ní!

Sofonii 3:11

«Cángi bee na nàʔabeemi myɛ mɔ kpéʔele mii na lè, fɛ̀ɛrɛ a ní mɔ taa bi kéeli na í, níì cán lǎli bee ni bele be muguri ní nɛ̀ɛnyɛnɛgɛ ní lè mii a be cɔɔnri yirige mɔ níngi ni. Mɔ a láʔa nɛ̀ɛgbɔʔɔgi pyele na mii nyanbejǎngi na.

Luki 18:14

Mii a gi joo yele ma, nǎnw bee n kári ní tànʔa ní wi kpaʔa ma, Farisiw si ga gi taa í. Níì cán syɔɔn o syɔɔn wi wiyɛɛ gbɔ́ʔɔgi lè, pe a ba wee bee cɛ́rɛ, wee si wi ga ni wiyɛɛ jɛ́rɛgi lè, pe a ba wee bee kpɔ́ʔɔ.»

Zyaki 4:6

Koro ní ki myɛ ní kpɔ́ʔɔri Kolocɔlɔɔ kaangi lè, ti n kpɔ́ʔɔ n sáà sɔ̀lɔ, níì cán ki n joo wi syɛɛnsɛbɛri ni níì jo: «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle wi i nyɔɔgi bele bee na.»

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»