Zyeremii 13:18 - Cebaara Bible 2010

¹⁸ Ki joo fànʔafɔw ní fànʔafɔjew ma mí be pye: «Ye tɛ́ɛn tári na, níì cán yele kùndigi-tɔ́ngi n too, ki lè yele fèreri fànʔa nyùndɔngɔ.»

Zyeremii 13:18 Iomraidhean Croise

2 Fànʔafɔbèle 24:12

lǎli bee ni a Zyuda fànʔafɔw Yehoyakɛn yiri n kári Babilɔni fànʔafɔw ma, woro ní wi nɔ́ɔw, ní wi falipyebèle, ní wi syɛɛnkpolobèle, ní wi nǎnbèle be wòlo lè. A Babilɔni fànʔafɔw wi kpéʔele kàsoleo woro fǎngi yɛ̀ʔɛlɛ kɔrɔtaanri wólo na.

2 Fànʔafɔbèle 24:15

A wi Yehoyakɛn cò n kári Babilɔni ma, ní Yehoyakɛn nɔ́ɔw, ní wi cébèle, ní wi nǎnbèle be wòlo lè n fàra tári báriga syɛ̀ɛnnɛ na, wi n be cò Zyerusalɛmi ni n kári Babilɔni ma.

2 Cányi kèlē 33:12

N wi yaʔa fɔ̀rɔgi ni, a wi Yawe wi Kolocɔlɔw nyɛ́ɛri gbanʔama, níì tɔ̀nɔ n wiyɛɛ jɛ́rɛ wi toolɛɛbèle Kolocɔlɔɔ yɛ́ʔɛ ma.

2 Cányi kèlē 33:19

Wi nyɛ́ɛrigi, ní kánmee na gi lóʔo wi ma lè, ní wi kapeeli, ní wi kolomi, ní tɛ́ɛyee ni wi sáriga-wòlo-tɛ́ɛyɛ sámaga lè, níì Asyera tiikóriyo yérige n fàra ǹdedanyi na sáni wi wiyɛɛ jɛ́rɛ lè, gee bee n sɛ́bɛ Hozayi sɛ́bɛw ni.

2 Cányi kèlē 33:23

Wi ga wiyɛɛ jɛ́rɛ Yawe yɛ́ʔɛ ma àmɛɛ wi tóow Manase baa wiyɛɛ jɛ́rɛ lè í. Níì cán Amɔn n baa kàa fàra wiyɛɛ kolomi na n sɔ̀lɔ.

Yirile 10:3

A Mowizi ní Aarɔn kári Faraɔnw ma n sáà wi pye: «Yawe wi lè Heburubèle Kolocɔlɔɔ, wi n jo: ‹Làlìí ni mɔ a láʔa nya mɔ céemi na? Mii syɛ́ɛnbèle yaʔa be kári be sa mii kpɔ̀ʔɔrɔ.

Yirile 39:28

níì nyùnbwɔɔyɔ, ní kpɔɔmɔ nyùndɔnyɔ sámaga be ma ní lɛn fànifɛɛlɛfɛɛlɛɔ ní bi be kpɔ́ɔmi tɛ̀ɛn, n fàra kùrusiibéle na, bele be sámaga lè ní lɛn jèseenirio fànifɛɛlɛfɛɛlɛɔ ní,

Kàseegèle 27:24

Níì cán lɔ́ri a kòro beè làla o làla í, fànʔafɔ-nyùndɔnnɔ a wɔ́ɔ kòro beè bàā syée yaà yìrigèle myɛ syɛ̀ɛnnɛ ma í.

Ezayi 3:20

ní nyùndɔnyi, ní tɔ́lɔyi nyɔ̀ʔɔdirigéle, ní sɛntiiribèle, ní làtiikɔlikpogèle, ní sákpegèle,

Ezayi 3:26

Siyɔn kpàánweegèle a ra cɛ́ɛn si pye kùu káyaʔa na. Wi wowaaw a tɛ́ɛn tári na.

Ezayi 47:1

«Tìgi mi tɛ́ɛn támiigi ni, Babilɔni nàngeele sinján pìcaa! Tìgi mi tɛ́ɛn tári na fàngolo fun ni, Kalide ye pìcaa! Níì cán pe a ni da mɔ yiri yɛɛ̀nyinge cɔ́ɔ, ní cêŋɔndaaɔ í.

Zyeremii 22:24

Yawe n jo: «Mii woweew mɛ́ʔɛ na, Konya wi lè Yehoyakimi jáaw, Zyuda fànʔafɔw, àlí wi ga maa pye vèʔeo mii kàliige kɔ́gi na, mii a dée wi kíle wòlo.

Zyeremii 22:26

Mɔ ní mɔ nɔ́ɔw wi mɔ see lè mii a yele wáa táraa ni, beè lè pe ga yele see í, yele a kùu yaà beè.

Zyeremii 29:2

Koro n pye fànʔafɔw Yekonya ní wi nɔ́ɔw wi pye lè fànʔafɔjew, woro ní nǎnbèle be wòlo lè, ní Zyuda, ní Zyerusalɛmi syɛɛnkpolobèle, ní minizyebèle, ní fɔ̀nɔbèle yirile kadoʔo ma Zyerusalɛmi ni.

Zyeremii 36:16

Lǎli ni be syɛ́ɛnri bee myɛ lóʔo lè, a be i peyɛɛ wéle ní fyáara ní, níì gi joo Baruki ma níì wi pye: «Fwɔɔ wolo í syɛ́ɛnri naa myɛ tɛ̀ɛn fànʔafɔw na.»

Kayaagi Nyɛnigɛ 1:6

Calipili Siyɔn nìjanri myɛ n láʔa li na, wi syɛɛnkpolobèle i nyɛ àmɛɛ wogaabèlē nyɛ lè, bele be lè pe o lìile taagi í, pe si i syée fànʔa fun ni tòzoow yɛ́ʔɛ ma.

Kayaagi Nyɛnigɛ 1:9

Wi nɔ́nʔɔri i nyɛ wi buronyɔɔw na, wi da ni sɔ̀ngí wi kwɔ́ɔganmi na í. Wi tooli n tɔ̀nɔ n pye funwɔɔrɔ, syɔɔn faala si ga taa n wi kpɛʔɛlɛ í. «Mii cɛ́rɛli kéele wéle, ee Yawe, níì cán nigoow i fànʔa taagi.»

Kayaagi Nyɛnigɛ 2:10

Calipili Siyɔn wólɛɛbèle n tɛ́ɛn tári na n kòro pyèrio. Pe n támiige wo peyɛɛ nyúnyi ni, pe n gɔ̀nvaʔaya le buroyo. Zyerusalɛmi nàngeele sinján pìcaabèle n be nyúnyi jùngu n le tári ni.

Kayaagi Nyɛnigɛ 5:16

Wolo nyúnyi fànʔafɔ-nyùndɔnnɔ n too! Wɔʔɔlɔ i nyɛ wolo na, níì cán wolo n kapeele pye!

Ezekyɛli 16:12

mii n vèʔeo le mɔ fínaani na, n vèʔebēle le mɔ líiyi na, ní fànʔafɔ-nyùndɔnnɔ ferere mɔ nyúngi ni.

Ezekyɛli 21:26

Níì cán Babilɔni fànʔafɔw n yére kobariyi na, kóloyi siin tɛɛfaraga ni, ni wi yasunyi yíbe, wi i ŋáayi cúngu ni ǹdebiigèle yíbe, wi i yɛ̀ɛ́li sɛʔɛ ni wéle.

Ezekyɛli 24:17

Da kayaagi ŋɔ́ngi pyèrio, kùu káyaagi gi kpéʔele kúbèle kéele na lè, mɔ a kɔ́ koro kàa pye í, mɔ nyunbwɔɔgi pwɔɔ, mí mɔ taʔalayi le tɔ́lɔyi na, mɔ a kɔ́ mɔ nyɔɔbɔnziiri tɔ́n í, mɔ si a wɔ́ɔ kɔ́ lɔgusuro lìi í.»

Ezekyɛli 24:23

Yele nyùnbwɔɔyi a pye nyǔnyi ni, yele taʔalayi í pye tɔ́lɔyi na, yele a kɔ́ kùlege kpéʔele í, yele a kɔ́ ra nyaan í, waʔari si a yele cò yele kolomi kapyere kéele na, yele a ra cɛ́ɛn yeyɛɛ kéeli na.

Ezekyɛli 44:18

Lɛn fàni nyùnbwɔɔyɔ a pye be nyúnyi ni ní lɛn fàni kùrusiibéle pe sárigèle na. Pe a kɔ́ sɛntiiri faala tɛ́ʔɛ bi peyɛɛ bwɔɔ í, gee bee si kɔ́ kakpegi kaan kaa be ŋuu í.

Danyɛli 5:20

Kàjáa lǎli ni wi baa wiyɛɛ gbɔ́ʔɔ wi fúngi ni lè, níì wi zɔ̌nw gbàn fwɔɔ n nan nɛ̀ɛgbɔʔɔgi na, lǎli bee ni, a wi nɛnɛ n yìrige wi fàngoli na, a wi nìjanri wòlo wi na.

Zyonasi 3:6

A syɛ́ɛnri bee sáà nan Niniivi fànʔafɔw na. A wi yìri wi fàngoli na n wi burogbɔɔgi wòlo, níì gɔ̀nvaʔaga tɔ́n wiyɛɛ na n tɛ́ɛn cɔ́ɔngi ni.

Matye 18:4

Koro na, wee wi ga ni màama kpéʔele àmɛɛ pìíw naa nyɛ lè, wee bee wi kpɔ́ʔɔ n sɔ̀lɔ pe myɛ na nyɛ̀ʔɛni fànʔa ni.

Zyaki 4:10

Ki n yɛlɛ ye yeyɛɛ jɛ́rɛ Kàfɔw yɛ́ʔɛ ma, koro ga pye wi a yele kpólo.

1 Pyɛri 5:6

Gee bee na gi yɛlɛ yaa màama kpéʔele Kolocɔlɔɔ séekpɔɔw kɔ́lɔ láara ni, koro ga pye wi yele kpólo wi nyɛnɛ lǎli ni.