Zyeremii 13:16 - Cebaara Bible 2010

¹⁶ Yaa nìjangbɔɔrɔ taari Yawe na wi lè yele Kolocɔlɔw, sáni wi kɔ yébilimi yaʔa bi pan lè, sáni yele tɔ́lɔyi í kɔ́ kpírige lè cângwɔɔ-yébiligi nyanbeleye na. Yele i sɔ̀ngí gbɛ̀ɛnmɛ kéele na, kàjáa wi a bi kàriga kùu yébilimɛ, wi a bi kàriga yébiliwɔɔlɔ.

Zyeremii 13:16 Iomraidhean Croise

Zyɔbi 3:5

Ki n yɛlɛ yébilimi, ní kùúw nyímɛ í da gi caa. Ki n yɛlɛ fàfanʔa í tɛ́ɛn kòro ki ǹjogi ni, fyáakpɔɔrɔ wɔ́ɔmɔ si jée gi ni.

Ŋúnuyi 107:10

Pèle maa pye wodɛ́ɛnbéle ní yébilimi ni, ní kùúw nyínmɛ ni, pe maa pye kàsolebéle, foomɔ wòolo ní, nyɔ̀ʔɔdiriyi na,

Ŋúnuyi 107:14

Wi n be yirige yébilimi, ní kùúw nyínmɛ ni, níì be yapwɔɔri cɛnɛ.

Ŋúnuyi 29:2

Yaa Yawe mɛ́ɛgi nìjanra kaangi wi ma! Yaa tíri yaa tuun Yawe yɛ́ʔɛ ma ní fèreri yacanvororo ní yeyɛɛ na!

Ŋúnuyi 44:19

Wolo ga kolo n lúru wolo fúnyi ni í, wolo tɔ́lɔyi ga wàli n yiri mɔ kólogi ni í,

Yirile 10:21

A Yawe gi joo Mowizi ma níì wi pye: «Mɔ kɔ́gi yìrige ǹjogi ni jàngó yébiliwɔɔlɔ í pye Ezyipiti tári ni, li pye yébiliwɔɔlɔ, lee na syɔɔn a gbǎn tánga lè.»

Kàseegèle 4:19

Syɛɛnpeebèle kólogo i nyɛ àmɛɛ yébiliwɔɔlɔ nyɛ lè, yárigee na pe a kpírige lè, pe o gi nyaagi í.

Syɛɛnjóow 11:8

Syɔɔn ga yɛɛnɛʔɛgéle taa sìi na, ki n yɛlɛ waa fundaanra kpéʔele ke myɛ ni, wi sɔ̀ngi wi taa gi na wi cán yébilimi canya yi a ba nɛʔɛ. Gee myɛ gi maa lè ki i nyɛ gbanzan.

Ezayi 5:30

Cángi bee na fúlolo a pye gi na àmɛɛ sólomi lɔ̀ʔɔ fúlomɔ nyɛ lè. Pe a ra tári wéle, wéle, ti a pye yébilimɛ, ní wɔʔɔgɔ, gbɛ̀ɛ́nmi a kàri yébilimɛ nyɛ̀ʔɛwɔɔli báriga ni.

Ezayi 59:10

Wolo i tala ni syée àmɛɛ fúunbéle nyɛ lè gungo taana. Wolo i tala ni máari àmɛɛ bele nyɛ, bele be lè pe nyapiigèle o nyɛ be ma í. Wolo i kpírigi cânvulɛɛli na àmɛɛ cângwɔɔ-yébilige làla nyɛ lè, n wolo yaʔa cólogomi nínge ni wolo i nyɛ àmɛɛ kúbéle nyɛ lè.

Ezayi 59:9

Koro na kútiisinw canʔana wolo na, sínni o nangi wolo na í. Wolo maa ni gbɛ̀ɛ́nmi sige, yébilimi si bi bee. Gbɛ̀ɛngbɔɔmɔ wolo da ni sige, á wolo si ba ni táanri yébilimi ni.

Ezayi 60:2

Níì cán wéle, yébilimi i tári tɔ́ngi ni syée, yébiliwɔɔli i syɛɛnfeleyi tɔ́ngi. Kàjáa mɔ má Yawe gbɛ̀ɛ́nmi yirigi, mɔ njogi ni wi nìjangbɔɔri tiyɛɛ dèé.

Ezayi 8:22

Koro kàdoʔo ma pe a ra wéle tári na, wéle, ki a pye fɔ̀rɔgɔ, ní yébilimɛ, ní wɔʔɔgi yébiliwɔɔlɔ. Pe a ŋɔrigɔ wáa yébiliwɔɔlɔ ni.

Zyeremii 14:19

A mɔ zǐn Zyuda wáa lé wi péw, wàlá a Siyɔn pye mɔ fúngi yanibɛɛnmɛgɛ? Nyàʔá na mɔ wolo kpúmɔn pɔʔɔlɔ si a ní taa wolo ma í? Wolo maa wolo sɔ̀ngumi taʔa yɛɛ̀nyingi taala na, kàjáa yacanga faala o yaà í, pɔʔɔlɔ lala na, kàjáa wéle, fyáakpɔɔrɔ dii!

Zyeremii 2:6

Pe si ga wɔ́ɔ̀ gi joo í, níì jo: ‹Sán Yawe nyɛ woro wee wi wolo yirige Ezyipiti tári ni lè, níì kíni wolo yɛ́ɛgi na fìími tára ni, lɔ̀ʔɔ fun tára, ní gòrógoroweeye tára ni, waama ní kùu yébilimɛ tára ni, táraa ni, dee di lè syɔɔn faala da ni sɔ̀lɔ́ yaà í, ní beè lè syɔɔn faala da pye í?›

Zyeremii 23:12

«Koro na pe kólogi a ra tàrá, si pye yébilimɛ, pe a be ŋɔrigɔ, pe a too. Níì cán mii a wɔʔɔli yaʔa li too be na, yɛ́ɛlee na mii a keele tɛ́ʔɛ be na lè,» Yawe wi jo nya.

Zyeremii 4:23

Mii n tári wéle, n gi nyaa ti i nyɛ sìnzamaga ni, yafyɛn ga pye yaà í. Nyɛ̀ʔɛgèle kàbaan ma, ke gbɛ̀ɛ́nmi ga pye yaà í.

Zyeremii 50:6

Mii syɛ́ɛnbèle maa pye bàpuunibēle batogo. Pe nàʔafɔbèle maa ni be pùuní, ni be curugu ni máari nyanbeleyi na, a be i nyanbeleyi ní dǎndamayi sɔ̀lɔ́ ni máari níì fɛ̀ʔɛ be tɛɛkòrogi na.

Zyeremii 6:21

Koro na Yawe syɛ́ɛnri naa joo níì jo: «Wéle, mii a kàdɛnɛ-gbírigeye tɛ́ʔɛ syɛ́ɛnbèle naa yɛ́ʔɛ ma, yee na tofɔbèle ní jaafɔbèle, ní kètɛnɛnyɛnbèle, ní tàannyɛnbèle a pínɛ da kpírigi da tuun lè. Pe a ra kúu.»

Zyeremii 8:15

Wolo maa wo sɔ̀ngumi taʔa yɛɛ̀nyingi taala na, kàjáa yacanga faala o yaà í. N wo sɔ̀ngumi taʔa pɔʔɔlɔ lala na, kàjáa wéle, fyáakpɔɔrɔ dii!

Kayaagi Nyɛnigɛ 4:17

Wolo nyapiigèle fànʔa maa ní ni kwóo ni syée gbanzan àmɛɛ wolo da ni dɛ̀ɛmɛni sige lè, wolo maa ni syɛɛnfelege sige, ni gi sige, gee gi lè ki ga wolo syɔɔ í.

Ezekyɛli 21:15

Kpóobeeli kéele na pe tɔ̀nɔ n wi jɔɔgɔ, pe n wi kurugo jàngó waa nyɛ́ʔɛnɛ. A wolo si yɛlɛ lé bàā fundaanra kpéʔele? Mii jáaw sàbinnɛ i tíiyi myɛ faari.

Ezekyɛli 34:12

Amɛɛ bànaʔaɔ wi bàtogo saanri ni wéle lè, lǎli ni wi nyɛ wi bǎbèle nínge ni be yàli n màʔa lè, ànbée mii a ra mii bǎbèle saanri da wéle, mii a be yirige yaà tɛ́ɛyee myɛ ni be cariga n fala lè fàfanʔa, ní nìgolowirige canʔa na.

Ezekyɛli 36:15

Mii a ní mɔ yaʔa mɔ í syɛɛnfeleyi tɛʔɛlɛyɛ lóʔo í, syɛɛnfeleyi faʔara a ní nan mɔ na í. Mɔ a ní mɔ syɛɛnfelegi yaʔa gi kpírige í, Kàfɔw Yawe wi jo nya.› »

Zyowɛli 2:2

Yébilige, ní yébiliwɔɔlɔ canʔa gii, fàfaanya ní nìgolowirige canʔa gii, ki i maa àmɛɛ nyǐnjerige nyɛ lè nyanbeleyi na. Syɛɛnfelegaa wéle, gee gi nɛʔɛ lè á gi fǎngi wɔ́ɔ̀ kpɔ́ʔɔ, gee gi lè ki felege da kɔ́ɔ̀ pye beè í, ki felege si a ní wɔ́ɔ pye nyáana yìrigèle gele ni ge maa lè í.

Amɔsi 4:13

Wéle, wee wi nyanbeleyi sámaga lè, níì káfalagi sámaga, ní i syɔɔn kasɔngugèle tèé wi na, woro wee wi nyǐnjerigi kàragí lè yébilimɛ, ní i táanri ni sɔ̀lɔ́ tári dǎndamaya na lè, woro mɛ́ɛgi gi nyɛ Yawe Kolocɔlɔɔ, wi lè Nyɛ̀ʔɛni Sùlasiibéle Kafɔlɔ.

Amɔsi 5:18

Yele bele ye Yawe cángi yèʔerí lè wɔʔɔlɔ i nyɛ yele na. Nyàʔá yele sɔ̀ngí Yawe cángi kéele na? Yébiliwɔɔlɔ canʔa gii, gbɛ̀ɛnmɛ canʔa ban í.

Malasyii 2:2

Yele ga pye yele ga lóʔo í, yele ga pye yele o gi tímana yele fúnyi ni bàā kpɔʔɔrɔ taari mii mɛ́ɛgi na í, mii a dángaw taʔa yele na, mii a yele dùbaw dánga. Kányɛʔɛ na mii n yele dùbaw dánga, níì cán yele ga wi kéeli cò yele fúnyi ni í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zyan 12:35

A Zyezu be pye: «Gbɛ̀ɛ́nmi sèʔé i naa yele níngi ni bi làla cɛɛri kwɔ́ɔ. Amɛɛ si gbɛ̀ɛ́nmi nyɛ lè yele ma lǎli naa ni, ki n yɛlɛ yaa táanri bi na, koro ga pye yébilimi a kɔ́ yele nɛnɛ taa í. Níì cán syɔ́ɔnwee wi táanri lè yébilimɛ ni, wi o wi kàbangárigi cángi í.

Zyozuwe 7:19

A Zyozuwe Akan pye: «Ni pyà, Yawe kpɔ́ʔɔganmi kéele córo, wi lè Isirayɛli ye Kolocɔlɔw, mí wi kpɔ́ʔɔ. Gee mɔ kpéʔele lè, ki joo mii ma, mɔ a kɔ́ gi làriga mii na í.»

1 Pyɛri 2:8

ní i nyɛ: «Kàdɛnɛgɛ, gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè.» Amɛɛ gi nyɛ lè pe ga fɔ̀lɔ ni yèré Kolocɔlɔɔ syɛ́ɛnri ni í, koro na be kpírigi, gee bee si ki da kɔ̀rirɔ n kpéʔele be kánmi na.

1 Samyɛli 6:5

Ye yele níkunyi niwiriye, ní yele tǔbèle niwiriye sámaga, poro bele be tári kálagi lè, ye Isirayɛli Kolocɔlɔw kpɔ́ʔɔ. Dɔ̀ʔɔ́ àmɛɛ wi wi kɔ́gi taʔa yele ní yele kolocɔlɔbèle, ní yele tári na lè, wi a kàa yirige gee bee ni.