Zyeremii 13:10 - Cebaara Bible 2010

¹⁰ Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 13:10 Iomraidhean Croise

Ŋúnuyi 78:8

Jàngó pe a kɔ́ pye be toolɛɛbèle félege í, lǎli bee syɛ̀ɛnnɛ pe da pye lè be toolɛɛbèle, be pye lè líiweepɛɛnnɛ syɛɛnnɛ ní niceebéle, pe fúnyi da pye kàbanga nibin na í, pe pìígèle da fílige Kolocɔlɔɔ kàbangi na í.

Syɛɛnjóow 11:9

Nìgɔcariɔ, da muguri mɔ cárimi làla ni, ki n yɛlɛ maa fundaanra kpéʔele mɔ cárimi canya ni, kóloyee mɔ fúngi tèé mɔ na lè, da yi táanri maa yɛlɛgi ní mɔ nyapiigèle kanyaagéle ní. Kàjáa ki n yɛlɛ mi gi cán Kolocɔlɔɔ a ba mɔ yérige kútiijoo-tɛ́ɛgi ni gee bee myɛ kéele na.

Ezayi 3:24

Lǎli bee ni yafɔnʔɔgɔ núngo a pye nùndaanna sìndɛʔɛ ni. Mɛɛnnɛ si pye sɛntiiri sìndɛʔɛ ni. Nyùnvologo si pye nyùndiinge sìndɛʔɛ ni, Gɔ̀nvaʔaga búrogo si pye burojàn-dèlege sìndɛʔɛ ni. Namisógugo si pye nìjanra sìndɛʔɛ ni.

Zyeremii 11:10

Pe n lúru ni be booma tofɔlɛɛyi kakoloyo kpéʔele, poro bele be cée pe ga fɔ̀lɔ ni mii syɛ́ɛnri lúro lè í, níì peyɛɛ bwɔɔ kolocɔlɔbèle pèle na, ni poro kpɔ̀ʔɔrɔ́. Isirayɛli kpáagi wòolo ní Zyuda kpáagi wòolo n mii joogaanni kálagi, loro lee mii da kpéʔele ní be toolɛɛbèle ní lè.

Zyeremii 11:18

Yawe n gi tɛ̀ɛn mii na, a mii gi cán. Lǎli bee ni mɔ n gi yaʔa a mii be kapyeri nyaa.

Zyeremii 13:7

A mii kári Ufurati ma n sáà sɛntiiriw fuguri n yirige tɛ́ɛgee ni mii da wi làriga lè. Kàjáa wéle, sɛntiiriw maa kálagi, wi da níì pye bi gbǎn yafyɛn nyɔɔ í.

Zyeremii 16:12

‹Yele si na, yele n ní baa kapeʔe pye n sɔ̀lɔ yele tóolɛɛbèle na. Wéle, yele myɛ nibin nibin n yeyɛɛ daʔa yele péemi zɔ̀ngbaɔn na, yele ga lóʔo mii ma í.

Zyeremii 16:4

«Yaama a be kpóo. Pe kùúyi a le í, pe a nyanya taa í. Pe a pye kariga tári na. Ŋɔséew, ní kateekpɔɔgi a be kwɔ́ɔ. Pe kúceri a pye kaara nyɛ̀ʔɛni féjɛɛnrɛ ní tári yaweere ma.»

Zyeremii 20:4

Níì cán syɛ́ɛnri naa Yawe joo níì jo: ‹Wéle, mii a fyáakpɔɔrɔ cáan mɔ ní mɔ taannyɛnbèle myɛ na. Pe nigoobèle ŋɔsée a be cáan, mɔ nyapiigèle a gi nyaa. Mii a wɔ́ɔ Zyuda ye myɛw le Babilɔni fànʔafɔw kɔ́yɔ ni, wi a be cò bi kári Babilɔni ma, si pèle kpóo ní ŋɔséew ní.

Zyeremii 22:21

Mii n joo ní mɔ ní lǎli ni mɔ pye lè kasɔngunɔ fun ni, a mɔ i gi nyuu níì jo: ‹Mii a lóʔo í.› Koro gi pye mɔ tánʔaganmi, nlaa yaà mɔ cárimi làla ni, mɔ ga téè mii jóomi lóʔo í.

Zyeremii 23:17

Pe n soro ni gi nyuu bele má pe mii faari lè níì jo: ‹Yawe n jo: Yele a pye yɛɛ̀nyinge na.› Ni gi nyuu syɔɔn o syɔɔn ma wi tɛ́nɛ̀ wiyɛɛ daʔa wi fúngi sɔ̀ngumɔ na lè, níì jo: ‹Wɔʔɔgɔ faala a nan mɔ na í!›

Zyeremii 3:17

Lǎli bee ni pe a ra Zyerusalɛmi yiri «Yawe Fàngoli.» Syɛɛnfeleyi myɛ a ra kpóʔoro yaà Yawe mɛ́ɛgi na Zyerusalɛmi ma. Pe a ní peyɛɛ daʔa pe funbeeyi nàʔagbanma na í.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 44:16

«Syɛ́ɛnri mɔ nyuu wolo ma Yawe mɛ́ɛgi na lè, wolo o caa bi di lóʔo í.

Zyeremii 44:5

Kàjáa pe ga lóʔo í, pe ga líiyi cáan í. Pe ga kapeegi yaʔa, gee be kpéʔele lè í, pe ga láʔa nùndaanni yáriga sórigolo na kolocɔlɔbèle pèle nikwɔɔlɔ ma í.

Zyeremii 5:23

Kàjáa syɛ́ɛnbèle naa fúnyo n gbàn, pe i nyɛ niceebéle. Pe i núngu ni syée.

Zyeremii 7:13

Tɔ́ɔliw ni doò, àmɛɛ yele kapyeri bee myɛ kpéʔele lè, Yawe wi jo nya, ní àmɛɛ mii joo ní yele ní lè sìnyére ni, yele si ga lóʔo í, ní àmɛɛ mii yele yeri lè, yele si ga syɔɔ í,

Zyeremii 7:6

yele ga pye yele o fǎngi gbàngí nibɔnw ní círiw, ní lɔgucew na í, yele ga pye yele o tɛɛlɛ fun sìsyaanw ŋuu tɛ́ɛgi naa ni í, yele ga pye yele ga yeyɛɛ daʔa kolocɔlɔbèle pèle nikwɔɔlɔ na í, n wɔʔɔgɔ caa n kaan yeyɛɛ ma í,

Zyeremii 8:5

Nyàʔá na si Zyerusalɛmi syɛ́ɛnbèle naa kòro niceebéle ni syée nya? Pe n kòro n tan fáanagi na, pe n cée pe ga fɔ̀lɔ bi lúru pan í.

Zyeremii 9:13

Fwɔɔ a be taʔa be fungbanyi kasɔngurɔ na, ní Baalibèle na wɔ́ɔgēle, bele be toolɛɛbèle da tɛ̀ɛn be na lè.»

Zyeremii 9:14

Koro na Nyɛ̀ʔɛni Sùlasiibéle Kafɔlɔ Yawe, wi lè Isirayɛli Kolocɔlɔw, woro wi syɛ́ɛnri naa joo níì jo: «Wéle, mii a kòbi kaan syɛ́ɛnbèle naa ma pe lìíli, si tɔnmɔ lɔ́ʔɔ kaan be ma pe gbaa.

Zyeremii 9:6

Gee bee na Nyɛ̀ʔɛni Sùlasiibéle Kafɔlɔ Yawe syɛ́ɛnri naa joo níì jo: «Wéle! Mii a be gbàla si be sɛʔɛ bi wéle. Níì cán kanmìí na mii a gi pye mii syɛ́ɛnbèle kàbaan na?

Córolo 14:11

A Yawe Mowizi pye: «Làlìí ni syɛ́ɛnbèle naa a láʔa mii faʔali na? A pe a zǐn cée lé bi kòro sìndaga ni mii na, àlí fɛ̀ɛ́bèle myɛ mii wírè kpéʔele be níngi ni lè?

Kapyegèle 7:51

Yele nyùngbowaayi syɛ̀ɛnnɛ, yele bele ye nyɛ lè sìngɛnɛbéle yele fúnyi ni, ní yele líiweegèle kàbaan na, ní wɔ́ɔ i Pìicǎnni kábala làla o làla, àmɛɛ yele tóolɛɛbèle da pye lè, ànbée yele wɔ́ɔ̄ nyɛ.

Heburubèle 12:25

Ki n yɛlɛ yaa kɔ̀rɔsíi koro ga pye wee wi nyuu yele ma lè, yele a kɔ́ wi cée í. Níì cán wee wi da ni syɛ́ɛnbèle sàmí lè tári na, bele pe da wi syɛ́ɛnri cée lè, kapye bele bee ga syɔɔ wɔʔɔli ma í, wee wi nyɛ lè nyɛ̀ʔɛni ni, ní i wolo sàmí lè, wolo ga kàdoʔo wáa wee bee ma, mɛ̀ɛ́ wolo a gbǎn syɔɔ bi sɛ́ɛ?