Zyeremii 13:1 - Cebaara Bible 2010

¹ A Yawe syɛ́ɛnri naa joo mii ma níì jo: «Da syée, mɔ a sa lɛn sɛntiiri syɔɔ miyɛɛ kéeli na, si wi tɛ́ʔɛ bi miyɛɛ bwɔɔ mɔ sárigèle ni, kàjáa mɔ a kɔ́ wi cáan lɔ̀ʔɔ ni í.»

Zyeremii 13:1 Iomraidhean Croise

Ezayi 20:3

Yawe n jo: «Kánmee na mii falipyew Ezayi nyaari lè cepyá, ní taʔalaya fun, koro a pye yɛ̀ʔɛlɛ taanri fúngo ni, bi pye fɛ̀ɛ ní bìngaara Ezyipiti, ní Etyopii kéeli na,

Zyeremii 13:11

Níì cán àmɛɛ sɛntiiri nyɛ nàɔn sárigéle ni lè, kánmi bee na mii tiimaa da Isirayɛli kpáagi wòolo myɛ ní Zyuda kpáagi wòolo myɛ pwɔɔ niyɛɛ na, Yawe wi jo nya, koro ga pye be pye mii syɛ̀ɛnnɛ, bi pye mii mɛ́ɛgi, ní mii sòololi, ní mii fèreri. Kàjáa pe ga lóʔo í.›

Zyeremii 18:2

«Yìri mi tìgi yaà cóofaanw kpaʔa ma, mii a sa mii syɛ́ɛnri joo mɔ í lóʔo yaà beè.»

Zyeremii 19:1

A Yawe syɛ́ɛnri naa joo mii ma níì jo: «Da syée mi sa cóoro kasànna syɔɔ cóofaanw ma, mí syɛɛnfelegi wólɛɛbèle pèle, ní sáriga-wòlobèle wólɛɛbèle pèle pínɛ ní miyɛɛ ní,

Zyeremii 27:2

Yawe n syɛ́ɛnri naa joo mii ma níì jo: «Ki n yɛlɛ mi yapwɔɔrɔ, ní zúu sámaga mi taʔa mɔ yátiigi na,

Zyeremii 43:9

«Kàdɛnɛgboloyo láa Zyuda nǎnbèle nyɛ́nɛ na mi yi tɔ́n cóori ni, jùfaaw wéʔe ni gi nyɛ lè Faraɔnw fànʔafɔgbaʔa kpaanweele na Takipanɛsi ni.

Kapyegèle 21:11

A woro baa wolo nyaa yaà, níì Pɔli sɛntiiriw láa n wiyɛɛ bwɔɔ tɔ́lɔyi, ní kɔ́yi na níì jo: «Pìicǎnni li syɛ́ɛnri naa joo níì jo, Zyefubèle a sa sɛntiiriw naa fɔ́lɔ pwɔɔ kánmi naa na Zyerusalɛmi ni, si wi le syɛɛnfeleyi kɔ́yɔ ni.»

Heburubèle 1:1

Booma ni Kolocɔlɔɔ maa ni wi syɛ́ɛnri nyuu kanyaajoobèle ma, a be i di nyuu wolo tóolɛɛbèle ma làrigēle saʔa ni jooganmi féleye saʔa na,