Zyeremii 12:6 - Cebaara Bible 2010

⁶ Níì cán àlí mɔ senyɛnbèle tiimaa, ní mɔ tóow kpaʔa wòolo wɔ́ɔgēle, pe i mɔ jànváa, pe tiimaw wɔ́ɔ i yákpogèle wáa gbanʔama ni syée mɔ kurugo. Lǎli ni pe ga ni syɛɛntaanra nyuu mɔ ma lè, mɔ a kɔ́ tága be na í.

Zyeremii 12:6 Iomraidhean Croise

Zyɔbi 6:15

Mii senyɛnbèle si n mii jànváa àmɛɛ lòcoologo nyɛ lè, àmɛɛ lómɛɛgèlē lóyo nyɛ, yee yi kwóo lè.

Ŋúnuyi 12:2

Ee Yawe, ki n yɛlɛ mi wo syɔɔ, níì cán Kolocɔlɔɔ yɛ́ɛgi fyáafɔɔlɔ i kwóo ni syée. Tágala syɛɛnnɛ ní o beè syɔɔn ye níngi ni í.

Ŋúnuyi 12:3

Pe myɛ nibin nibin i finɛ be syɛɛnnyɛnbèle ma. Pe i be syɛɛnnyɛnbèle lɛ́ɛlɛ ní syɛɛntaanri ní, ní si i nyuu ní funyo siin-ziin ní.

Ŋúnuyi 69:8

Níì cán mɔ kéeli na mii tɛʔɛlɛyi kpàracó, a fɛ̀ɛ́ri mii nyúngi kpɔ́ʔɔ.

Kàseegèle 23:8

Kanyinni mɔ lìi lè mɔ a li tùgu, mɔ tamagi syɛɛntaanra si nyɔʔɔrɔ.

Kàseegèle 26:25

Wi ga wi nyɔɔsyɛɛnri tɛ́nɛ, mɔ a kɔ́ tága wi na í, níì cán yanɔnʔɔyɔ kɔrɔsiin i nyɛ wi fúngi ni.

Ezayi 31:4

Gee naa Yawe joo mi ma, wi n jo: «Amɛɛ càaraɔ, ní àmɛɛ càarabiige kaana gi kaacòro nyúngo ni lè, àlí pe ga bànaʔabēle saʔa yeri wi kánmi na, wi a tée fyáa be kàfulogi na í, fyáara a tée wi cò pe nɛʔɛni kéele na í. Kánmi bee na Yawe wi lè Nyɛ̀ʔɛni Sùlasiibéle Kafɔlɔ, wi a ba kapɛɛnni kpúmɔn Siyɔn nyanbelegi na, ní wi dǎndamagi na.

Zyeremii 11:19

Mii maa pye àmɛɛ bàpile nyɛ, lee li fwɔɔgɔ lè, lee be cò ni syée kaàkpoo-tɛ́ɛgi ma lè, kérigèle pe da ni tímana be fúnyi ni mii kánmi na lè, mii da ge cán í. Pe n jo: «Wo tíigi kálagi ní gi yasangi ní! Wo wi kɔ́n wo yirige yaà niweebèle tára ni, pe a ní kɔ́ sɔ̀ngi bi taa wi mɛ́ɛgi na í!»

Zyeremii 11:21

«Koro na Yawe syɛ́ɛnri naa jo Anatɔti syɛ́ɛnbèle kánma na, poro bele pe mɔ siikwɔɔri caa lè, ní i gi nyuu níì jo: ‹Mɔ a kɔ́ ra nyɛ̀ʔɛna kérigèle nyuu baa tèé Yawe mɛ́ɛgi na í. Kapye koro ban í, wolo kɔ́yi a mɔ kpóo.›

Zyeremii 20:10

Mii i syɛɛnnɛʔɛmɛ syɛɛn-ŋúnuŋunuro lúro a pe i gi nyuu níì jo: «Fyáakpɔɔrɔ i nyɛ kàbanyi myɛ na! Yaa gi nyuu yaa tèé! Waa gi nyuu waa tèé!» Bele myɛ pe da pye ní mii ní lè yɛɛ̀nyinge na, pe i mii tooli caa ní i gi nyuu níì jo: «Dɔ̀ʔɔ́ wi a wiyɛɛ yaʔa be fáana pùuni, wolo si wi taa jáa, si gɔ̀lɔ́w wòlo wi na!»

Zyeremii 9:2

«Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Zyeremii 9:3

«Syɔɔn o syɔɔn n yɛlɛ waa wiyɛɛ kɔ̀rɔsíi wi tàannyɛnnɛ na, wi a kɔ́ wiyɛɛ yaʔa wi senyɛnwaa faala na í. Níì cán senyɛnbèle myɛ i nyɛ námarafɔɔlɔ, tàannyɛnbèle myɛ i mɛ́ɛyi kálagi ni máari.

Zyeremii 9:4

Pe i peyɛɛ jànváa, pe o kányɛʔɛ nyuu í, pe i be nyíngèle tɛ̀ɛ́ jànvaaw joolo na, pe i peyɛɛ vɔ̀rɔgí kakoloyi pyele na.

Zyeremii 9:5

Mɔ tɛɛkòrogi i nyɛ námaraw nínge ni. Fáanagi báriga ni pe ga fɔ̀lɔ bi mii cán í,» Yawe wi jo nya.

Matye 10:21

Syɔɔn a ba ra wi senyɛnnɛ kaangi kùúw ma, tofɔlɔ í da wi pyà kaangi kùúw ma, pìíbèle si wɔ́ɔ ba yìri be seefɔbèle kurugo sáā be kúu.

Mariki 12:12

A Zyefubèle yɛɛ̀kinibéle fala ni caa bi Zyezu cò, níì cán pe maa gi cán poro na wi kàseeli bee wáa, kàjáa pe maa ni fɛ̀ɛgí syɛ́ɛnmi na. A be núngo wi taana n kári.

Zyan 7:5

(Wi cɔnɔbèle da kɔ́ɔ̀ tága wi na lǎli bee ni í.)

Kapyegèle 16:22

A syɛ́ɛnmi yìri be kurugo. A fànʔafɔbèle be búroyi kíle n wòlo be na níì pèle pye paa be kpúmɔn ní kàgbeegèle ní.

Kapyegèle 18:12

Lǎlee ni Galiyɔn da pye lè Akayi tári fànʔafɔlɔ, lǎli bee ni a Zyefubèle pínɛ n yìri Pɔli kurugo n wi kɔ́ri n kári kútiijoo-tɛ́ɛgi ma,