Zyeremii 12:5 - Cebaara Bible 2010

⁵ Mɔ ga ni fé ní tɔlɔyɔfɔɔlɔ ní, á pe si i mɔ fɔ̀rɔgí, mɛ̀ɛ́ mɔ a kɔ́ gbǎn ra kàbá bi sɛ́ɛ ní syɔɔnyɔ ní? Tári di nyɛ yɛɛ̀nyinge na lè sági, mɔ ga pye mɔ ga fûnnyinge taa di ni í, mɔ ga baa pye Zyuridɛnw cábifóʔo ni, mɛ̀ɛ́ mɔ a gi pye?

Zyeremii 12:5 Iomraidhean Croise

1 Cányi kèlē 12:15

Gadi yòdaʔaya yi pye, ní i nyɛ kapɛɛnkpumɔnbèle kùndigibéle, wee wi lè wobili, woro nibin maa nànbēle dabata kwɔ́ɔ, á wogbɔɔw si nànbēle saala kagunɔ kwɔ́ɔ.

Ŋúnuyi 42:7

Mii Kolocɔlɔw, mii fúngi báriga n tɔ̀nɔ n kwɔ́ɔ mii kéeli na, koro na mii sɔ̀ngí ni taagi mɔ na, n mii yaʔa Zyuridɛn tári ni, ní Hɛrimɔn nyanbe-nyundɔnɔyi, ní Miseyari nyanbelegi na.

Kàseegèle 24:10

Mɔ bárigaw ga kwɔ́ɔ wɔʔɔgi canʔa na, mɔ fangi n pye foomɔ wóʔo ní.

Kàseegèle 3:11

Ni pyà, kpúmɔn-mí-kàrigali Yawe kpéʔele lè, mɔ a kɔ́ li faʔa í. Wi ga fúlo mɔ na, mɔ a kɔ́ gee bee nyaa kapeʔe í.

Zyeremii 11:21

«Koro na Yawe syɛ́ɛnri naa jo Anatɔti syɛ́ɛnbèle kánma na, poro bele pe mɔ siikwɔɔri caa lè, ní i gi nyuu níì jo: ‹Mɔ a kɔ́ ra nyɛ̀ʔɛna kérigèle nyuu baa tèé Yawe mɛ́ɛgi na í. Kapye koro ban í, wolo kɔ́yi a mɔ kpóo.›

Zyeremii 26:8

Lǎli ni Zyeremii kwɔ́ɔ lè syɛ́ɛnri joolo na, dee myɛ Yawe da joo n gbàn wi ma níì jo wi di joo syɛ́ɛnbèle myɛ ma lè, a sáriga-wòlobèle ní kanyaajoobèle, ní syɛ́ɛnbèle myɛ wi cò níì jo: «Mɔ a kpóo wii!

Zyeremii 36:26

A fànʔafɔw gi joo n gbàn Yerakimeyɛli ma, wi lè fànʔafɔw jáa, ní Seraya ma, wi lè Aziriyɛli jáaw, ní Syelemya ma, wi lè Abideyɛli jáaw, níì jo pe sa sɛ́bɛkanw Baruki, ní kanyaajoow Zyeremii cò. Kàjáa a Yawe be làriga.

Zyeremii 49:19

Wéle, àmɛɛ càaraɔ nyɛ, wee wi yirigi Zyuridɛn tɛɛ̀tɔ́nyi ni lè ni syée tɛɛkòrogi ma, gee gi nyɔɔ lè. Mii a Edɔmi yaʔa wi fàn bi núngo yaà làla nibin ni, si wi télege yaà, wee mii nyɛ́nɛ n wòlo lè. Níì cán wìí wi nyɛ mii félege? Wìí wi a gbǎn mii yeri kútii na? Bànaʔawìí wi nyɛ bi gbǎn soro yére mii yɛ́ʔɛ ma?»

Zyeremii 50:44

Wéle, àmɛɛ càaraɔ nyɛ, wee wi yirigi Zyuridɛnw tɛɛ̀tɔ́nyɔ ni lè ni syée tɛɛkòrogi ma, gee gi lè ki a gbǎn kálagi í. Mii a be yaʔa be fàn bi núngo yaà làla nibin ni, si wi télege yaà, wee mii nyɛ́nɛ n wòlo lè. Níì cán wìí wi nyɛ mii félege? Wìí wi a gbǎn keele cɔɔnriganma tɛ̀ɛn mii na? Bànaʔawìí wi nyɛ bi gbǎn soro yére mii yɛ́ʔɛ ma?»

Zyozuwe 3:15

Ki si maa pye yaliiri làrilaala ni. Lǎli bee ni Zyuridɛnw gáà nyìn n kabi n fala seʔe tári ni. Sáriga-wòlobèle be joogaanni kásu láa lè, a poro ga sáà nan Zyuridɛnw na níì be tɔ́lɔyi le lǒgi ni kàgogi na,

1 Pyɛri 4:12

Mii syɛɛn-nidaanmabèle, kagbanyi yi nyɛ yele na àmɛɛ naà nyɛ lè jàngó bàā yele sɛʔɛ da wéle, yele a kɔ́ gee bee yaʔa gi yele fúnyi wɔ́ɔ si jo ki n pari yele na í.