Zyeremii 12:3 - Cebaara Bible 2010

³ Mɔ si na, Yawe, mɔ n mii cán, mɔ i mii nyaagi, mɔ i mii fúngi sɛʔɛ, ki i mɔ taana. Pe cò àmɛɛ pe gáà bàala cò n yaʔa lè kaàkpoo-tɛ́ɛgi kéele na, pe yaʔa kɔlɔ̀ na kpóoli canʔa yɛ́ʔɛ na.

Zyeremii 12:3 Iomraidhean Croise

2 Fànʔafɔbèle 20:3

«Ee Yawe, nyɔɔ mii na, sɔ̀ngi mi taa gi na mi cán mii maa ni táanri mɔ yɛ́ʔɛ ma kányɛɛgi, ní funviiw na, ní wɔ́ɔ i gi kpéʔele gee gi nyɔɔ mɔ nyɛ́nɛ na lè.» A Ezekyasi tɔ̀nɔ n nyɛni gbanʔama.

1 Cányi kèlē 29:17

Ee mii Kolocɔlɔw, mii n gi cán ncan mɔ i syɔɔn fúngi sɛʔɛ ni wéle, a sínni kéele wɔ́ɔ̀ mɔ dɛ́nɛ, a mii si wɔ́ɔ̀ kínidɛnɛgɛ yakaanyi naa myɛ kaan mɔ ma ní fûnzinge ní, a mii wɔ́ɔ̀ gi nyaa lǎli naa ni mɔ syɛ́ɛnbèle be nyɛ lè nɛɛ woyérebéle ní, poro n kínidɛnɛgɛ yakaanya kaan mɔ ma, a koro pye mii ma fundaanra.

Zyɔbi 23:10

Kólogee si ni mii táanri lè, wi n gi cán. Wi ga mii sɛʔɛ n wéle tunweele ni lǎli ni lè, mii a yiri féw fɔɔnrɔ fun àmɛɛ tɛɛ̀ nyɛ lè.

Ŋúnuyi 11:5

Yawe i syɛɛnsinbèle ní syɛɛnpeebèle sɛʔɛ ni cángi. Bele gàlagíw dɛ́nɛ lè, bele bee kéele n wi bɛɛn.

Ŋúnuyi 139:23

Ki n yɛlɛ mi mii tímana mi wéle, ee Kolocɔlɔɔ, mi mii fúngi cán! Mii sɛʔɛ mi wéle mi mii sɔ̀nguri cán!

Ŋúnuyi 17:3

Mɔ i mii fúngi sɛʔɛ, mɔ i gi saanri ni wéle yébiligi ni, mɔ i mii sɛʔɛ ni wéle, mɔ si a yafyɛn nyaa mii na í, mii n gi kɔ̀rirɔ jàngó mii a kɔ́ kapeele pye ní mii nyɔ́ɔgi ní í.

Ŋúnuyi 26:1

Davidi ŋúnugi. Mii kútiiw ceri, Yawe! Níì cán mii i táanri ni yɛlɛgi ní mii nyɔɔ-mí-foroli ní, mii n mii sɔ̀ngumi taʔa mɔ na, Yawe, mii o téē fíigi ni máari í.

Ŋúnuyi 7:9

Yawe, mɔ wee wi syɛɛnfeleyi kútii cɛnɛ lè, ee Yawe, ki n yɛlɛ mi mii kútiiw joo bi yɛlɛ ní mii sínni, ní mii tɛɛlɛ-fǔnmi ní!

Zyeremii 15:15

Ee Yawe, mɔ n ki myɛ cán, sɔ̀ngi mi taa mii na, pan mi ba mii dɛ̀ɛmɛ, gɔ̀lɔ́w wòlo mii wɔʔɔfɔbèle na! Mɔ a kɔ́ mii kíle kári í, mɔ wee fúngo gi lè ki o taanri kelekele í! Ki n yɛlɛ mi gi cán mii i faʔari kpàracó mɔ kéeli na.

Zyeremii 17:16

Mii si na, bi pye bànaʔaɔ, mii ga gee bee cée mɔ ma í. Mii da ni wɔʔɔgi naa canʔa caa í, mɔ n koro cán. Gee gi yirigi mii nyɔ́ɔgi ni lè, ki i nyɛ mɔ yɛ́ʔɛ ma.

Zyeremii 17:18

Ki n yɛlɛ fɛ̀ɛrɛ í mii wɔʔɔfɔbèle taa, fɛ̀ɛrɛ si a kɔ́ mii taa í. Ki n yɛlɛ paa cɛ̀lɛ́, mii si a kɔ́ ra cɛ̀lɛ́ í! Ki n yɛlɛ mi wɔʔɔli canʔa yaʔa gi nan be na, pe kálagi gi tɛɛyɛ siin!

Zyeremii 20:12

Yawe, mɔ wi lè Nyɛ̀ʔɛni Sùlasiibéle Kafɔlɔ, mɔ wee wi syɛɛnsiɔn sɛʔɛ ni wéle lè, mɔ i syɔɔn kasɔ̀ngugèle ní wi fúngi myɛ nyaagi. Mii a mɔ gɔlɔ́-wòlori nyaa, dee mɔ a kpéʔele be na lè. Níì cán mɔ má mii mii kéeli kàlifáa.

Zyeremii 48:15

Mowabi n kálagi, pe n jée n wi kěyi nyìn. Wi cárimi wonyɛnɛ-wòlobēle i syée kaàkpoo-tɛ́ɛgi ma.» Fànʔafɔw mɛ́ʔɛ pe yiri lè Yawe, wi nyɛ lè Nyɛ̀ʔɛni Sùlasiibéle Kafɔlɔ, woro wi jo nya.

Zyeremii 50:27

Ye wi náapegèle myɛ kpóo, ke n yɛlɛ bi tìgi kaàkpoo-tɛ́ɛgi ma. Wɔʔɔli a pye ge na! Níì cán ke cángi n nan, ki lè ge cângbumɔngi.

Zyeremii 51:4

Bele be kpàli lè kùumɔ, ki n yɛlɛ be too Kalide ye tári ni, be pye wovurugu-jáanbéle ní Babilɔni kàlari-kóloyi ni.

Zyan 21:17

A wi níì wi yíbe tɔdaanri wógi na níì jo: «Siimɔn, mɔ wi lè Zyan jáaw, a mii kéeli mɔ dɛ́nɛ lé?» A gi pye Pyɛri ma funbɛɛnrɛ àmɛɛ Zyezu wi yíbe lè tɔdaanri wógi na níì jo: «A mii kéeli mɔ dɛ́nɛ lé?» A wi Zyezu yari: «Kàfɔw, mɔ n kérigèle myɛ cán. Mɔ n gi cán ncan mɔ kéeli n mii dɛ́nɛ.» A Zyezu wi pye: «Maa mii bǎbèle kaangi paa líi.

Zyaki 5:5

Yele n kòro yele lɔgbɔɔri tàanma na ni líi naa tári na, ní i yele nyɛ́nɛ kérigèle kpéʔele, yele i líi ni sìnmɛ nii yeyɛɛ ni yele kálagili canʔa yɛ́ʔɛ na, àmɛɛ yaweere nyɛ lè dee pe gbóo lè di sìnmɛ le ti cângboogi yɛ́ʔɛ na.

2 Pyɛri 2:12

Nǎnbèle bee si i nyɛ àmɛɛ yaweeri nyɛ lè sícilimɛ fun, toro dee di sii cò-mí-kpóoli kánma na lè, kérigèle ge nyɛ lè pe ga ge cán í, gele bee be faari. Pe a ba kálagi àmɛɛ yaweere nyɛ lè,