Zyeremii 12:1 - Cebaara Bible 2010

¹ Mɔ n sín n caanri, Yawe, mii í kɔ́ pye kàkabaga na ní mɔ ní. Koro ní ki myɛ ní mii i caa bi joo ní mɔ ní mɔ kútiiw kèlē cɔɔnriganma na: Nyàʔá na syɛɛnpeebèle kèlē nyɔɔgi? Nyàʔá na námarafɔbèle myɛ nyɛ yɛɛ̀nyinge na sági, poro bele be syɔɔn jànváa lè?

Zyeremii 12:1 Iomraidhean Croise

Sélimɛ 18:25

Bi syɛɛnsinw pínɛ kpóo ní syɛɛnpeew ní, mɔ a kɔ́ gi pye nya í. Bi syɛɛnsinw ní syɛɛnpeew pínɛ sèjira, mɔ a kɔ́ gee bee pye í. Wee wi nyɛ lè tári myɛ kútiijooo, gee gi sín lè, a wi a gbǎn kòro lé gi sìngbeʔele ni?»

Ɛsidirasi 9:15

Yawe, Isirayɛli Kolocɔlɔw, mɔ n sín, níì cán wolo n kòro níjanʔa àmɛɛ wogorobéle nyɛ lè. Wolo wo nyɛ bele mɔ yɛ́ʔɛ ma ní wolo kolomi ní, bi si pye kánmi bee felege na, wolo a gbǎn yére mɔ yɛʔɛ ma í.»

Nehemii 9:33

Gee myɛ gi wolo taa lè, mɔ n sín gi ni. Níì cán mɔ n tánʔa kányɛɛgi na, á wolo si kapeʔe pye.

Zyɔbi 12:6

Bi gi taa bele be yáriri nɛnɛ ni syoo lè, yɛɛ̀nyinge i nyɛ be fànikpaayi ni. Bele be kapeegèle pingi Kolocɔlɔɔ na lè, pe n tɛ́ɛn ŋɔ́ndaala na, ní bele myɛ pe be fǎngi pye lè pe Kolocɔlɔw.

Zyɔbi 13:3

Kàjáa Séew Myɛ Kàfɔlɔ má mii a joo. Mii i caa bi mii táangi joo Kolocɔlɔɔ yɛ́ʔɛ ma.

Zyɔbi 24:12

Bele be nyɛ kùúw tɛ́ʔɛmɛ ni lè, be cɛ́ɛnmi i lúro kěgi ni, wogbalibèle pìigēle i sùpiigèle wáa. Kàjáa Kolocɔlɔɔ o kapeegi bee córo í.

Zyɔbi 24:23

Wi n ŋɔ́ndaala kaan be ma li pye be tɛɛ̀sigili, wi nyɛnɛ i nyɛ be kóloyi na.

Zyɔbi 8:17

Wi nǐnri i jǐn ni syée kàdɛnɛ-gboolo ni. Wi i syòorí fálayi lariga ni.

Ŋúnuyi 116:5

Yawe i nyinimɛ taagi, wi n sín, wolo Kolocɔlɔw i nyɛ tàmagafɔlɔ.

Ŋúnuyi 119:137

Mɔ n sín, ee Yawe! Mɔ kajoo-mí-cerigèle n sín.

Ŋúnuyi 119:75

Ee Yawe, mii n gi cán ncan mɔ kútiiw kèlē n sín, mɔ kányɛɛgi báriga ni mɔ mii wɔʔɔ.

Ŋúnuyi 145:17

Yawe n sín wi kóloyi myɛ ni, wi i nyɛ funjànga fɔ́lɔ wi kapyegèle myɛ ni.

Ŋúnuyi 37:1

Davidi ŋúnugi. Mɔ a kɔ́ mɔ fúngi yaʔa gi tanʔa kakolobyebèle kurugo í, kapeebyebèle nyabɛɛnnɛ ga yɛlɛ bi pye mɔ na í.

Ŋúnuyi 37:35

Mii n syɛɛnpeew nyaa wi séew myɛ ni, a wi cabara n pye àmɛɛ tiikpɔʔɔ nyɛ, gee gi fùn lè.

Ŋúnuyi 51:4

Mii wéli mi mii kolomi myɛ láʔa mii na, mii kapeeli jée mi láʔa mii na.

Ŋúnuyi 51:6

Mii n kapeele pye mɔ na, mɔ nibin na mii li pye. Mii n kapeʔe kpéʔele mɔ yɛ́ʔɛ ma, koro na mɔ ga gee joo lè, tànʔa a pye mɔ ma, mɔ a pye dìgire fun mɔ kútiiw cerile ni.

Ŋúnuyi 92:7

Nidoligi ga gee bee cán í, síciligaanna o nyɛ nilabalaw ma í.

Kàseegèle 1:32

Níì cán nidoliyi céemɛ i yi kúu, nilabalabèle sìnzɔngumɔ si i be kálagi.

Syɛɛnjóow 8:14

Gbanzan yárigaa i kpéʔele tári na, koro gi nyɛ syɛɛnsinbèle pèle i yaà gee gi be taagi lè, ki i yɛlɛgi ní syɛɛnpeebèle kapyele ní, syɛɛnpeebèle pèle si i yaà gee gi be taagi lè, ki i yɛlɛgi ní syɛɛnsinbèle kapyele ní. Mii n jo koro wɔ́ɔ ní i nyɛ gbanzan.

Ezayi 41:21

Yawe n jo: «Ye yele kéeli tɛ̀ɛn.» Zyakɔbi Fànʔafɔw n jo: «Ye gi joo ye tɛ̀ɛn, gee gi nyɛ yele ma lè.

Ezayi 48:8

Mɔ da kɔ́ɔ̀ gi kàa kéele lóʔo í, mɔ da yi cán í, nlaa yaà booma ni yi keele da jée mɔ líiweegèle ni í. Níì cán mii maa gi cán syɛɛnco-mí-kaanwee félege mɔ nyɛ lè, nlaa yaà n mɔ yaʔa mɔ nɔ́ɔw láʔa ni pe i mɔ yiri niceʔe.

Zyeremii 11:20

Kàjáa Yawe wi lè Nyɛ̀ʔɛni Sùlasiibéle Kafɔlɔ, wi i nyɛ kútiijooo, wee wi sín lè, woro wee wi kasɔngugèle, ní fúnyi sɛʔɛ ni cángi lè. Mii a gɔ̀lɔ́-wòlori nyaa, dee mɔ a pye be na lè, níì cán mɔ má mii mii kéeli kàlifáa.

Zyeremii 12:6

Níì cán àlí mɔ senyɛnbèle tiimaa, ní mɔ tóow kpaʔa wòolo wɔ́ɔgēle, pe i mɔ jànváa, pe tiimaw wɔ́ɔ i yákpogèle wáa gbanʔama ni syée mɔ kurugo. Lǎli ni pe ga ni syɛɛntaanra nyuu mɔ ma lè, mɔ a kɔ́ tága be na í.

Zyeremii 3:20

Kánmee na si cɔlɔɔ wi nàɔn jànváa wee wi kéeli dɛ́nɛ lè, kánmi bee na yele mii jànváa, Isirayɛli kpáagi wòolo, Yawe wi jo nya.

Zyeremii 3:7

Mii maa ni gi nyuu niyɛɛ ma níì jo: Wi ga kérigèle bee myɛ kpéʔele n kwɔ́ɔ wi a ní lúru pan mii ma. Kàjáa, wi ga lúru n pan í. Wi senyɛnjew Zyuda wi lè námarafɔw, woro n pye gi séera.

Zyeremii 32:16

«A mii ga ségi syɔɔlɔ sɛ́bɛ kaan Baruki ma n kwɔ́ɔ, a mii nyɛ́ɛrigi naa nyɛ́ɛri Yawe ma níì jo:

Zyeremii 5:11

Kányɛʔɛ na Isirayɛli kpáagi ní Zyuda kpáagi wòolo n tɔ̀nɔ n mii jànváa,» Yawe wi jo nya.

Zyeremii 9:2

«Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Kayaagi Nyɛnigɛ 1:18

Yawe wi sín, níì cán mii wi baa pye niceʔe wi syɛ́ɛnri kánma na, dee wi joo n gbàn lè. Ye lóʔo, yele syɛɛnfeleyi myɛ, ye mii yayaagi nyaa! Mii nàngeele sinján pìcaabèle, ní mii nìgɔcaribèle n kári púlori na.

Ezekyɛli 18:25

Yele wɔ́ɔ i gi nyuu níì jo: ‹Kàfɔw kólogo ga nyɔɔ í.› Koro na ye lóʔo Isirayɛli kpáagi wòolo. Mii kólogi lé gi nyɛ ki ga nyɔɔ í? Yele kóloyi ban yi nyɛ yi ga nyɔɔ í ì?

Danyɛli 9:14

Yawe n gi kɔ̀rɔsíi níì gi yaʔa wɔʔɔgi naa í too wolo na. Níì cán Yawe wolo Kolocɔlɔw n sín wi kapyegèle myɛ ni wi kpéʔele lè, kàjáa wolo wo nyɛ wo ga wi jóomi lóʔo í.

Danyɛli 9:7

Ee Kàfɔw, mɔ wi nyɛ sínni fɔ́lɔ, wolo wóri si i nyɛ fɛ̀ɛ́ri, àmɛɛ gi nyɛ lè níjanʔa Zyuda syɛ́ɛnbèle, ní Zyerusalɛmi ye, ní Isirayɛli ye myɛ na, poro bele be nùuni lè, ní bele tɛ́ʔɛ gi léeli lè tátɛɛyi myɛ ni, beè mɔ be nɛnɛ n tórigo lè pe sìnzinmi kapyere kéele na, dee be tɛ́ʔɛ n peyɛɛ kolo mɔ ma lè.

Oze sɛ́bɛw 6:7

«N yɛlɛ ní syɔɔn ye kánmi ní, pe n joogaanni kálagi. Nɛɛ bee pe mii jànváa.

Habakuki 1:4

Koro na làlwaw kéele o córo í, kútiiw o kúunri kányɛɛgi na nyáana í, níì cán syɛɛnpeew i fànʔa taagi syɛɛnsinw na, koro na kútiiw kúunri námara ni.

Sofonii 3:5

Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Malasyii 2:17

Yele i Yawe fɔ̀rɔgí ní yele syɛ́ɛnri ní, á yele si i gi nyuu níì jo: «Nyàʔá ní wolo wi fɔ̀rɔgí?» Koro gi nyɛ yele i gi nyuu níì jo: «Wee faala wi kapeeyi kpéʔele lè, wee bee n nyɔɔ Yawe nyɛ́nɛ na, syɛ́ɛnbèle bee félege kéele li wi dɛ́nɛ!» Wàlá ni gi nyuu níì jo: «Sán sínni Kolocɔlɔɔ nyɛ?»

Malasyii 3:15

Tɔ́ɔliw ni wolo i gi tímana n jo nɛ̀ɛgbɔʔɔgi fɔ̀ɔlɔ i nyɛ dùba pìibēle. Kányɛʔɛ na, bele be péemi kpéʔele lè, kàa i taari be na. Pe tɔ̀nɔ́ i Kolocɔlɔɔ pingi ni wéle, yafyɛn si o be taagi í!› »

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.