Zyeremii 11:7 - Cebaara Bible 2010

⁷ Níì cán mii maa tɔ̀nɔ n kòro ni yele tóolɛɛbèle sàmí nlaa cángee na mii be yirige Ezyipiti tári ni lè, àlí n baa nan níjanʔa na mii n kòro ni syɛ́ɛnri naa nyuu ni taʔala sìnyére ni, níì jo: Ye mii jóomi lóʔo!

Zyeremii 11:7 Iomraidhean Croise

2 Fànʔafɔbèle 17:13

Yawe maa wi kanyaajoobèle myɛ, ní kanyaabèle myɛ tun a be Isirayɛli ye ní Zyuda ye sàmi níì jo: «Ye láʔa yele kobeeyi na yé mii tundunri ní mii kajoogèle sámaga ye cò, yaa gi kpéʔele téw bi yɛlɛ ní làlwaw ní mii joo n gbàn yele tóolɛɛbèle ma lè, ní wɔ́ɔ̀ wi tórigo yele ma mii falipyebèle báriga ni pe lè kanyaajoobèle.»

2 Cányi kèlē 36:15

Yawe wi lè be toolɛɛbèle Kolocɔlɔɔ, woro maa wi tundunbèle tun be ma làrigēle saʔa ni, pe sa be sàmi, níì cán wi maa ni caa bi wi syɛ́ɛnbèle, ní woro tiimaa tɛɛkòrogi syɔɔ.

Yirile 15:26

Wi n be pye: «Yele ga ni mii Yawe yele Kolocɔlɔw jóomɔ sámagi ni lúro, ní i gi kpéʔele gee gi sín mii nyɛ́nɛ na lè, níì yele líiyi cáan ni mii kajoodɛɛngèle lúro, níì mii làlwaw kèlē myɛ kɔn ní i ge kpéʔele, yáamee mii cáan Ezyipiti ye na lè, mii a tée bi pàa cáan yele na í. Níì cán mii wi nyɛ Yawe, wee wi yele poori lè.»

Zyeremii 11:4

toro dee mii sɛ́bɛ n kaan yele tóolɛɛbèle ma lè lǎli ni mii be yirige lè tunweeli ni, li lè Ezyipiti tári, níì be pye: Ye mii jóomi lóʔo, yáā gi kpéʔele bi yɛlɛ ní gee myɛ ní mii nyuu ni gbàngí yele ma lè.› Lǎli bee ni yele a pye mii syɛ́ɛnbèle, mii si pye yele Kolocɔlɔw.

Zyeremii 25:3

Nlaa yaà Amɔn jáaw Zyozyasi fǎngi yɛ̀ʔɛlɛ kɛɛ ní taanri wóli na, wi lè Zyuda fànʔafɔw fwɔɔ n baa nan níjanʔa na, ki yɛ̀ʔɛlɛ toko ní taanri wi wee, àmɛɛ Yawe syɛ́ɛnri nan mii na lè, a mii di joo n taʔala yele ma sìnyére ni yele si ga lóʔo í.

Zyeremii 25:4

Yawe n wi falipyebèle myɛ tun yele ma, pe lè wi kanyaajoobèle, wi n be tun yele ma sìnyére ni, yele si ga lóʔo í, yele ga líiyi cáan bi lóʔo í.

Zyeremii 31:32

Joogaannee mii da kpéʔele ní be toolɛɛbèle ní lè, cángee na mii be cò kɔ́yi na n yirige Ezyipiti tári ni lè, loro félege ban li a pye í, pe n joogaanni bee kálagi, àlí n gi taa mii n pye be tamafɔw,» Yawe wi jo nya.

Zyeremii 32:23

Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!

Zyeremii 34:14

Yɛ̀ʔɛlɛ kɔrɔsiin wóli na, syɔɔn o syɔɔn n yɛlɛ yele ni bi wi Heburu-senyɛnnɛ yaʔa waa syée wɔ́rɔɔ, wee wi baa wiyɛɛ pára wi ma lè. Wi a báara mɔ ma yɛ̀ʔɛlɛ kɔrɔni, mɔ si wi yirige mɔ tɛ́ɛgi ni bi yaʔa waa syée wɔ́rɔɔ. Kàjáa yele tóolɛɛbèle ga lóʔo mii ma í, pe ga líiyi cáan mii kàbangi na í.

Zyeremii 35:14

‹Pe n Erekabi jáaw Yonadabi syɛ́ɛnri cò, woro wee wi da gi joo n gbàn wi jáabèle ma lè níì jo pe a kɔ́ dùvɛɛn gbaa í, pe ga wɔ́ɔ̀ wàa gbaa í, fwɔɔ n baa nan níjanʔa na. Pe n be tóow syɛ́ɛnrɛ lóʔo, dee wi joo n gbàn lè. Mii si na, mii n joo ní yele ní sìnyére ni, yele si ga lóʔo mii ma í.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 7:13

Tɔ́ɔliw ni doò, àmɛɛ yele kapyeri bee myɛ kpéʔele lè, Yawe wi jo nya, ní àmɛɛ mii joo ní yele ní lè sìnyére ni, yele si ga lóʔo í, ní àmɛɛ mii yele yeri lè, yele si ga syɔɔ í,

Oze sɛ́bɛw 4:1

Ye Yawe syɛ́ɛnri lóʔo, yele Isirayɛli pìíbèle! Níì cán kútii i nyɛ Yawe ma tári syɛ̀ɛnnɛ kánma na. Níì cán wi n jo: «Kányɛʔɛ o beè í, funvii o beè í, Kolocɔlɔɔ cánna o nyɛ tári ni í.

Oze sɛ́bɛw 5:1

«Yele sáriga-wòlobèle, ye gee naa lóʔo! Isirayɛli kpáagi wòolo, ye sámaga ye lóʔo! Fànʔafɔw kpáʔa wòolo, ye líiyi cáan! Níì cán yele má kútiiw nyuu ni wáa, ncan yele n pye karinyanga Misipa ni, ní cɔ̀ɔ, wee be cáan Tabɔɔri nyanbelegi na lè.

Zakarii 1:4

‹Yele a kɔ́ pye àmɛɛ yele tóolɛɛbèle da pye lè í, poro bele má booma kanyaajoobèle da ni gi nyuu lè níì jo: Yawe wi lè Nyɛ̀ʔɛni Sùlasiibéle Kafɔlɔ wi n jo: Ye láʔa yele kóbeeyi, ní yele nàʔabeemi na. Kàjáa pe ga lóʔo í, pe ga líiyi cáan n lóʔo mii ma í, Yawe wi jo nya.

Efɛzi ye 4:17

Gee bee na mii i dee naa nyuu ní i di séeraw kpéʔele Kàfɔw ni, koro gi nyɛ yele a ní kɔ́ ra táanri àmɛɛ syɛɛnfeleyi wozanya táanri ni yɛlɛgi ní pe sɔ̀ngubeeri ní lè í.

Làlwaw Kaanziin 30:20

mí Yawe mɔ Kolocɔlɔw kéele yaʔa li mɔ dɛ́nɛ máā lúro wi ma, mí tan wi na. Níì cán woro wi nyɛ mɔ siiw, wi a mɔ cányi nɛʔɛ, koro ga pye mɔ í tɛ́ɛn tári ni, dee kéele na Yawe kàli mɔ tofɔlɛɛyi Abirahami, ní Izaaki, ní Zyakɔbi ma lè, níì jo woro a di kaan be ma.»

Làlwaw Kaanziin 4:6

Yele a ge kɔn sáā ge kpéʔele, níì cán gee bee ki a pye yele sícilimi, ní yele cánni syɛɛnfeleyi nyɛ́nɛ na, yoro yee yi a làlwaw naa kèlē myɛ lóʔo lè sáā gi nyuu si jo: ‹Syɛɛnfelegi naa gi nɛʔɛ lè, ki n cìlige, ní wɔ́ɔ̀ keele cán.›

Làlwaw Kaanziin 5:29

Ee! Ki maa yɛlɛ be fúnyi í dée kòro kánmi naa na làla o làla, paa fɛ̀ɛgí mii na si mii kajoodɛɛngèle myɛ sámaga cò, koro ga pye be kòro fundaanra na kwɔ́ɔmɔ fun, poro ní be pìíbèle ní.

Làlwaw Kaanziin 6:2

Koro ga pye fyáara í pye mɔ ma Yawe mɔ Kolocɔlɔw na, mɔ í wi làlwabèle myɛ, ní wi tundunri myɛ cò mɔ siiw canya myɛ ni, mɔ, ní mɔ jáaw, ní mɔ piinyanbiigi ní, toro dee mii joo n gbàn mɔ ma lè, koro ga pye mɔ siiw canya í tɔnɔ.

Làlwaw Kaanziin 8:6

Yawe mɔ Kolocɔlɔw kajoodɛɛngēle sámaga mi cò, máā wi kóloyi táanri, máā fɛ̀ɛgí wi na.

2 Tesaloniki ye 3:12

Wolo si i gi nyuu ni gbàngí syɛ́ɛnbèle bee féleye ma, ní i be nyɛ́ɛri Kàfɔw Zyezu Kirisi mɛ́ɛgi na koro ga pye pe fáliw kéele cò cama, jàngó pe tiimaw í gbǎn ra yaliire taagi peyɛɛ ma bàā líi.

1 Samyɛli 8:9

Koro na tɔ́ɔliw ni pe jóomi lóʔo. Kàjáa fànʔafɔw wi a tɛ́ɛn be nyúngi na lè, gee wi a ba taʔa be na lè, ki n yɛlɛ mɔ í be sámaga sàmi pe gi cán.»