Zyeremii 11:6 - Cebaara Bible 2010

⁶ A Yawe mii pye: «Yákpoli wáa ní syɛ́ɛnri bee myɛ ní, Zyuda kěyi ni, ní Zyerusalɛmi kàlari-kóloyi ni, mí jo: ‹Ye joogaanni naa syɛ́ɛnrɛ lóʔo, yáā gi kpéʔele àmɛɛ di jo lè.

Zyeremii 11:6 Iomraidhean Croise

Ŋúnuyi 15:5

Wi o wi wáliw fwɔ́ɔlɔ nii syɔɔn na tɔ̀nɔ kánma na í, wi o wáli syoo ní i sɔ́ɔn kolomɔ funvɔlɔ na í. Syɔ́ɔnwee wi táanri kánmi bee na lè, yafyɛn a tée gbǎn wi cúngo í.

Ezayi 58:1

«Da yákpoli wáa ní mɔ yákpodirigi myɛ ní, mɔ a kɔ́ li tìrige í, mɔ yákpoli kpɔ́ʔɔ àmɛɛ tòmaʔa wiimɛ nyɛ lè, mi mii syɛ́ɛnbèle kapeeye tɛ̀ɛn be na, mi Zyakɔbi kpáagi wòolo kapeegéle tɛ̀ɛn be na!

Zyeremii 19:2

mi yiri maa syée Bɛn-Hinɔmi jǐnlɔgi ma, ki i nyɛ Cóofaan-tɛ́ɛgi kpàánweele yɛ́ʔɛ ma. Mɔ a sa yákpoli wáa ní syɛ́ɛnri ní yaà beè, dee mii a joo mɔ ma lè.

Zyeremii 2:2

«Da syée mi sa yákpoli wáa ní syɛ́ɛnri naa ní mi le Zyerusalɛmi syɛ́ɛnbèle líiweegéle ni mí jo: ‹Yawe n jo: Mii i sɔ̀ngí ni taagi mɔ picaagi làla tàmaga na, ki lè mɔ larijoli tàmaga, lǎli ni mɔ da taʔa mii na lè fìími tára ni, táraa ni, dee di pɛɛn lè.

Zyeremii 3:12

Da syée mi sa ra yákpoli wáa ní syɛ́ɛnri naa ní solomɔkulo kàbangi na mí jo: ‹Lúru maa maa cêkalagiga Isirayɛli,› Yawe wi jo nya, ‹mii yɛ́ɛgi a ní pye wodanʔaga ní yele na í. Níì cán mii i nyɛ nyinidaaɔ,› Yawe wi jo nya. ‹Mii fúngi a kòro nya wodanʔaga ní làla o làla í.

Zyeremii 7:2

«Yére Yawe kpɔ̀ʔɔrɔli kpaʔa kpaaweele na, mí syɛ́ɛnri naa joo yaà mí jo: ‹Ye Yawe syɛ́ɛnri lóʔo, yele Zyuda ye myɛw ye sɔ̀lɔ́ ni jǐn kpaaweegèle naa ni bi sa ra tíri da tuun Yawe yɛ́ʔɛ ma lè!

Zakarii 7:7

Syɛ́ɛnri bee ban Yawe da joo kanyaajoo-sélibèle ma a be joo ì, lǎli ni syɛ̀ɛnnɛ pye lè wodɛ́ɛnbéle ní Zyerusalɛmi ni, kí i nyɛ sági n fàra gi kěyi na yi gi màʔa lè, á syɛ̀ɛnnɛ wɔ́ɔ̀ pye wòrogulo kàbangi tára, ní tɛɛfiigi ni lè ì?»

Zyan 13:17

Amɛɛ yele tɛ́nɛ̀ gee naa cán lè, ní yele ga ni gi kpéʔele nya, yele a pye dùba pìibēle.

Wɔrɔmi ye 2:13

Níì cán ki o nyɛ mɔ a jo bele be làlwaw syɛ́ɛnrɛ lúro lè yagana, bele bee Kolocɔlɔɔ córo syɛɛnsinbèle í, fwɔɔ bele be làlwaw syɛ́ɛnrɛ lúro lè ní i di kpéʔele.

Làlwaw Kaanziin 4:1

«Tɔ́ɔliw ni, Isirayɛli, làlwaw kèlē ní kajoodɛɛngèle lóʔo, gele na mii a mɔ tama lè, máā ge kpéʔele, jàngó yele í kòro sìi na si jée tári ni bi di syɔɔ taa, dee Yawe yele tóolɛɛbèle Kolocɔlɔɔ kaan yele ma lè.

Làlwaw Kaanziin 4:5

Ye wéle, mii n yele tama làlwaw kèlē, ní kajoodɛɛngèle na, àmɛɛ Yawe mii Kolocɔlɔw gi joo n gbàn mii ma lè, koro ga pye táree ni yele a jée lè bi di pye yele wóro, yele í da kérigèle bee kpéʔele di ni.

Zyaki 1:22

Gee Kolocɔlɔɔ syɛ́ɛnri joo lè, ki n yɛlɛ yele í da gee bee kpéʔele, ki ga yɛlɛ yele í pye ti lóʔofɔbèle yagana sáā yeyɛɛ váana í.