Zyeremii 11:5 - Cebaara Bible 2010

⁵ Kánmi bee na mii a kàligi foro, gee mii da kpéʔele yele tóolɛɛbèle ma lè, níì jo: ‹Mii a tára kaan be ma, dee di nyìn nɔ́nɔ, ní sárigā na ni foo lè,› àmɛɛ yele nyɛ́nɛ nyɛ gi na níjanʔa lè.» A mii jo: «Amiina Yawe!»

Zyeremii 11:5 Iomraidhean Croise

2 Cányi kèlē 6:17

Koro na tɔ́ɔliw ni, Yawe, Isirayɛli Kolocɔlɔw, gee mɔ joo mɔ falipyew ma wi lè mii tóow Davidi, ki n yɛlɛ gi foro.

Ŋúnuyi 105:8

Wi i sɔ̀ngí ni taagi làrigèle myɛ ni wi joogaanni na, ní wi syɛ́ɛnri na yìrigèle saala kagunɔ syɛ̀ɛnnɛ ma.

Yirile 13:5

Táree nyɔ́ɔ Yawe da fàli yele tóolɛɛbèle ma ní kàliga ní lè níì jo woro a di kaan yele ma, ti lè Kanaan ye, ní Hɛti ye, ní Amɔri ye, ní Hɛvi ye, ní Yebusi ye tári, dee di nyìn nɔ́nɔw ní sárigi na ni fóo lè, lǎli ni Yawe ga sáà yele lége di ni lè, yaa fɛ́tiiw naa kpéʔele yégi naa wonijanga ni.

Zyeremii 19:12

Kánmi bee na mii a gi kpéʔele tɛ́ɛgi naa na, Yawe wi jo nya, ní gi syɛ́ɛnbèle na, mii a kěgi naa kàriga gi pye àmɛɛ Tofɛti nyɛ lè.

Zyeremii 28:6

Kanyaajoow Zyeremii n jo: «Amiina! Ki n yɛlɛ Yawe í gi kpéʔele nya! Ki n yɛlɛ Yawe í syɛ́ɛnri foro, dee mɔ nyaa n joo lè, si Yawe kpáagi yayigelere yaʔa di yìri yaà Babilɔni ma bi lúru pan tɛ́ɛgi naa ma, n fàra bele myɛ na be cò n kári lè.

Zyeremii 32:22

Mɔ n tári naa kaan be ma, dee kéele na mɔ da kàli be toolɛɛbèle ma níì jo mɔ a di kaan be ma lè, dee di nyìn nɔ́nɔ ní sárigā na ni fóo lè.

Levii ye sáriga-wòlori 20:24

Mii n gi joo yele ma níì yele pye: Yele ye a be tári taa. Mii a di kaan yele ma di pye yele wóro, táraa dii, dee di nyìn nɔ́nɔw ní sárigi na ni fóo lè. Mii wi nyɛ Yawe yele Kolocɔlɔw, wee wi yele wàli n láʔa syɛɛnfeleyi na lè.

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

1 Korɛnti ye 14:16

Kapye koro ban í, mɔ ga ni Kolocɔlɔɔ kpɔ̀ʔɔrɔ́ ní mɔ pili yagana ní, syɔ́ɔnwee wi nyɛ lè yele níngi ni ki kɔ́rɔw sìnján ni, mɛ̀ɛ́ wee bee a gbǎn amiina joo bi sɛ́ɛ mɔ kpɔʔɔrɔli kéele na níì cán wi ga mɔ wojoori cán í?

Làlwaw Kaanziin 6:3

Koro na di lóʔo Isirayɛli, máā di kɔ̀rɔsíi, mí di sámaga mi cò, jàngó mɔ í kòro fundaanra na, yele sáā nɛʔɛgi gbanʔama tári ni, dee di nyìn nɔ́nɔw ní sárigi na ni fóo lè, àmɛɛ Yawe mɔ tóolɛɛbèle Kolocɔlɔɔ ki nyɔɔfaligi kpéʔele mɔ ma lè.