Zyeremii 11:4 - Cebaara Bible 2010

⁴ toro dee mii sɛ́bɛ n kaan yele tóolɛɛbèle ma lè lǎli ni mii be yirige lè tunweeli ni, li lè Ezyipiti tári, níì be pye: Ye mii jóomi lóʔo, yáā gi kpéʔele bi yɛlɛ ní gee myɛ ní mii nyuu ni gbàngí yele ma lè.› Lǎli bee ni yele a pye mii syɛ́ɛnbèle, mii si pye yele Kolocɔlɔw.

Zyeremii 11:4 Iomraidhean Croise

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

1 Fànʔafɔbèle 8:51

Níì cán pe i nyɛ mɔ syɛɛnnɛ ní mɔ kɔ́rigi, poro bele mɔ yirige Ezyipiti ni lè túnmɔri naagbanga fúru ni.

2 Fànʔafɔbèle 18:6

Wi maa tɔ̀nɔ n tan Yawe na. Wi ga fɔ̀lɔ n wàli n láʔa wi na í. Kajoodɛɛngèle Yawe da sɛ́bɛ n kaan Mowizi ma lè, wi maa tɔ̀nɔ n ge sámaga n cò.

Yirile 20:6

Bele si be tàmaga le ní mii ní lè, níì mii tundunri kɔn ní i di kpéʔele, mii i funjànga kpéʔele ní bele bee ní bi taa sa nan pe yòdaʔayi yìrigēle saala kagunɔ na.

Ezayi 30:6

Joogbanna wòrogulo kàbangi yaweeye kéele na, yee yi táraa forogi lè, di lè kálagila, ní wɔʔɔgɔ wóro, beè càarajebèle ní càarabɔbèle yìrigí lè, ní wàmɔriyi, ní diragɔnbèle be yìrigí lè, pe i be lɔ́ri tugu jòfanibèle kàdoyo na ni syée, ni be lɔnɛʔɛri tugu fàlibaaya punuyo na ni syée n sa ni kaangi syɛɛnfelegaa ma, gee gi lè ki a pye be ma dɛ̀ɛmɛnɛ faala í.

Ezayi 48:10

Wéle, mii n mɔ gbàla, gee bee si ga pye bi wálifiio yirige í. Mii n mɔ sɛʔɛ n wéle wɔʔɔgi tunweele ni.

Zyeremii 11:7

Níì cán mii maa tɔ̀nɔ n kòro ni yele tóolɛɛbèle sàmí nlaa cángee na mii be yirige Ezyipiti tári ni lè, àlí n baa nan níjanʔa na mii n kòro ni syɛ́ɛnri naa nyuu ni taʔala sìnyére ni, níì jo: Ye mii jóomi lóʔo!

Zyeremii 24:7

Mii a funyo kaan be ma jàngó pe gi cán bi cán mii wi nyɛ Yawe. Pe a pye mii syɛ́ɛnbèle, mii si pye be Kolocɔlɔw, níì cán pe a lúru pan mii ma ní be fúnyi myɛ ní.

Zyeremii 26:13

Tɔ́ɔliw ni, ye yele kóloyi, ní yele nàʔaganmi fàli, ye Yawe jóomi lóʔo wi lè yele Kolocɔlɔw. Yawe a wi sɔ̀ngumi láʔa kapeegi na, gee wi joo yele kéeli na lè.

Zyeremii 30:22

‹Yele a pye mii syɛ́ɛnbèle mii si pye yele Kolocɔlɔw.› »

Zyeremii 32:28

Gee bee na, Yawe wi syɛ́ɛnri naa joo níì jo: Wéle, mii a kěgi naa le Kalide ye kɔ́yi ni, ní Babilɔni ye fànʔafɔw Nebukadinezari kɔ́yi ni, wi a gi syɔɔ taa.

Zyeremii 38:20

A Zyeremii wi yari: «Pe a mɔ le be kɔ́yi ni í. Ki n yɛlɛ mi Yawe jóomi lóʔo bi yɛlɛ ní gee ní mii nyuu mɔ ma lè, koro ki a pɔ́rɔ mɔ ma, mɔ siiw si syɔɔ.

Ezekyɛli 11:20

Koro ga pye be taʔa mii làlwaw kèlē na, si mii kajoodɛɛngèle cò sáā ge kpéʔele. Pe a pye mii syɛ́ɛnbèle, mii si pye be Kolocɔlɔw.

Ezekyɛli 14:11

koro ga pye Isirayɛli kpáagi wòolo a ní kɔ́ pùuni bi léeli mii na í, pe a ní kɔ́ be kapeebyeri tɛ́ʔɛ bi peyɛɛ nɔ́nʔɔ í. Lǎli bee ni pe a pye mii syɛ́ɛnbèle, mii si pye be Kolocɔlɔw,» Kàfɔw Yawe wi jo nya.

Ezekyɛli 36:28

Yele a tɛ́ɛn tári ni, dee mii kaan yele tóolɛɛbèle ma lè. Yele a pye mii syɛ́ɛnbèle, mii si pye yele Kolocɔlɔw.

Ezekyɛli 37:23

Pe a ní da peyɛɛ nɔ́ɔnri ní be yasunyi, ní be yanɔnʔɔyi, ní be kapeebyeri féleye myɛ ní í. Mii a be syɔɔ bi yirige tɛ́ɛyi myɛ ni beè be sáà pye lè, ní beè be kapeegèle pye lè, mii a be jée mùnu, pe a pye mii syɛ́ɛnbèle, mii si pye be Kolocɔlɔw.

Ezekyɛli 37:27

Mii tɛɛkòrogi a pye be níngi ni. Mii a pye be Kolocɔlɔw, pé pye mii syɛ́ɛnbèle.

Danyɛli 3:26

A Nebukadinezari nùuni naagbangi fúruweele nyɔ́ɔ na, níì jo: «Syadiraki, ní Mesyaki, ní Abɛdi-Nego, Kolocɔlɔwee wi nyɛ lè Pe Myɛ Nyúngo na, woro falipyebèle, ye yiri yaà, yaa maa naa.» A Syadiraki, ní Mesyaki, ní Abɛdi-Nego yiri yaà náagi nínge ni.

Levii ye sáriga-wòlori 26:12

Mii a ra nyaari ní yele ní, bi pye yele Kolocɔlɔw, yele si pye mii syɛ́ɛnbèle.

Levii ye sáriga-wòlori 26:3

« ‹Yele ga ni táanri mii làlwaw kèlē na, níì mii tundunri sámaga n cò ní i di kpéʔele,

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Zakarii 6:15

Bele be léeli lè, poro a pan bi ba ra báara Yawe kpɔ̀ʔɔrɔli kpaʔa faanna na. Yele a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun yele ma. Yele ga tɔ̀nɔ n kòro ni Yawe yele Kolocɔlɔw jóomɔ lúro, gee bee a kpéʔele.› »

Zakarii 8:8

Mii a be lúrugo pan, pe a ba tɛ́ɛn Zyerusalɛmi níngi ni. Pe a pye mii syɛ́ɛnbèle, mii si pye be Kolocɔlɔw kányɛɛgi, ní sínni na.»

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

2 Korɛnti ye 6:16

Mɛ̀ɛ́ Kolocɔlɔɔ kpɔ̀ʔɔrɔli kpaʔa ní yasunyi a gbǎn pínɛ bi sɛ́ɛ? Níì cán wolo i nyɛ Kolocɔlɔɔ woweew kpɔ̀ʔɔrɔlɔ kpaʔa, àmɛɛ Kolocɔlɔɔ gi joo lè níì jo: «Mii a tɛ́ɛn be níngi ni, sáā nyaari ní be ní. Mii a pye be Kolocɔlɔw, poro si pye mii syɛ́ɛnbèle.»

Làlwaw Kaanziin 11:27

Yele ga ni Yawe yele Kolocɔlɔw kajoodɛɛngēle lúro, gele mii nyuu yele ma lè níjanʔa, koro gi nyɛ dùbaw.

Làlwaw Kaanziin 4:20

Yele si na, Yawe n yele cò n yirige tunmɔrɔ fúruw naagbanga ni gi lè Ezyipiti, jàngó yele í pye woro má kɔrigɔ àmɛɛ yele nyɛ lè níjanʔa.

Làlwaw Kaanziin 5:6

‹Mii wi nyɛ Yawe mɔ Kolocɔlɔw, wee wi mɔ yirige lè Ezyipiti tári ni, púlori kpaʔa ni.

Heburubèle 5:9

Amɛɛ si Kolocɔlɔɔ wi sámaga n foro lè, a wi baa pye bàngwɔɔ syɔɔlɔ sábabu bele myɛ ma be lúro wi ma lè.

1 Samyɛli 15:22

A Samyɛli jo: «A sáriga-sórigow ní sárigasanw kéele Yawe dɛ́nɛ lé n sɔ̀lɔ Yawe jóomi lóʔolo na? Wéle, lóʔoli n pɔ́rɔ n sɔ̀lɔ sárigaw na. Bi miyɛɛ jɛ́rɛw n pɔ́rɔ n sɔ̀lɔ bàpɔbèle sìnmɛ na.