Biblia Todo Logo
Bìoball air-loidhne

- Sanasan -




Zyeremii 11:16 - Cebaara Bible 2010

16 Wajànra olivye tíige, gee gi wélemɛ dɛ́nɛ lè ki yasanri nìjanra báriga ni. Mɛ́ɛgi bee Yawe da le mɔ na. Kàfulogbɔʔɔ ni wi a naà le gi na, ki káganbiiri a ní pye yafyɛn í.

Faic an caibideil Dèan lethbhreac




Zyeremii 11:16
18 Iomraidhean Croise  

Wi n nyìn tǔnmi na cânvulɛɛli na, ní i wi káganyi cabara ni syée wi nángwɔɔw ǹjoʔo ni.


Syɛɛnsinbèle a gee bee nyaa si fyáa, pe a ra wi tɛ́ʔɛ si jo:


Gee mɔ cɔ́rɔ ní mɔ kaliigi ní lè, ní jaafɔwee mɔ kpɔ́ʔɔ n yaʔa miyɛɛ ma lè, da wi kpáaw wéle!


Naà n ɛrɛzɛn tírigi bee sórigo, pe n gi ceri! Pe i kálagi mɔ yɛ́ʔɛ ma, mɔ kafulogi báriga ni.


Ee Kolocɔlɔɔ, mɔ a kɔ́ kòro sìnjoo ni í! Mɔ a kɔ́ kòro pyèrio í, mɔ a kɔ́ gi yaʔa nya í, ee Kolocɔlɔɔ!


Káganbiiri ga waʔa lǎli ni lè, pe n di kabagi. Càbala n baa naà le di na. Sícilimɛ fun syɛ̀ɛnnɛ bɛɛ, koro na wee wi be faan lè, wi ga nyinimɛ taa be na í, wee wi be sámaga lè, wi ga nyɔɔ be na í.


Mii maa mɔ cɔ́rɔ àmɛɛ ɛrɛzɛn tíricànga nyɛ lè, yacɔ́rɔgɔ, gee gi sámaga n yére lè. Mɛ̀ɛ́ si mɔ baa kàri nya mii kàbangi na n pye ɛrɛzɛn tíri-nibɔngɔ kágangèlē?


Mii a keele tɛ́ʔɛ yele na bi yɛlɛ ní yele kapyegèle yasanra ní, Yawe wi jo nya. Mii a naà le yele kɔ́ligi na, gee bee a tɛ́ɛyi myɛ sórigo, yee yi yele màʔa lè.› »


Gee bee na Kàfɔw Yawe syɛ́ɛnri naa joo níì jo: ‹Wéle, mii fundanʔari, ní mii fundanʔagbɔɔri a too tɛ́ɛgi naa na, syɛ́ɛnbèle, ní yaweeri, ní sìnbirigi tíire, ní tári yasanra na. Ti a ra có bànvigi ni.›


Mii a pye Isirayɛli ma àmɛɛ kásaga nyɛ lè, wi a fyɛ́ɛnrɛ kpéʔele àmɛɛ sinbirigi nyàáfyɛɛnrɛ nyɛ lè, si nǐnri tìrige àmɛɛ Liban tíiri nyɛ lè.


Ye wéle, pe n kpánagi tɛ́ʔɛ n kwɔ́ɔ tíiyi taana. Koro na tiige o tiige gi lè ki o yasanjanra sangi í, pe a gi kpúmɔn wáa náagi ni.


Syɔ́ɔnwee faala ga pye lè wi ga kòro mii ni í, pe a wee bee yirige wáa kàfugi na, àmɛɛ be kágannaa-sìnzanna wáa lè kàfugi na li i waari. Kágangèle ge waʔa lè, pe i ge kpóʔoro ni wáa náagi ni ke i sóori.


Olivye tíire a pye mɔ tári tɛ́ɛyɛ myɛ ni, mɔ si a sìnmɛ taa bàā tíre í, níì cán mɔ olivyew a kɔlɔ́ wo sìnlɛɛ ni.


Bele bee be nyɛ olivye tíiyi siin, ní fètindaʔagèle siin, gele ge nyɛ lè woyérigegéle ní tári Kàfɔlɔ yɛ́ʔɛ ma.


Lean sinn:

Sanasan


Sanasan