Zyeremii 11:13 - Cebaara Bible 2010

¹³ Níì cán mɔ kolocɔlɔbèle n nɛʔɛ àmɛɛ mɔ keyi nyɛ lè, Zyuda! Sáriga-wòlo-yafaanya i mɔ ma, yee yi nɛʔɛ n pye àmɛɛ mɔ kalari-kóloyi nyɛ lè Zyerusalɛmi, sáriga-wòlo-yafaanya, bàā nùndaanni yáriga sórogi yi na fɛ̀ɛ́ri yáriga Baali ma.›

Zyeremii 11:13 Iomraidhean Croise

2 Fànʔafɔbèle 23:13

Sáriga-wòlo-tɛ́ɛyee yi pye lè Zyerusalɛmi zǐnmi na kálagili nyanbelege worogulo kàbangi na, a fànʔafɔw yoro nɔ́nʔɔ. Yoro yee Isirayɛli fànʔafɔw Salomɔn da faan lè. Kàa maa pye Asitarite wóʔo gi lè Siidɔn ye yanɔnʔɔgi. Kàa si i nyɛ Kemɔsyi wóʔo, gi lè Mowabi ye yanɔnʔɔgi. Kàa si i nyɛ Milikɔmi wóʔo gi lè Amɔn ye yanɔnʔɔgi.

2 Cányi kèlē 28:25

Wi maa sáriga-wòlo-tɛ́ɛyɛ sámaga Zyuda kěyi myɛ nibin nibin ni, jàngó bàā nùndaanni yárira sórogi kolocɔlɔbèle pèle nikwɔɔlɔ ma. A wi Yawe wi toolɛɛbèle Kolocɔlɔɔ fúngi tanʔa kánmi bee na.

Ezayi 2:8

Pe tári n nyìn yasunyi na. Pe i tíri ni tuun be kɔ́yi yakpéʔelere yɛ́ʔɛ ma, pe kabegèle fáli yɛ́ʔɛ ma.

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 17:1

«Zyuda kapeeli n sɛ́bɛ ní tunmɔrɔ ŋáana, ní lúlu ŋáafirigege ní. Li n kánʔana n wòlo pe fúnyi kàlagorigēle na ní yele sáriga-wòlo-yafaanyi nyɛ́ngéle na.

Zyeremii 18:15

A mii syɛ́ɛnbèle si fɛ̀ʔɛ mii na, pe i nùndaanni yáriga kaangi yasunyo ma. Koro n be kaan a be tàra n yiri be kóloyi ni, pe kolɛɛyi ni jàngó bi kobiigèlē láa, koloyaa yee yi lè yi ga kpoori í.

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 19:5

Pe n sáriga-wòlo-tɛ́ɛyɛ faan Baali ma bàā be jáabèle sórogi náagi ni, sáriga-sórigoo Baali ma, gee gi lè mii da gi kéeli joo n gbàn í, gee gi lè mii da joo gi na í, gee gi lè ki da caà jée mii sɔ̀nguri ni í.

Zyeremii 2:28

Koro na sán mɔ kolocɔlɔbèle nyɛ, bele mɔ sámaga n pye miyɛɛ wòolo lè? Ki n yɛlɛ be yìri kapye pe a gbǎn mɔ syɔɔ wɔʔɔgi làla ni. Níì cán mɔ kolocɔlɔbèle n nɛʔɛ n sɔ̀lɔ mɔ keyi na, ee Zyuda.

Zyeremii 3:24

Nlaa yaà wolo cárimi làla ni, Fɛ̀ɛ́ri Yáriga n wolo tóobèle fáli tɔ̀nɔ lìi, wi lè pe yaweeyiligèle, ní be yaweekpologèle, ní be nànbiigèle ní be calipiigèle.

Zyeremii 3:25

Wolo fɛ̀ɛ́ri di nyɛ wolo ma yasinɛgi, wolo faʔari si i nyɛ wolo ma làgogi. Níì cán wolo n kapeele pye Yawe wolo Kolocɔlɔw na, wolo ní wolo tóobèle nlaa yaà wolo cárimi làla ni fwɔɔ n baa nan níjanʔa na, wolo si ga Yawe wolo Kolocɔlɔw jóomɔ lóʔo í.»

Zyeremii 32:35

Pe n sáriga-wòlo-tɛ́ɛyɛ faan Baali ma Bɛn-Hinɔmi jǐnlɔgi ni, bàā be nànbiigèle ní be calipiigèle kaangi Mɔlɔki ma, gee gi lè mii ban wi da gi joo n gbàn níì jo paa gi kpéʔele í, gi sɔ̀ngurɔ da caà jée mii ni í, pe n yanɔnʔɔgi bee félege kpéʔele n Zyuda lége kapeebyeri ni.

Zyeremii 44:21

«Nùndaanni yáriga yele sórigo lè Zyuda kěyi, ní Zyerusalɛmi kàlari-kóloyi ni, yele ní yele tóobèle, ní yele fànʔafɔbèle, ní yele syɛɛnkpolobèle, ní tári syɛ̀ɛnnɛ, a Yawe i nyɛ lé wi ga sɔ̀ngi n taa gi na í, ki si wɔ́ɔ o nyɛ wi fúngi ni í?

Zyeremii 44:5

Kàjáa pe ga lóʔo í, pe ga líiyi cáan í. Pe ga kapeegi yaʔa, gee be kpéʔele lè í, pe ga láʔa nùndaanni yáriga sórigolo na kolocɔlɔbèle pèle nikwɔɔlɔ ma í.

Zyeremii 48:35

«Mii i caa bi kwɔ́ɔ ní Mowabi ní nya,» Yawe wi jo nya, «ní wee ní wi lúru sáriga-wòlo-tɛ́ɛyi ni lè, ní i nùndaanni yáriga sórogi wi kolocɔlɔw ma lè.

Zyeremii 7:9

Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Ezekyɛli 16:24

‹ncan mɔ n kpaapiigéle faan miyɛɛ wòʔolo, mɔ n sáriga-wòlo-tɛ́ɛgéle sámaga kadàlayi myɛ na.

Oze sɛ́bɛw 10:1

Isirayɛli maa pye àmɛɛ ɛrɛzɛn tírige nyɛ, gee gi cábiga lè, wi maa ni yasanra sangi. Wi yasanri si maa ni nɛʔɛgi, a wi wɔ́ɔ i sáriga-wòlo-yafaanyi nɛʔɛgi. Wi maa ni yasungaangèle nyɔɔgi ni yɛlɛgi ní wi tári nìjanra ní.

Oze sɛ́bɛw 12:11

Mii n joo kanyaajoobèle ma, mii n yanyaayi nɛʔɛ, mii n kàseegéle joo kanyaajoobèle nyɔ́ɔyɔ ni.»

Oze sɛ́bɛw 9:10

«Mii n Isirayɛli caa n nyaa fìími tára ni àmɛɛ ɛrɛzɛn nyɛ lè, mii n yele tóobèle nyaa àmɛɛ děsyaantiige yasanzelire nyɛ lè. Kàjáa pe n kári Baali-Peyɔɔri ma, pe n peyɛɛ gaan yasun-nɔ́nʔɔgi ma, ní baa pye yanɔnʔɔyɔ àmɛɛ be tàmagi yáriga nyɛ lè.