Zyeremii 11:12 - Cebaara Bible 2010

¹² Zyuda kěyi, ní Zyerusalɛmi ye a kári sa ra kolocɔlɔbèle nyɛ́ɛri, bele má pe nùndaanni yáriga sórogi lè, kàjáa pe a tɔ̀nɔ́ gbǎn be syɔɔ be wɔʔɔgi làla ni í.

Zyeremii 11:12 Iomraidhean Croise

2 Cányi kèlē 28:22

N Akazi yaʔa fɔ̀rɔgi ni, a wi sèʔê kòro ni kàa taari wi kolomi na Yawe ma.

Ezayi 45:20

«Ye yeyɛɛ gbóʔoro yaa maa, ye pínɛ ye nùuni naa syɛɛnfeleyi wogorobéle! Bele pe be tíiyi ǹdebēle lée lè, ní i nyɛ́ɛri kolocɔlɔwaa ma, wee wi lè wi a gbǎn be syɔɔ í, cánna o nyɛ bele bee ma í.

Ezayi 46:7

Pe i wi lée be fókaannyunyi na, ni wi tugo ni syée n sa ni wi téeri wi tɛ́ɛgi ni, wi o cúngu wi tɛ́ɛgi ni í! Alí wàa ga yákpoli wáa wi kurugo, wi a syɛɛnlurugoro kaan í, wi a gbǎn syɔɔn syɔɔ wɔʔɔgi ma í.

Zyeremii 18:15

A mii syɛ́ɛnbèle si fɛ̀ʔɛ mii na, pe i nùndaanni yáriga kaangi yasunyo ma. Koro n be kaan a be tàra n yiri be kóloyi ni, pe kolɛɛyi ni jàngó bi kobiigèlē láa, koloyaa yee yi lè yi ga kpoori í.

Zyeremii 2:28

Koro na sán mɔ kolocɔlɔbèle nyɛ, bele mɔ sámaga n pye miyɛɛ wòolo lè? Ki n yɛlɛ be yìri kapye pe a gbǎn mɔ syɔɔ wɔʔɔgi làla ni. Níì cán mɔ kolocɔlɔbèle n nɛʔɛ n sɔ̀lɔ mɔ keyi na, ee Zyuda.

Zyeremii 44:8

Nyàʔá na yele mii fúngi taanri ní yele kɔ́yi kapyegèlē ní, àmɛɛ yele nùndaanni yáriga sórogi kolocɔlɔbèle pèle nikwɔɔlɔ ma lè Ezyipiti tári ni, dee ni yele pan n baa tɛ́ɛn lè, jàngó bi yeyɛɛ kwɔ́ɔ yirige yaà, si ba pye tári syɛɛnfeleye myɛ ma dánga, ní kataanra yáriga?

Làlwaw Kaanziin 32:37

Lǎli bee ni wi a jo: «Sán be kolocɔlɔbèle nyɛ, fálagee ki da pye lè pe tɛɛfan-mí-làragi,

Làlwaw Kaanziin 32:38

kolocɔlɔbèle bee pe da ni be sárigaw kaasìnmɛ líi lè, ní i be sáriga-yólogow dùvɛɛn gbo lè? Bele bee n yɛlɛ pe yìri bi yele dɛ̀ɛmɛ, pe n yɛlɛ bi sínɛ yele tɔ́n.

Jàbɔbèle 10:14

Kolocɔlɔbèle yele nyɛ́nɛ n wòlo lè, yaa syée ye sa ra yákpogèle wáa poro kurugo. Pe n yɛlɛ bi yele syɔɔ yele wɔʔɔgi làla ni.»