Zyeremii 11:11 - Cebaara Bible 2010

¹¹ Gee bee na Yawe syɛ́ɛnri naa joo níì jo: ‹Wéle! Mii a wɔʔɔgɔ yaʔa ki ba too be na, pe a gbǎn peyɛɛ yirige gi ni í. Alí pe ga ni yákpogèle wáa mii kurugo, mii a tée lóʔo be ma í.

Zyeremii 11:11 Iomraidhean Croise

2 Fànʔafɔbèle 22:16

Yawe n jo: Mii a wɔʔɔlɔ cáan tɛ́ɛgi naa, ní gi syɛ́ɛnbèle na, bi yɛlɛ ní sɛ́bɛw syɛ́ɛnrɛ myɛ ní, dee Zyuda fànʔafɔw wéle lè.

2 Cányi kèlē 34:24

Yawe n jo: ‹Mii a wɔʔɔlɔ cáan tɛ́ɛgi naa, ní gi syɛ́ɛnbèle na, n yɛlɛ ní dángaw syɛ́ɛnrɛ myɛ ní di sɛ́bɛ lè sɛ́bɛw ni, wee syɛ́ɛnrɛ be wéle n joo Zyuda fànʔafɔw yɛ́ʔɛ ma lè.

Zyɔbi 35:13

Kányɛʔɛ na pe i yákpogèle wáa gbanzan, Kolocɔlɔɔ o gi lúro í, Séew Myɛ Kàfɔlɔ o gi córo í.

Ŋúnuyi 18:41

Mɔ n gi yaʔa a mii nigoobèle kàdoʔo kaan ni fé mii na. Bele mii kéeli bɛɛn lè mii a be nyɔ́ɔyi tɔ́n.

Ŋúnuyi 66:18

Mii ga maa sìnzinmɛ yaʔa mii fúngi ni, Kàfɔw mǎà dée lóʔo mii ma í.

Kàseegèle 1:28

lǎli bee ni pe a ra mii yiri, mii si a syɔɔ í. Pe a ra mii caa, pe si a mii nyaa í.

Kàseegèle 29:1

Syɔɔnwee na be fúlo lè, á wi wi nyúngi waʔa, wi a ba pàlá tɔ́nʔɔnɔ tiinmɛ o gi na í.

Ezayi 1:15

Yele ga yele kɔ́yi sánʔa lǎlee ni lè, mii n mii nyapiigèle yirige yele ni. Alí yele ga yele nyɛ́ɛriyi nɛʔɛ, mii o yi lúro í. Yele kɔ́yi n nyìn sìsyaanw na.

Ezayi 24:17

Mɔ wee wi nyɛ lè wodɛ́ɛɔn ní tári ni, fyáara, ní weʔe, ní cɔ̀ɔ n cáan mɔ na!

Zyeremii 11:14

Mɔ si na, mɔ a kɔ́ ra nyɛ́ɛri da kaangi syɛ́ɛnbèle naa ma í, mɔ a kɔ́ ra yákpoli wáa, wàlá bàā nyɛ́ɛri be kéeli na í. Níì cán lǎli ni pe ga mii nyɛ́ɛri pe wɔʔɔgi nínge ni lè, mii a lóʔo be ma í.

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 14:2

«Zyuda i nyɛ kùu káyaʔa na, wi kěyi i káagi, yi i nyɛ yébilimɛ níì tìgi n too tári na, á Zyerusalɛmi yákpoli si i lúru ǹjogi ni.

Zyeremii 15:2

Lǎli bee ni pe ga mɔ pye: ‹Sán wolo a kári?› Mɔ a be yari: ‹Yawe wi syɛ́ɛnri naa joo níì jo: Wee wi nyɛ lè káfalagi yáama wóo, káfalagi yáama i syée ní woro ní! Wee wi nyɛ lè ŋɔséew wóo, ŋɔséew i syée ní woro ní! Wee wi nyɛ lè kateekpɔɔgi wóo, kateekpɔɔgi i syée ní woro ní. Wee wi nyɛ lè púlori wóo, púlori i syée ní woro ní!›

Zyeremii 18:11

Ki joo tɔ́ɔliw ni Zyuda nǎnbèle, ní Zyerusalɛmi ye ma, mí be pye: ‹Yawe wi syɛ́ɛnri naa joo níì jo: Wéle, mii i wɔʔɔgɔ sámagi yele kánmi na, mii i yele kálagila kéele tímana. Ki n yɛlɛ ye myɛ nibin nibin í láʔa ye kóbeeyi na. Ye yele kóloyi ní yele nàʔami fàli.›

Zyeremii 19:15

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyi myɛ kéele mii joo kěgi naa kánma na lè, mii a yi yaʔa yi too gi na, ní kěyee myɛ na, yee yi nyɛ gi taana lè. Níì cán pe n be nyùngbaabèle kpee jàngó poro a kɔ́ mii syɛ́ɛnri lóʔo í.› »

Zyeremii 19:3

Mɔ a gi joo si jo: ‹Ye Yawe syɛ́ɛnri lóʔo, Zyuda fànʔafɔbèle, ní Zyerusalɛmi ye! Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: Wéle, mii a wɔʔɔgɔ cáan tɛ́ɛgi naa na, gee ki a gi lóʔofɔbèle líiweegéle wáriga lè.

Zyeremii 23:12

«Koro na pe kólogi a ra tàrá, si pye yébilimɛ, pe a be ŋɔrigɔ, pe a too. Níì cán mii a wɔʔɔli yaʔa li too be na, yɛ́ɛlee na mii a keele tɛ́ʔɛ be na lè,» Yawe wi jo nya.

Zyeremii 25:35

Tɛɛlàraga ní o nyɛ bànaʔabèle ma í! Kàsuro-jée-tɛ́ʔɛ ní o nyɛ yaweeri yɛɛ̀kinibéle ma í!

Zyeremii 35:17

Koro na, Yawe wi lè Kolocɔlɔw, wi nyɛ lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyee myɛ kéele mii joo lè Zyuda ye, ní Zyerusalɛmi ye myɛ kánmi na lè, mii a yi yaʔa yi too be na. Níì cán mii n joo ní be ní, pe ga lóʔo í, mii n be yeri, pe ga syɔɔ í.› »

Zyeremii 36:31

Mii a keele tɛ́ʔɛ wi ní wi yòdaʔayi, ní wi falipyebèle na, pe kolomi kéele na, si wɔʔɔyi myɛ yaʔa yi too be na, ní Zyerusalɛmi ye, ní Zyuda nǎnbèle na, yee mii da joo mii a cáan be na lè pe si ga lóʔo mii ma í.› »

Zyeremii 6:19

Tári, ki n yɛlɛ mi lóʔo! Mii wi wɔʔɔgi yaari ki i tuun syɛ́ɛnbèle naa na ki pye pe katimanari yasanra. Níì cán pe ga fɔ̀lɔ n mii syɛ́ɛnri lóʔo í. Gee gi mii làlwaw kéele kwɔ́ɔ lè, pe n wi yaʔa.

Kayaagi Nyɛnigɛ 2:22

Mɔ n fyáakpɔɔri yeri kàbanyi myɛ na n wáa mii na àmɛɛ kpóʔorojànna canʔa nyɛ lè. Yawe fundanʔari canʔa na wozyɔɔɔ, wàlá woweeo ga kòro í. Bele kéele li da mii sámaga n dɛ́nɛ lè cama, a mii be gbóo, mii nigoow n be lìi mɛnɛ mɛnɛ.

Ezekyɛli 14:3

«Syɔɔn-pya, nǎnbèle naa n be yasunyi tugo be fúnyi ni, pe i kàdɛnɛ-gbírigegi téeri peyɛɛ yɛ́ʔɛ ma, gee gi be cáan lè kapeebyeri ni, mii si niyɛɛ yaʔa lé pe mii yíbe?

Ezekyɛli 7:5

Kàfɔw Yawe wi syɛ́ɛnri naa joo níì jo: «Wɔʔɔgɔ, wɔʔɔgɔ nibin pee! Wéle, ki i maa!

Ezekyɛli 8:18

Mii wɔ́ɔgēle, mii fundanʔagbɔɔrɔtɔw a yarigaa pye. Mii a tée nyinimɛ nyaa í, mii a canmi-cɔɔnrigɔ kpéʔele í. Pe ga ni fúlo ni yákpogèle wáa mii líiweegèle taana, mii a lóʔo be ma í.»

Amɔsi 5:19

Yele a ba pye àmɛɛ syɔɔnwaa nyɛ lè, wee wi fé lè càaraɔ na, á ursi sáà wi fàra n taa, bi pye àmɛɛ syɔɔnwaa nyɛ lè, wee wi fàn n jée wi kpáagi ni lè ní sáà kɔ́gi taʔa gúngi na bi ŋɔ́n daa, á wàbiga wi nɔn.

Misye 3:4

Lǎli bee ni, pe a ra yákpogèle wáa Yawe kurugo, kàjáa wi a lóʔo be ma í. Wi a wi yɛ́ɛgi làriga be na lǎli bee ni. Níì cán pe n kapeeye kpéʔele.

Zakarii 7:13

«Lǎli ni mii da ni be yeri lè, pe ga lóʔo í, kánmi bee na ki wɔ́ɔ baa pye lǎli ni pe ba ni yiri lè, mii ga lóʔo í,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

1 Tesaloniki ye 5:3

Lǎli ni syɛ́ɛnbèle ga kɔ́ ba ni gi nyuu lè níì jo: «Dulunyanw n nyíngi níì nyɔɔ!» Lǎli bee ni kálagili a ba be pàla àmɛɛ fícɛnnɛ gáà fícɛnnɛfɔlɔ yìrige lè, pe a syɔɔ li ma nyáana í.

Heburubèle 1:3

Jaafɔw bee wi nyɛ lè Kolocɔlɔɔ nìjangbɔɔri darigala, ní wi niwiriw, wi bárigaw syɛ́ɛnrɛ n dulunyanw yárira myɛ tɔʔɔ n yérige. Lǎli ni wi kapeegèle jéemununɔ kpéʔele n kwɔ́ɔ lè, a wi sáà tɛ́ɛn nyɛ̀ʔɛni ni, Nìjangbɔɔri Fɔ́lɔ kàliige ma.