Zyeremii 11:10 - Cebaara Bible 2010

¹⁰ Pe n lúru ni be booma tofɔlɛɛyi kakoloyo kpéʔele, poro bele be cée pe ga fɔ̀lɔ ni mii syɛ́ɛnri lúro lè í, níì peyɛɛ bwɔɔ kolocɔlɔbèle pèle na, ni poro kpɔ̀ʔɔrɔ́. Isirayɛli kpáagi wòolo ní Zyuda kpáagi wòolo n mii joogaanni kálagi, loro lee mii da kpéʔele ní be toolɛɛbèle ní lè.

Zyeremii 11:10 Iomraidhean Croise

Ŋúnuyi 78:57

Pe n lúru kàdoʔo ma n jànvaa kpéʔele àmɛɛ be toolɛɛbèle da pye lè, pe n kólogi yaʔa àmɛɛ sedege nyɛ, gee mɛ́ɛnnɛ li yɔ̀rɔ lè.

Ezayi 24:5

Tári n nɔ́nʔɔ di tɛ́ɛnfɔbèle báriga ni, níì cán pe n làlwaw kèlē kálagi, níì kajoogèle kàriga, níì bàngwɔɔ joogaanni sàa.

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 17:23

Kàjáa pe ga lóʔo í, pe ga líiyi cáan í, fwɔɔ a pe be nyùngbaabèle kpee, jàngó poro a kɔ́ lóʔo si fɔ̀lɔ tamani na í.

Zyeremii 22:9

Pe a be yari: ‹Koro n taa ncan pe n Yawe joogaanni yaʔa, wi lè be Kolocɔlɔw, ncan pe maa ni tíri ni tuun kolocɔlɔbèle pèle nikwɔɔlɔ yɛ́ʔɛ ma, ni be kpɔ̀ʔɔrɔ́.› »

Zyeremii 31:32

Joogaannee mii da kpéʔele ní be toolɛɛbèle ní lè, cángee na mii be cò kɔ́yi na n yirige Ezyipiti tári ni lè, loro félege ban li a pye í, pe n joogaanni bee kálagi, àlí n gi taa mii n pye be tamafɔw,» Yawe wi jo nya.

Zyeremii 44:16

«Syɛ́ɛnri mɔ nyuu wolo ma Yawe mɛ́ɛgi na lè, wolo o caa bi di lóʔo í.

Zyeremii 44:5

Kàjáa pe ga lóʔo í, pe ga líiyi cáan í. Pe ga kapeegi yaʔa, gee be kpéʔele lè í, pe ga láʔa nùndaanni yáriga sórigolo na kolocɔlɔbèle pèle nikwɔɔlɔ ma í.

Zyeremii 7:28

Koro na gi joo be ma mí be pye: ‹Syɛɛnfelegaa gi nyɛ gee naa, gee gi lè ki o Yawe gi Kolocɔlɔw jóomɔ lúro í, ki wɔ́ɔ o caa bi fɔ̀lɔ tamana na í. Kányɛɛgi ní o beè í, ki n kwɔ́ɔ n láʔa pe nyɔ́ɔyi na.›

Zyeremii 9:6

Gee bee na Nyɛ̀ʔɛni Sùlasiibéle Kafɔlɔ Yawe syɛ́ɛnri naa joo níì jo: «Wéle! Mii a be gbàla si be sɛʔɛ bi wéle. Níì cán kanmìí na mii a gi pye mii syɛ́ɛnbèle kàbaan na?

Ezekyɛli 16:59

Níì cán Kàfɔw Yawe wi syɛ́ɛnri naa joo níì jo: ‹Gee mɔ kpéʔele lè koro félegi mii a kpéʔele mɔ na, mɔ wee wi kàligi faʔa lè àmɛɛ mɔ joogaanni kálagi lè.

Ezekyɛli 44:7

Yele n nibɔɔnnɔ lége mii tɛɛcǎngi ni, pe lè sìngɛ́nɛbéle fúnyi ni, ní sìngɛ́nɛbéle céri na, jàngó bi mii kpáagi córo yafaʔaga. Lǎli ni yele mii lìíli kaangi lè, li lè kaasǐnmi, ní sìsyaanw, a be mii joogaanni kálagi yele yanɔnʔɔyi myɛ kpéʔelele báriga ni.

Ezekyɛli 5:6

a wi si céemɛ le wiyɛɛ ni mii làlwaw kajoogéle ní mii làlwaw kèlē kánma na ní peemɛ ní n sɔ̀lɔ tári syɛɛnfeleye na, ní tátɛɛyi na yi wi màʔa lè, níì cán pe n mii làlwaw kajoogéle yaʔa, pe o táanri ni yɛlɛgi ní mii làlwaw kèlē ní í.

Oze sɛ́bɛw 6:4

«Nyàʔá mii yɛlɛ bi pye mɔ na Efirayimi? Nyàʔá mii yɛlɛ bi pye mɔ na Zyuda? Yele tàmagi i nyɛ àmɛɛ nyɛ̀ʔɛ nyɔ́ɔ fàfanʔa nyɛ lè, ní àmɛɛ nyɛ̀ʔɛ nyɔ́ɔ kásaga nyɛ, gee gi kwóo lè.

Oze sɛ́bɛw 6:7

«N yɛlɛ ní syɔɔn ye kánmi ní, pe n joogaanni kálagi. Nɛɛ bee pe mii jànváa.

Oze sɛ́bɛw 7:16

Pe i lúrugu ni maa, kàjáa wee wi nyɛ Pe Myɛ Nyúngo na lè, woro ma ban í. Pe i nyɛ àmɛɛ námara sedege nyɛ lè, Ŋɔsée a be kùndigibèle kpóo cáan pe nyíngèle péemɛ kéele na. Koro na pe a pye kataanra yárigéle Ezyipiti tári ni.»

Levii ye sáriga-wòlori 26:15

yele ga mii làlwaw kèlē cée, yele sɔ̀nguri ga pye ti o nyɛ mii làlwaw kajoogéle na í, fwɔɔ a yele mii tundunri myɛ cée, níì mii joogaanni kálagi,

Sofonii 1:6

ní bele be lúru Yawe kurugo lè, ní bele be lè pe o Yawe caa í, pe si wɔ́ɔ o wi yíbe í.

Zakarii 1:4

‹Yele a kɔ́ pye àmɛɛ yele tóolɛɛbèle da pye lè í, poro bele má booma kanyaajoobèle da ni gi nyuu lè níì jo: Yawe wi lè Nyɛ̀ʔɛni Sùlasiibéle Kafɔlɔ wi n jo: Ye láʔa yele kóbeeyi, ní yele nàʔabeemi na. Kàjáa pe ga lóʔo í, pe ga líiyi cáan n lóʔo mii ma í, Yawe wi jo nya.

Zakarii 7:11

Kàjáa a be cée, pe ga fɔ̀lɔ bi lóʔo í, a be céemɛ fókaannyunyo nyɛ́ʔɛ níì be líiweegèle pɛɛn jàngó poro a kɔ́ lóʔo í.

Zakarii 7:13

«Lǎli ni mii da ni be yeri lè, pe ga lóʔo í, kánmi bee na ki wɔ́ɔ baa pye lǎli ni pe ba ni yiri lè, mii ga lóʔo í,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Làlwaw Kaanziin 31:16

A Yawe Mowizi pye: «Wéle, mɔ wi a kùu wee, táree ni syɛ́ɛnbèle naa a jée lè, pe a yìri bàā kanɔnʔɔri kpéʔele ní kolocɔlɔ-nibɔnbèle ní. Pe a mii cée si wɔ́ɔ mii joogaanni kálagi, lee mii kpéʔele ní be ní lè.

Làlwaw Kaanziin 9:7

«Sɔ̀ngi mi taa, kánmee na mɔ Yawe mɔ Kolocɔlɔw fúngo tanʔa fìími tára ni lè, mɔ a kɔ́ fɛ̀ʔɛ gee bee na í. Nlaa mɔ canyirigi na Ezyipiti tári ni fwɔɔ n taa a yele baa nan tɛ́ɛgi naa na, yele n pye niceebéle Yawe ma.

Heburubèle 8:9

Joogaanni mii da kpéʔele ní be toolɛɛbèle ní lè, cángee na mii be cò kɔ́yi na n yirige Ezyipiti tári ni lè, lee naa a pye sèjira ní lee bee ní í. Amɛɛ si gi nyɛ lè pe da kòro mii joogaanni ni ni li kpéʔele í, koro na mii be yaʔa, Kàfɔw wi joo nya.

Jàbɔbèle 2:11

Lǎli bee ni a Isirayɛli ye i gi kpéʔele gee gi pee Yawe nyɛ́nɛ na lè, ní i Baalibèle kpɔ̀ʔɔrɔ́.

Jàbɔbèle 2:17

Kàjáa koro ní ki myɛ ní pe da ni lúro pe jàbɔbèle ma í, níì cán pe maa ni kanɔnʔɔri kpéʔele ni kolocɔlɔbèle pèle nikwɔɔlɔ ní ní i tíri ni tuun be taana. Kólogee be toolɛɛbèle da ni táanri ní i Yawe kajoodɛɛngèle kpéʔele lè, a be fala n gee bee yaʔa ní i kanmaa nikwɔɔ kpéʔele.

Jàbɔbèle 2:19

Kàjáa jàbɔw ga baa kùu, pe n níì peyɛɛ gálagi n sɔ̀lɔ pe toolɛɛbèle na àmɛɛ pe gáà peyɛɛ daʔa kolocɔlɔbèle pèle nikwɔɔlɔ na ni kpɔ̀ʔɔrɔ́ lè ní i tíri ni tuun be taana. Pe a tée fɔ̀lɔ bi láʔa pe nàʔabeemi ní be líiweepɛɛnni na í.

1 Samyɛli 15:11

«Amɛɛ mii Sawuli kpéʔele lè fànʔafɔlɔ, ki ga níì mii dɛ́nɛ í. Níì cán wi n lúru mii kurugo, wi ga mii syɛ́ɛnri foro í.» A Samyɛli fúngi tanʔa, a wi i yákpoli wáa Yawe kurugo yébiligi myɛ ni.