Zyeremii 10:9 - Cebaara Bible 2010

⁹ Wálifiiw be kpúmɔn lè, pe i yìrigí ní wi ní Tarisiisi ma, n wɔ́ɔ ni yìrigí ní tɛ́ɛw ní Ufazi ma, fáliw kacaɔn kapyele lii, tɛɛ̀kpumɔnw kɔ́lɔ fáli wii. Pe i kɔ́luruna cére fàni, ní fàninyɛɛɔn nii be kolocɔlɔbèle na. Pe myɛ i nyɛ kacánmi fáli kpéʔelefɔlɔ kapyele.

Zyeremii 10:9 Iomraidhean Croise

1 Fànʔafɔbèle 10:22

níì cán Tarisiisi bàtobèle maa pye Salomɔn ma ní Hirami bàtobèle ní, sólomi lɔ̀ʔɔ ni. Yɛ̀ʔɛlɛ taanri o yɛ̀ʔɛlɛ taanri ga kwɔ́ɔ, Tarisiisi bàtobèle n pan ní tɛ́ɛw ní, n fàra wálifiiw, ní sogǎngèle, ní kòtunbéle, ní féjɛɛnyaa félege na.

2 Cányi kèlē 9:21

Níì cán bàtobéle maa pye fànʔafɔw ma, bele pe da pínɛ ni syée Tarisiisi ma ní Hurami falipyebèle ní lè. Yɛ̀ʔɛlɛ taanri o yɛ̀ʔɛlɛ taanri ga kwɔ́ɔ, Tarisiisi bàtobèle n pan ní tɛ́ɛw ní n fàra wálifiiw, ní sogǎngèle, ní kòtunbéle, ní féjɛɛnyaa félege na.

Ŋúnuyi 115:4

Pe yasunyi i nyɛ wálifiio ní tɛɛ̀, syɔɔn ye kɔ́yi fáli wii.

Ŋúnuyi 72:10

Tarisiisi fànʔafɔbèle, ní lǒgi nínge tátɛɛgéle fanʔafɔɔlɔ a ba ra kpɔ́ʔɔri kaangi wi ma. Saba ní Seba fànʔafɔbèle a ba ra yakaanri kaangi wi ma.

Ezayi 23:6

Ye jeli ye kári Tarisiisi ma. Yele lǒgi nínge tátɛɛlɛ woolo, yaa nyaan yaa peele.

Ezayi 40:19

Fáliw kacanwaa wi gáà tunmɔrɔ gbàla n tɛ́ʔɛ n ǹdew faan. Tɛɛkpumɔnwaa n si tɛ́ɛw tɛ́ʔɛ n gi pɔ̀li n tɔ́n si wálifiio nyɔ̀ʔɔdirigéle táriga gi na.

Ezekyɛli 27:12

« ‹Tarisiisi wóbèle maa pínɛ ni jàgiw wáa ní mɔ ní, yacanri myɛ kéele na ti pye yaà lè mɔ ma saʔa. Pe maa ni syée mɔ ma ní wálifiiw, ní túnmɔri, ní kafiiri, ní tunmɔgbanri ní.

Ezekyɛli 27:7

Ezyipiti lɛn fàni fɛɛlɛfɛɛlɛw be súu lè, woro wi pye mɔ nyundɔn-fànibèle, ní mɔ káfaliw. Fàninyɛɛn-súruyi ní fàninyɛɛnw wi yìri Elisya lǒgi nínge tátɛɛgéle ma lè, woro wi pye mɔ fanikpaayi fàniya.

Danyɛli 10:5

A mii nyapiigèle yìrige ni wéle, a mii nànwaa nyaa lɛn búrogo n pye wi na, tɛɛteleo sɛntiiri si i nyɛ wi ma sárigèle ni.

Oze sɛ́bɛw 8:6

Isirayɛli má gi yìri, fáliw kacanwaa wi gi sámaga, náapiigi bee o nyɛ Kolocɔlɔɔ í. Koro na Samarii náapiigi a tɔ̀nɔ́ ba tɔ́nʔɔnɔ.

Zyonasi 1:3

Lǎli bee ni a Zyonasi yìri bi fàn bi kári Tarisiisi ma bi léeli Yawe na. A wi tìgi n kári Zyafa ma ní sáà bàtowaa nyaa yaà, wee wi da ni syée Tarisiisi ma lè. A wi wi tánʔani lɔ́rɔ sàra, níì jée ní syɛ́ɛnbèle ní bi kári Tarisiisi ma bi léeli Yawe na.

Habakuki 2:19

Wɔʔɔlɔ a pye syɔ́ɔnwee na wi gi nyuu tiige ma lè níì jo: «Ki n yɛlɛ mi yìri!» Ní kàdɛnɛgɛ ma ki lè ki o nyuu í, níì jo: «Yìri ŋúnɔmi na!» A ki a gbǎn syɔɔn tama lé? Wéle, pe n tɛ́ɛw ní wálifiiw tɛ́ʔɛ n gi tɔ́n, kàjáa ŋɔ́ngara o nyɛ gi ni nyáana í.