Zyeremii 10:7 - Cebaara Bible 2010

⁷ Wìí wi nyɛ wi a fyáa mɔ na í, syɛɛnfeleyi fànʔafɔlɔ? Mɔ na gi yɛlɛ syɔɔn í da fɛ̀ɛgí, níì cán syɛɛnfeleyi kacanbèlē myɛ ni, ní yi fǎnyi myɛ ni, wàa faala o nyɛ mɔ félege í.

Zyeremii 10:7 Iomraidhean Croise

2 Fànʔafɔbèle 17:39

Fwɔɔ yaa mii Yawe yele Kolocɔlɔw kpɔ́ʔɔgi, mii a yele yirige yele nigoobèle myɛ kɔ́yɔ ni.»

1 Cányi kèlē 16:25

Níì cán Yawe n kpɔ́ʔɔ, wi n tɔ̀nɔ n yɛlɛ ní sòololo ní. Wi i nyɛ fyáara yariga n sɔ̀lɔ kolocɔlɔbèle myɛ na.

Ɛsitɛri 1:13

A fànʔafɔw sícilibèle nyaa n joo, poro bele be làrigèle cán lè, níì cán kánmi bee na fǎngi kèlē da ni sɔ̀lɔ́ bele má làlwaw kèlē, ní kútiiw kèlē cánna nyɛ lè, pe da ni kòró wi taana lè,

Ŋúnuyi 147:5

Wolo Kàfɔw n kpɔ́ʔɔ, wi fǎngi n nɛʔɛ, tɛɛ̀laʔala o nyɛ wi sícilimi na í.

Ŋúnuyi 22:28

Tári láʔagéle myɛ wòolo a sɔ̀ngí taa Yawe kéeli na, si lúru pan wi ma. Tári syɛɛnfeleye narigbaaya myɛ a ba ra tíri da tuun wi yɛʔɛ̀ ma.

Ŋúnuyi 47:3

Níì cán Yawe wi lè Pe Myɛ Nyúngo na, wi i nyɛ fyáakpɔɔrɔ yáriga. Wi i nyɛ fànʔafɔgbɔɔɔ tári myɛ nyúngo na.

Ŋúnuyi 72:11

Fànʔafɔbèle myɛ a ba ra tíri da tuun wi yɛʔɛ̀ ma, syɛɛnfeleyi myɛ a ba ra báara wi ma.

Ŋúnuyi 76:7

Ee Zyakɔbi Kolocɔlɔw, ŋúnɔgbɔɔmɔ n syɔɔnfǎnbèle ní syɔ́ɔnyi cò mɔ syɛɛngbanri joolo báriga ni.

Ŋúnuyi 86:8

Kolocɔlɔwaa o nyɛ mɔ félege kolocɔlɔbèle nínge ni í, Kàfɔw, mɔ kapyegèle félege o nyɛ í.

Ŋúnuyi 86:9

Syɛɛnfeleyee myɛ mɔ sámaga lè, yee bee a ra maa bi ba ra tíri da tuun mɔ yɛ́ʔɛ ma, Kàfɔw, yi a ra mɔ mɛ́ɛgi kpɔ̀ʔɔrɔ́.

Ŋúnuyi 89:6

Nyɛ̀ʔɛgèle i mɔ sòoló kakpoloyi kéele na mɔ kpéʔele lè, ee Yawe! Ní wɔ́ɔ i mɔ kányɛɛgi kéele sòoló syɛɛncanbèle syɛɛnkpoʔolomɔ ni,

Yirile 8:10

A be di koli n kpoʔolo n màʔa gbɔ̀ngbɔnyɔ. A di nǔngi yìri n tári foro.

Yirile 9:14

Níì cán kátali naa na mii a wɔʔɔyi féleye myɛ yaʔa yi nan mɔ tiimaw na n fàra mɔ falipyebèle, ní mɔ tári syɛ̀ɛnnɛ na, koro ga pye mɔ í gi cán mii félege o nyɛ tári tɛ́ɛgaa faala ni í.

Ezayi 2:4

Wi a pye kútiijooo syɛɛnfeleyi nínge ni, bàā syɛɛnfele-nɛʔɛyɛ kele cɛnɛ. Pe a be ŋɔséebèle kpúmɔn bi kàriga nìteye, bi be tàbaabèle kàriga kátangèlē. Syɛɛnfelegaa a ní ŋɔsée yìrige kàa kánma na í, wàa a ní da kapɛɛnnɛ tama í.

Zyeremii 10:6

Wàa o nyɛ mɔ félege í, Yawe! Mɔ n kpɔ́ʔɔ, a mɔ mɛ́ɛgi kpɔ́ʔɔ mɔ séew báriga ni.

Zyeremii 5:22

Yawe n jo: Yele a fyáa mii na ì? Yele a ra cɛ̀lɛ́ mii yɛ́ʔɛ ma ì, mii wee wi táminyɔɔw kaan sólomi lɔ̀ʔɔ ma lè wi pye gi tɛɛ̀laʔali, bàngwɔɔ tɛɛ̀laʔala lee li lè ki a gbǎn li kána í? Ki kùnguruyi i fúugu, kàjáa yi i nyɛ fànʔa fun. Yi i fúlo, kàjáa yi a gbǎn li kána í.

Danyɛli 2:27

A Danyɛli fànʔafɔw yari: «Kalaralee fànʔafɔw caa bi cán lè, sícilibèle, wàlá kanyaabèle, wàlá cɛ́lɛfɔbèle, wàlá wélefɔbèle ban pe a gbǎn li tɛ̀ɛn fànʔafɔw na í.

Danyɛli 2:28

Kàjáa Kolocɔlɔwaa i nyɛ nyɛ̀ʔɛni na, wee wi kalaragèle tèé lè, woro wi canzanyi kèlē tɛ̀ɛn fànʔafɔw Nebukadinezari na. Mɔ ŋúnɔgi gi nyɛ gee naa n fàra yanyaayi na mɔ nyaa lè n mɔ yaʔa mɔ yasinɛgi na.

Habakuki 3:2

Yawe, mii n mɔ kapyegèle kéele lóʔo, fyáara n mii cò, Yawe, mɔ kapyeli yɛ́ʔɛ ma, li foro yɛ́ɛgèle fúngo ni! Li yaʔa li cán yɛ́ɛgèle fúngo ni! Kàjáa n mɔ yaʔa mɔ fundanʔari fúngo ni, sɔ̀ngi mi taa mɔ nyinidaari kéele na.

Zakarii 2:11

«Ye boo kári! Siyɔn, fàn mi syɔɔ, mɔ wee wi nyɛ lè wodɛ́ɛɔn ní Babilɔni ni!

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Luki 12:5

Wee na yele yɛlɛ bàā fɛ̀ɛgí lè, mii a wee bee tɛ̀ɛn yele na. Woro wi nyɛ wee naa: Wee má séew nyɛ lè bi syɔɔn kpóo, koro kàdoʔo ma si wɔ́ɔ gbǎn wi wáa tɛɛwɔʔɔgi ni, yaa fɛ̀ɛgí wee bee na, mii a tɔ̀nɔ́ gi joo yele ma, wee bee na yele yɛlɛ bàā fɛ̀ɛgí.

1 Korɛnti ye 8:6

koro ní ki myɛ ní wolo má, Kolocɔlɔɔ i nyɛ nibin, woro wi nyɛ wolo Tóow, woro wee má yáriri myɛ yìri lè, wolo i nyɛ woro wòolo, Kàfɔw wɔ́ɔ i nyɛ nibin, woro wi nyɛ Zyezu Kirisi, woro wee báriga ni yáriri myɛ nyɛ lè n fàra wolo myɛ na.

Zyozuwe 4:24

jàngó tári syɛɛnfeleye myɛ í gi cán bi cán Yawe kɔ́gi i nyɛ sée kɔ́lɔ, yele sáā fɛ̀ɛgí Yawe yele Kolocɔlɔw na làla o làla.› »

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»

Tɛ̀ɛnnɛ 15:4

Kàfɔw, wìí wi nyɛ wee wi lè wi a ra fɛ̀ɛgí mɔ na í? Ba wìí wi nyɛ wi a ra mɔ mɛ́ɛgi kpɔ́ʔɔgi í? Níì cán mɔ nibin wi sín. Syɛɛnfeleyi myɛ a ba ra mɔ kpɔ̀ʔɔrɔ́, àmɛɛ mɔ mɔ kapyezingèle tɛ̀ɛn lè.»