Zyeremii 10:6 - Cebaara Bible 2010

⁶ Wàa o nyɛ mɔ félege í, Yawe! Mɔ n kpɔ́ʔɔ, a mɔ mɛ́ɛgi kpɔ́ʔɔ mɔ séew báriga ni.

Zyeremii 10:6 Iomraidhean Croise

2 Samyɛli 7:22

«Koro na, Yawe Kolocɔlɔɔ, mɔ n tɔ̀nɔ n kpɔ́ʔɔ. Níì cán wàa o beè mɔ félege í. Kolocɔlɔwaa ní o yaà kapye mɔ ban í àmɛɛ wolo gi lóʔo lè wolo líiweegèle ni.

1 Cányi kèlē 16:25

Níì cán Yawe n kpɔ́ʔɔ, wi n tɔ̀nɔ n yɛlɛ ní sòololo ní. Wi i nyɛ fyáara yariga n sɔ̀lɔ kolocɔlɔbèle myɛ na.

Nehemii 4:14

Yele ga tòmaagi wìimɛ lóʔo tɛ́ɛgee ni lè, ye kpóʔoro yaà beè wolo ma. Wolo Kolocɔlɔw a ra kapɛɛnni kpúmɔn bàā kaangi wolo ma.»

Nehemii 9:32

Tɔ́ɔliw ni doò, ee wolo Kolocɔlɔw, mɔ wi lè Kolocɔlɔɔ wogbɔɔw, ní séew fɔ́lɔ, ní fyáara yáriga, mɔ wee wi joogaanni, ní funjǎngi sámaga n cò lè, fɔ̀rɔgbɔɔgee gi nan lè mɔ syɛ́ɛnbèle myɛ na, pe nyɛ lè wolo ní wolo fànʔafɔbèle, ní wolo syɛɛnkpolobèle, ní wolo sáriga-wòlobèle, ní wolo kanyaajoobèle, ní wolo tóolɛɛbèle, nlaa yaà Asirii fànʔafɔbèle làla ni fwɔɔ n baa nan níjanʔa na, mɔ a kɔ́ gi córo kapiipiile í.

Ŋúnuyi 145:3

Yawe n kpɔ́ʔɔ níì tɔ̀nɔ n yɛlɛ ní sòololo ní, tɛɛ̀laʔala o nyɛ wi kpɔ́ʔɔri na í.

Ŋúnuyi 147:5

Wolo Kàfɔw n kpɔ́ʔɔ, wi fǎngi n nɛʔɛ, tɛɛ̀laʔala o nyɛ wi sícilimi na í.

Ŋúnuyi 35:10

Mii kaceleyi myɛ a ra gi nyuu si jo: «Ee Yawe, wìí wi nyɛ mɔ félege? Mɔ wi foomɔfɔw syoo wi jáafɔw ma, ní wɔ́ɔ i fɔ̀rɔgɔfɔbèle, ní fɔ̀ngɔfɔbèle syoo bele ma pe be fuguri lè.»

Ŋúnuyi 48:1

Ŋúnugo. Kore jáabèle ŋúnugo.

Ŋúnuyi 96:4

Níì cán Yawe n kpɔ́ʔɔ, wi n tɔ̀nɔ n yɛlɛ ní sòololo ní, wi i nyɛ fyáara yáriga n sɔ̀lɔ kolocɔlɔbèle myɛ na.

Yirile 15:11

Ee Yawe, wìí wi nyɛ mɔ félege kolocɔlɔbèle nínge ni? Wìí wi sín n foro àmɛɛ mɔ nyɛ lè? Wìí wi nyɛ mɔ félege, wee wi nyɛ lè wojaɔn ní n foro, ní i nyɛ fyáara yáriga, níì yɛlɛ ní kpɔ̀ʔɔrɔlɔ ní, ní i kakpoloyo kpéʔele?

Yirile 8:10

A be di koli n kpoʔolo n màʔa gbɔ̀ngbɔnyɔ. A di nǔngi yìri n tári foro.

Yirile 9:14

Níì cán kátali naa na mii a wɔʔɔyi féleye myɛ yaʔa yi nan mɔ tiimaw na n fàra mɔ falipyebèle, ní mɔ tári syɛ̀ɛnnɛ na, koro ga pye mɔ í gi cán mii félege o nyɛ tári tɛ́ɛgaa faala ni í.

Ezayi 12:6

Yaa fundaanra, ní mugurumɔ yákpogéle wáa, yele bele ye nyɛ lè Siyɔn ni! Níì cán Isirayɛli ye Wojanw wi nyɛ yele níngi ni lè, wi n kpɔ́ʔɔ.»

Ezayi 40:18

Wìí ní yele caa bi Kolocɔlɔɔ tímana? Yarigìí niwirige ní yele a wi tímana?

Ezayi 40:25

«Wìí ní yele mii tímana? Ba wìí ni yele mii córo sèjira?» Wojanw wi jo nya.

Ezayi 46:5

Wìí ní yele mii tímana n jo wolo i nyɛ sèjira? Wìí yele córo mii félege bi gi joo si jo mii ní wee bee i nyɛ kanijanma na?

Ezayi 46:9

Ye sɔ̀ngi ye taa booma kasɔ̀lɔgwɔɔgèle na. Níì cán mii wi nyɛ Kolocɔlɔɔ, wàa o nyɛ àmɛɛ mii nyɛ lè í, Kolocɔlɔwee wi lè wàa o nyɛ wi felege í.

Zyeremii 10:16

Wee wi nyɛ lè Zyakɔbi lɛɛli, wi o nyɛ yi felege í. Níì cán woro wi yáriri myɛ sámaga, Isirayɛli si i nyɛ wi kɔ́rigi syɛɛnfelege. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Zyeremii 32:18

Mɔ i kacànna kpéʔele ni syée fwɔɔ n sa ni nangi yòdaʔayi saala kagunɔ wóʔo na. Gee si gi yɛlɛ ní tofɔbèle ní lè be kolomi kéele na mɔ i gi sìndɛɛgi wóo naa be pìíbèle na be kàdoʔo ma. Mɔ wi nyɛ Kolocɔlɔɔ wi lè wogbɔɔw, ní séew fɔlɔ, wee mɛ́ʔɛ gi nyɛ lè Yawe wi lè Nyɛ̀ʔɛni Sùlasiibéle Kafɔlɔ.

Danyɛli 4:3

A mii gi joo n gbàn níì jo paa maa mii yɛ́ʔɛ ma ní Babilɔni sícilibèle myɛ ní, koro ga pye pe ba ŋúnɔgi kɔ́rɔ joo mii ma.

Danyɛli 4:34

Tɔ́ɔliw ni, mii Nebukadinezari, mii i nyɛ̀ʔɛni Fànʔafɔlɔ sòoló, mii i wi kpɔ̀ʔɔrɔ́, mii i wi kpɔ́ʔɔgi, àmɛɛ wi kapyegèle myɛ nyɛ lè kányɛʔɛ wòʔolo, á wi kóloyi wɔ́ɔ̀ sín, wee wi a gbǎn be tìrige, bele be táanri nɛ̀ɛnyɛnɛgɛ ni lè.

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

1 Korɛnti ye 8:6

koro ní ki myɛ ní wolo má, Kolocɔlɔɔ i nyɛ nibin, woro wi nyɛ wolo Tóow, woro wee má yáriri myɛ yìri lè, wolo i nyɛ woro wòolo, Kàfɔw wɔ́ɔ i nyɛ nibin, woro wi nyɛ Zyezu Kirisi, woro wee báriga ni yáriri myɛ nyɛ lè n fàra wolo myɛ na.

Làlwaw Kaanziin 32:31

Níì cán pe fálagi o nyɛ àmɛɛ wolo Fálagi nyɛ lè í. Wolo nigoobèle i nyɛ gi séerabéle.

Làlwaw Kaanziin 33:26

Wàa faala o nyɛ Kolocɔlɔɔ félege í, ee Yesyurun! Wi i nyɛ̀ʔɛgèle kána ni maa bi ba mɔ dɛ̀ɛmɛ, ni maa fàfaanyi na wi fǎngi ni.