Zyeremii 10:5 - Cebaara Bible 2010

⁵ Kolocɔlɔbèle bee i nyɛ àmɛɛ tiikórigo nyɛ lè, pe o nyuu í, a pe be tugu wii, níì cán pe a gbǎn tánʔa í. Ye a kɔ́ ra fɛ̀ɛgí be na í. Níì cán fànʔa o be ni bi gbǎn kapeʔe kpéʔele í. Anbée gi wɔ́ɔ̄ nyɛ fànʔa o be ni bi gbǎn kacànna kpéʔele í.»

Zyeremii 10:5 Iomraidhean Croise

1 Fànʔafɔbèle 18:26

Náapelee be kaan be ma lè, a be li cò n sámaga, ní i Baali mɛ́ɛgi yiri n séli nyǐngi nyɔ́ɔ na fwɔɔ n taa a cángi baa tɛ́ɛn nyùngo ni, ní i gi nyuu níì jo: «Baali, lóʔo wolo ma.» Kàjáa joomɔ wàlá syɛɛnlurugoro ga taa í. Pe maa ni yóo ni yegi sáriga-wòlo-yafaangi yɛ́ʔɛ ma, gee pe da sámaga lè.

2 Cányi kèlē 25:15

Lǎli bee ni, a Yawe fundanʔari cò naà Amasya kánmi na. A wi kanyaajoowaa tun wi ma a woro sáà wi pye: «Nyàʔá na mɔ syɛ́ɛnbèle bee kolocɔlɔbèlē caa bi gi taa pe ga gbàn n be syɛ́ɛnbèle yirige mɔ kɔ́gi ni í?»

Ezayi 16:12

Pe a ba Mowabi nyaa waa wiyɛɛ vɔ̀rɔgí sáriga-wòlo-tɛ́ɛyi ni. Wi i jǐn ni nyɛ́ɛri wi kpɔ̀ʔɔrɔli kpaʔa ni, wi si a yafyɛn taa í.

Ezayi 45:20

«Ye yeyɛɛ gbóʔoro yaa maa, ye pínɛ ye nùuni naa syɛɛnfeleyi wogorobéle! Bele pe be tíiyi ǹdebēle lée lè, ní i nyɛ́ɛri kolocɔlɔwaa ma, wee wi lè wi a gbǎn be syɔɔ í, cánna o nyɛ bele bee ma í.

Ezayi 46:1

Bɛli n tìgi n too yégunri na, Nebo n too. Pe i be yasunyi bee taari yaweeri na, ti lè tugolaa-yaweeyi. Yele ye da ni yi tugu, yoro si yi baa pye yee tugoro yaweʔe na, gee gi fɔ̀rɔ lè!

Ezayi 46:7

Pe i wi lée be fókaannyunyi na, ni wi tugo ni syée n sa ni wi téeri wi tɛ́ɛgi ni, wi o cúngu wi tɛ́ɛgi ni í! Alí wàa ga yákpoli wáa wi kurugo, wi a syɛɛnlurugoro kaan í, wi a gbǎn syɔɔn syɔɔ wɔʔɔgi ma í.

Zyeremii 10:14

Syɛ́ɛnbèle myɛ n baa pye nidoliyo pe cánni báriga ni, fɛ̀ɛrɛ n tɛɛ̀kpumɔnbèle myɛ taa pe ǹdevaanyi kéele na. Níì cán yasunyi bee myɛ i nyɛ jànvaa yáriya, ŋɔngara o nyɛ yi ni í.

Habakuki 2:19

Wɔʔɔlɔ a pye syɔ́ɔnwee na wi gi nyuu tiige ma lè níì jo: «Ki n yɛlɛ mi yìri!» Ní kàdɛnɛgɛ ma ki lè ki o nyuu í, níì jo: «Yìri ŋúnɔmi na!» A ki a gbǎn syɔɔn tama lé? Wéle, pe n tɛ́ɛw ní wálifiiw tɛ́ʔɛ n gi tɔ́n, kàjáa ŋɔ́ngara o nyɛ gi ni nyáana í.

1 Korɛnti ye 12:2

Yele n gi cán àmɛɛ yele da pye lè sìndagabéle, pe maa yele pùuni, a yele kólogi yaʔa, níì taʔa yasunyi na yi lè yi o nyuu í.

1 Korɛnti ye 8:4

Gee mii a joo lè káari káala kéele na, dee be kúu yasunyi na lè koro gi nyɛ wolo n gi cán yasungo o nyɛ yafyɛn dulunyanw ni í, kolocɔlɔwaa nikwɔɔ ní o beè Kolocɔlɔw nibin kàdoʔo ma í.

Làlwaw Kaanziin 4:28

Bi yele yaʔa yaà beè, yele a ra báara kolocɔlɔbèle pèle ma, pe lè syɔɔn kɔ́lɔ yakpéʔeleye, pe lè tíiri, ní kàdɛnɛri wòolo, bele be lè pe a gbǎn yarigaa nyaa í, pe wɔ́ɔ o lúro í, pe wɔ́ɔ o líi í, pe o nùngo taagi í.