Zyeremii 10:3 - Cebaara Bible 2010

³ Syɛɛnfeleyi kalɛɛgéle tɔ̀nɔ́ i nyɛ gbanzan. Pe i tíigi kpúmɔn kɔ́ligi ni, fáliw cánvɔlɔ kɔ́lɔ n si baa gi sámaga ní tiicɛnɛ-yárigi ní.

Zyeremii 10:3 Iomraidhean Croise

Ŋúnuyi 115:4

Pe yasunyi i nyɛ wálifiio ní tɛɛ̀, syɔɔn ye kɔ́yi fáli wii.

Ezayi 45:20

«Ye yeyɛɛ gbóʔoro yaa maa, ye pínɛ ye nùuni naa syɛɛnfeleyi wogorobéle! Bele pe be tíiyi ǹdebēle lée lè, ní i nyɛ́ɛri kolocɔlɔwaa ma, wee wi lè wi a gbǎn be syɔɔ í, cánna o nyɛ bele bee ma í.

Zyeremii 1:16

Mii a mii kútiiw kúun be na pe péemi myɛ kéele na níì cán pe n mii yaʔa ní sa ni nùndaanni yáriga sórogi kolocɔlɔbèle pèle nikwɔɔlɔ ma, ní i tuun ni kpùmɔnɔ́ be kɔ́yi fáli yɛ́ʔɛ ma.

Zyeremii 10:8

Pe myɛ n pínɛ n pye nidoliyo, ní nilabalaya, gee ki gi tɛ̀ɛn lè pe i nyɛ gbanzan koro gi nyɛ tíigi.

Zyeremii 14:22

Syɛɛnfeleyi gbanzan yáriya ni, a gi kàa i yaà lé gee gi zàʔá cáan lè? Nyɛ̀ʔɛni lé li zěpalayi cáan? Mɔ ban ì, Yawe wolo Kolocɔlɔw? Mɔ na wolo wo sɔ̀ngumi taʔa. Níì cán mɔ wi kérigèle bee myɛ kpéʔele.

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Zyeremii 2:5

Yawe wi syɛ́ɛnri naa joo níì jo: «Sìnzinmìí félege yele tóobèle nyaa mii na, a koro be kaan a be léeli mii na, ní sáà peyɛɛ bwɔɔ gbanzan yáriyi na, a poro tiimaw baa pye gbanzan yáriya?

Levii ye sáriga-wòlori 18:30

Syɛ́ɛnri mii joo n gbàn lè, ki n yɛlɛ ye di sámaga ye cò, koro ga pye nɔ́nʔɔri kalɛɛgéle ke da ni kpéʔele yaà lè, yele a kɔ́ loro làa kpéʔele í. Yele a kɔ́ yeyɛɛ nɔ́nʔɔ ní ge ní í. Mii wi nyɛ Yawe yele Kolocɔlɔw.› »

Matye 6:7

Mɔ ga ni Kolocɔlɔɔ nyɛ́ɛri lǎli ni lè, mɔ a kɔ́ ra syɛɛnnijanri nyuu da taʔala àmɛɛ syɛɛnfeleyi wozanya gi kpéʔele lè í. Ncan pe i gi sɔ̀ngí poro syɛɛnnɛʔɛri a gi yaʔa Kolocɔlɔɔ í naa gbǎn lóʔo poro ma.

Kapyegèle 19:26

Yele si n gi nyaa ní wɔ́ɔ̀ gi lóʔo, àmɛɛ Pɔliw bee syɛ̀ɛnnɛ saʔa nyúnyo kàriga Efɛzi ni lè a be pùuni, ní wɔ́ɔ̀ gi kpéʔele ànbée Azii tɛ́ɛyi myɛ ni, níì cán wi n jo, yakpɔʔɔrɔyee syɛ́ɛnbèle sámagi lè ní be kɔ́yi ní, yi o nyɛ kolocɔlɔbèlē í.

Wɔrɔmi ye 1:21

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

1 Pyɛri 1:18

Níì cán yele n gi cán àmɛɛ wi yele syɔɔ lè yele gbanzan tánʔaganmi ma, bee yele taa lè yele tóolɛɛbèle ma, wi ga yele syɔɔ ní yakwɔɔrɔ ní í, àmɛɛ wálifiiw ní tɛ́ɛw nyɛ lè.