Zyeremii 10:18 - Cebaara Bible 2010

¹⁸ Níì cán Yawe wi syɛ́ɛnri naa joo níì jo: «Wéle, mii a tɔ̀nɔ́ tári syɛ̀ɛnnɛ wáa léelige kátali naa na. Mii a tɔ̀nɔ́ be gbɛ̀dɛ, koro ga pye pe be taa cò.»

Zyeremii 10:18 Iomraidhean Croise

Ezayi 22:17

Wéle, mɔ mɔ nyaa lè, Yawe a tɔ̀nɔ́ mɔ wáa ní fànʔa ní, wi a mɔ sámaga mígi bi wáa.

Zyeremii 16:13

Mii a yele yirige tári naa ni bi wáa táraa ni, dee di lè yele ga di cán í, yele yoo, yele tóolɛɛbèle yoo. Bi yele yaʔa yaà beè, yele a ra kolocɔlɔbèle pèle nikwɔɔlɔ kpɔ̀ʔɔrɔ́ canʔa ní yébilige, níì cán mii a tée nyinimɛ taa yele na í.› »

Zyeremii 22:26

Mɔ ní mɔ nɔ́ɔw wi mɔ see lè mii a yele wáa táraa ni, beè lè pe ga yele see í, yele a kùu yaà beè.

Zyeremii 23:20

Yawe fundanʔari a kolo bi lúru í, fwɔɔ bi taa wi wi fúngi katimanagéle kpéʔele foro. Làrigèle kwɔ́ɔmɔ na, yele a gee bee kɔ́rɔ cán.

Ezekyɛli 6:10

Pe a gi cán bi cán mii wi nyɛ Yawe, si wɔ́ɔ gi cán àmɛɛ mii jo mii a kapeegi bee taʔa poro na lè, gee bee o nyɛ gbanzan í.› »

Sofonii 1:17

Mii a syɔɔn ye le wɔʔɔgi ni, pe a ra táanri àmɛɛ fúunbéle nyɛ lè, níì cán pe n kapeele pye Yawe na. Mii a be sìsyaanw wo àmɛɛ támiige nyɛ lè, pe céri a pye kànyaʔara.

Zakarii 1:6

Syɛɛnjóori, ní làlwaw kèlē si mii da joo mii falipyebèle ma, pe lè kanyaajoobèle, gele bee ga nan yele tóolɛɛbèle na ì? Pe n lúru n pan níì gi joo níì jo: Yawe wi lè Nyɛ̀ʔɛni Sùlasiibéle Kafɔlɔ, wi n wolo cò n yɛlɛ ní gi ní àmɛɛ wi da gi kɔ̀rirɔ n tímana bi kpéʔele wolo na lè n yɛlɛ ní wolo tánʔaganmi, ní wolo nàʔami ní.› »

Làlwaw Kaanziin 28:52

Ki a sa tɛ́ɛn mɔ taana kapɛɛnni kánma na kěyi myɛ ni mɔ nyɛ lè fwɔɔ bi taa tòdɔnɔ-nìriyee na mɔ a mɔ sɔngunmi taʔa lè yee bee í too mɔ tári tɛ́ɛyɛ myɛ ni. Ki a tɛ́ɛn mɔ taana kapɛɛnni kánma na kěyi myɛ ni mɔ nyɛ lè tári ni, dee Yawe mɔ Kolocɔlɔw a kaan mɔ ma lè.

1 Samyɛli 25:29

Nànwaa ga yìri n taʔa mɔ na ni nɛnɛ, ni mɔ siikwɔɔri caa, mɔ siiw a pínɛ pwɔɔ pwɔ̀ɔlɔ ní niweebèle wóo ní bi tɛ́ʔɛ Yawe mɔ Kolocɔlɔw taana. Wi si a mɔ nigoobèle sìi wáa léelige kàvɔrɔdɛnɛgɛ wáaganma na.