Zyeremii 10:16 - Cebaara Bible 2010

¹⁶ Wee wi nyɛ lè Zyakɔbi lɛɛli, wi o nyɛ yi felege í. Níì cán woro wi yáriri myɛ sámaga, Isirayɛli si i nyɛ wi kɔ́rigi syɛɛnfelege. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Zyeremii 10:16 Iomraidhean Croise

Ŋúnuyi 119:57

Mii lɛɛli, ee Yawe! Mii a gi joo si jo, loro li nyɛ mɔ syɛ́ɛnri còlo.

Ŋúnuyi 135:4

Níì cán Yawe n Zyakɔbi nyɛ́nɛ n wòlo a wi pye woro wóo, wi n Isirayɛli nyɛ́nɛ n wòlo a wi pye woro tiimaa wóo.

Ŋúnuyi 142:5

Mɔ yɛ́ɛgi le mii kàliige ma, mi gi wéle, syɔɔn faala o mii córo í, tɛɛlàrala faala o mii na í, mii sìíw kéele ga wári syɔɔn faala na í.

Ŋúnuyi 33:6

Nyɛ̀ʔɛgèle n sámaga Yawe syɛ́ɛnri báriga ni, ke ŋɔripiigèle myɛ n sámaga wi nyɔ́ɔgi káfalaga báriga ni.

Ŋúnuyi 73:26

Mii céri ní mii fúngi báriga a gbǎn kwɔ́ɔ, kàjáa Kolocɔlɔɔ si wi a pye mii Fálagi ní mii lɛɛli làrigèle myɛ ni.

Ŋúnuyi 74:2

Sɔ̀ngi mi taa mɔ syɛ́ɛnbèle kéele na, bele mɔ taa lè booma ni, poro bele nyùnzyɔɔrɔ mɔ kpéʔele lè, pe i nyɛ mɔ kɔ́rigi syɛɛnfelege! Sɔ̀ngi mi taa Siyɔn nyanbelegi na, gee na mɔ da mɔ tɛɛkòrogi sámaga lè.

Yirile 19:5

Tɔ́ɔliw ni, yele ga ni mii jóomi lúro níì mii joogaanni cò, yele a pye mii tiimaa wòolo syɛɛnfeleyi myɛ nínge ni, níì cán tári myɛ i nyɛ mii wóro.

Yirile 34:9

Níì jo: «Kàfɔw, kapye mii n kacànna taa mɔ ma, mii i mɔ nyɛ́ɛri, Kàfɔw, ki n yɛlɛ mi pye wolo níngi ní, níì cán syɛɛnfelegi naa líiweele n pɛɛn. Ki n yɛlɛ mi wolo kolomi, ní wolo kapeeli kùsulugo syɔɔ. Mí wolo kpéʔele mɔ tiimaa kɔ́rigɔ.»

Kàseegèle 16:4

Nyùngo i nyɛ Yawe ma wi yakpéʔeleri myɛ na, àlí syɛɛnpeew i nyɛ wɔʔɔgi canʔa kánma na.

Ezayi 19:25

Yawe wi lè Nyɛ̀ʔɛni Sùlasiibéle Kafɔlɔ, wi a dùbaw taʔa be na si jo: «Dùbaw í pye mii syɛ́ɛnbèle Ezyipiti ye, ní Asirii ye na pe lè mii kɔ́yi fáli, ní Isirayɛli ye na pe lè mii kɔ́rigi!»

Ezayi 45:7

Mii i gbɛ̀ɛ́nmi sámagi, ní wɔ́ɔ i yébilimi kpéʔele, mii i bɛ̀ɛ́li légi, ní wɔ́ɔ i wɔʔɔgi kpéʔele. Mii Yawe, mii wi koro myɛ kpéʔele.

Ezayi 47:4

Wolo nyùnzyɔɔw be yiri Yawe, wi lè Nyɛ̀ʔɛni Sùlasiibéle Kafɔlɔ, ní Isirayɛli Wojanw.

Ezayi 47:6

Mii fúngi maa tanʔa gbanʔama mii syɛ́ɛnbèle kurugo, mii maa mii kɔ́rigi córo yanɔnʔɔgɔ, níì be le mɔ kɔ́gi ni, kàjáa mɔ ga fɔ̀lɔ n nyinimɛ taa be na í. Mɔ n mɔ zúulibegi taʔa wolɛɛw na.

Ezayi 51:15

Mii wi nyɛ Yawe, mɔ Kolocɔlɔw, wee wi sólomi lɔ̀ʔɔ yìrigí lè, ní i gi kùnguruyi fúugu, mii mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Ezayi 54:5

Níì cán mɔ Faanfɔw wi nyɛ mɔ nanbɔriw. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ. Isirayɛli Wojanw wi nyɛ mɔ Nyunzyɔɔw, wi mɛ́ɛgi gi nyɛ tári myɛ Kolocɔlɔɔ.

Zyeremii 10:12

Wi n tári sámaga wi séew báriga ni, wi n dulunyanw kàpɔɔn le wi sícilimi báriga ni, wi n nyɛ̀ʔɛgèle yérige ǹjogi ni wi kacánni báriga ni.

Zyeremii 10:6

Wàa o nyɛ mɔ félege í, Yawe! Mɔ n kpɔ́ʔɔ, a mɔ mɛ́ɛgi kpɔ́ʔɔ mɔ séew báriga ni.

Zyeremii 31:35

Yawe wi syɛ́ɛnri naa joo, woro wee wi cángi télege lè kaa gbɛ̀ɛnmɛ yirigi cángi làla ni, n wɔ́ɔ̀ yégi ní ŋɔripiigèle télege kaa gbɛ̀ɛnmɛ yirigi yébiligi làla ni, woro wi sólomi lɔ̀ʔɔ tugu ni yìrigí, ni gi kùnguruyi kàfulogo kpéʔele, woro wee mɛ́ʔɛ gi nyɛ lè Yawe wi lè Nyɛ̀ʔɛni Sùlasiibéle Kafɔlɔ,

Zyeremii 32:18

Mɔ i kacànna kpéʔele ni syée fwɔɔ n sa ni nangi yòdaʔayi saala kagunɔ wóʔo na. Gee si gi yɛlɛ ní tofɔbèle ní lè be kolomi kéele na mɔ i gi sìndɛɛgi wóo naa be pìíbèle na be kàdoʔo ma. Mɔ wi nyɛ Kolocɔlɔɔ wi lè wogbɔɔw, ní séew fɔlɔ, wee mɛ́ʔɛ gi nyɛ lè Yawe wi lè Nyɛ̀ʔɛni Sùlasiibéle Kafɔlɔ.

Zyeremii 33:2

«Yawe wi syɛ́ɛnri naa joo, woro wee wi tári sámaga lè, woro wee wi di faan lè níì di tɛ́ʔɛ di tɛ́ɛgi ni, woro mɛ́ɛgi gi nyɛ Yawe, wi n jo:

Zyeremii 46:18

‹Mii woweew mɛ́ʔɛ na,› Fànʔafɔw wi jo nya, woro wee be yiri lè Yawe, wi lè Nyɛ̀ʔɛni Sùlasiibéle Kafɔlɔ, ‹wàa a pan àmɛɛ Tabɔɔri nyanbelegi nyɛ lè nyanbeleyi nínge ni, àmɛɛ Karimɛli nyanbelegi nyɛ lè sólomi lɔ̀ʔɔ nyɔ́ɔ na.

Zyeremii 50:34

Kàjáa pe nyùnzyɔɔw i nyɛ fànnɛʔɛgɛfɔlɔ, woro wee mɛ́ʔɛ gi nyɛ lè Yawe, wi lè Nyɛ̀ʔɛni Sùlasiibéle Kafɔlɔ. Wi a be kéeli láa, jàngó bi ŋɔ́ndaala kaan tári ma, si Babilɔni ye yaʔa be cúngo.

Zyeremii 51:19

Wee wi nyɛ lè Zyakɔbi lɛɛli, wi o nyɛ yi felege í. Níì cán woro wi yáriri myɛ sámaga, Isirayɛli si i nyɛ wi kɔ́rigi syɛɛnfelege. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Kayaagi Nyɛnigɛ 3:24

Mii fúngi n jo: Yawe wi nyɛ mii lɛɛli, koro na mii mii sɔ̀ngumi taʔa wi na.

Amɔsi 4:13

Wéle, wee wi nyanbeleyi sámaga lè, níì káfalagi sámaga, ní i syɔɔn kasɔngugèle tèé wi na, woro wee wi nyǐnjerigi kàragí lè yébilimɛ, ní i táanri ni sɔ̀lɔ́ tári dǎndamaya na lè, woro mɛ́ɛgi gi nyɛ Yawe Kolocɔlɔɔ, wi lè Nyɛ̀ʔɛni Sùlasiibéle Kafɔlɔ.

Zakarii 2:12

Níì cán Yawe wi lè Nyɛ̀ʔɛni Sùlasiibéle Kafɔlɔ, woro wee wi mii tun tundungbɔɔrɔ na lè, woro wi syɛ́ɛnri naa joo syɛɛnfeleyi kéele na, yoro yee yi yele fuguri lè, wi n jo: ‹Níì cán wee wi ga tánga yele na lè, mii nyapiisyɔɔnw na wi tánga.

Làlwaw Kaanziin 32:9

Níì cán Yawe lɛɛli li nyɛ wi syɛ́ɛnbèle. Zyakɔbi wi nyɛ wi kɔ́rigi lɛɛlɛ.