Zyeremii 10:13 - Cebaara Bible 2010

¹³ Lǎli ni wi ga kaana lè, lǒyi n kpóʔoro yiyɛɛ na nyɛ̀ʔɛni ni. Wi i fàfaanyi lúrugu ǹjogi ni nlaa yaà tári láʔala ma, wi i nyɛ̀ʔɛni nyɛ́ʔɛnɛmɛ kpéʔele zěgi kéele na, wi i káfalagi yirigi yaà gi tɛɛkɔnyi ni.

Zyeremii 10:13 Iomraidhean Croise

Sélimɛ 2:5

sìnbirigi tiipiigaa faala da kɔ́ɔ̀ fìin tári na í, nyàā faala da wɔ́ɔ kɔ́ɔ̀ fìin í. Níì cán Yawe Kolocɔlɔɔ da kɔ́ɔ̀ zàʔá cáan tári na í. Syɔɔn da wɔ́ɔ̀ pye yaà bàā tári fála í.

1 Fànʔafɔbèle 18:41

A Elii Akabi pye: «Da syée mi sa lìi mí gbaa. Níì cán tǐnmi naa bi lè beè, zěgi gii.»

Zyɔbi 38:22

A mɔ jée lé fwɔɔ n sáà nan lànɛɛzyiw tɛɛkɔnyɔ na? A mɔ zěsolomi tɛɛkɔnyɔ nyaa lé,

Ŋúnuyi 104:13

Wi i lɔ̀ʔɔ yirigi wi ǹjoʔo ma tɛɛkòroyi ni, ni nyanbeleyi fɔɔnri. Tári myɛ n tín wi kapyegèle yasanra na.

Ŋúnuyi 135:17

líiye i nyɛ yi na, yi si o lúro í, ŋɔ́ngara o nyɛ yi nyɔ́ɔyi ni í.

Ŋúnuyi 135:7

Woro wi fàfaanyi yìrigí yaà tári láʔagéle ma, woro wi nyɛ̀ʔɛni nyɛ́ʔɛnɛmɛ kpéʔele ní zěgi ní, woro wi káfalagi yirigi wi lɔ́ri tɛɛkɔnyɔ ni a ki i funu.

Ŋúnuyi 147:8

Woro wi fàfaanyi téeri ni nyɛ̀ʔɛni tɔ́ngi, woro wi zěgi sámagi tári ma, woro wi nyàági fíin nyanbeleyi na.

Ŋúnuyi 18:13

Gbɛ̀ɛndelemɛ maa kíni wi yɛ́ɛgi na, bee ni fàfaanya, ní zěsolomɔ, ní naànigaɔn yirigi lè.

Ŋúnuyi 68:33

Tári fànya, ki n yɛlɛ yaa ŋúu Kolocɔlɔɔ ma, yaa Kàfɔw kpɔ̀ʔɔrɔlɔ ŋúnuyo ŋúu. Ŋɔ́ndaala

Yirile 9:23

A Mowizi wi kàgbeeli yìrige ǹjogi ni, a Yawe nyɛ̀ʔɛvōloli ní zěsolomi sánʔa n yaʔa, a náagi tìgi n too tári na. A Yawe zěsolomi cáan Ezyipiti tári myɛ na.

Zyeremii 14:22

Syɛɛnfeleyi gbanzan yáriya ni, a gi kàa i yaà lé gee gi zàʔá cáan lè? Nyɛ̀ʔɛni lé li zěpalayi cáan? Mɔ ban ì, Yawe wolo Kolocɔlɔw? Mɔ na wolo wo sɔ̀ngumi taʔa. Níì cán mɔ wi kérigèle bee myɛ kpéʔele.

Zyeremii 19:12

Kánmi bee na mii a gi kpéʔele tɛ́ɛgi naa na, Yawe wi jo nya, ní gi syɛ́ɛnbèle na, mii a kěgi naa kàriga gi pye àmɛɛ Tofɛti nyɛ lè.

Zyeremii 5:24

Pe o gi nyuu peyɛɛ fúnyi ni kánmi naa na í si jo: ‹Ye tíi waa fɛ̀ɛgí Yawe na, wi lè wolo Kolocɔlɔw, woro wee wi zěgi kaangi lè ki lǎli ni, ki lè zěseligi, ní zěsangi, ní wɔ́ɔ̀ cégboogèle yaʔa wolo yaliilaari kéele na.›

Zyeremii 51:16

Lǎli ni wi ga yákpoli wáa lè, lǒyi n kpóʔoro yiyɛɛ na nyɛ̀ʔɛni ni. Wi i fàfaanyi lúrugu ǹjogi ni nlaa yaà tári láʔala ma, wi i nyɛ̀ʔɛni nyɛ́ʔɛnɛmɛ kpéʔele zěgi kéele na, wi i káfalagi yirigi yaà gi tɛɛkɔnyi ni.

Amɔsi 4:13

Wéle, wee wi nyanbeleyi sámaga lè, níì káfalagi sámaga, ní i syɔɔn kasɔngugèle tèé wi na, woro wee wi nyǐnjerigi kàragí lè yébilimɛ, ní i táanri ni sɔ̀lɔ́ tári dǎndamaya na lè, woro mɛ́ɛgi gi nyɛ Yawe Kolocɔlɔɔ, wi lè Nyɛ̀ʔɛni Sùlasiibéle Kafɔlɔ.

Zakarii 10:1

Ye Yawe nyɛ́ɛri waa zěgi cáan nyìnbegèle nyɔ́ɔ na ki lǎli ni! Yawe a káfalagi yìrige bi zěkpolo-pàlaya cáan be ma, si yáriri fìin be séyi ni.