Zyeremii 10:12 - Cebaara Bible 2010

¹² Wi n tári sámaga wi séew báriga ni, wi n dulunyanw kàpɔɔn le wi sícilimi báriga ni, wi n nyɛ̀ʔɛgèle yérige ǹjogi ni wi kacánni báriga ni.

Zyeremii 10:12 Iomraidhean Croise

Sélimɛ 1:1

Làrizelili ni Kolocɔlɔɔ maa nyɛ̀ʔɛni ní tári yirige.

Sélimɛ 2:5

sìnbirigi tiipiigaa faala da kɔ́ɔ̀ fìin tári na í, nyàā faala da wɔ́ɔ kɔ́ɔ̀ fìin í. Níì cán Yawe Kolocɔlɔɔ da kɔ́ɔ̀ zàʔá cáan tári na í. Syɔɔn da wɔ́ɔ̀ pye yaà bàā tári fála í.

1 Cányi kèlē 16:26

Níì cán syɛɛnfeleyi kolocɔlɔbèlē myɛ i nyɛ kolocɔlɔ-fáanabéle, kàjáa Yawe wi nyɛ̀ʔɛgèle faan.

Zyɔbi 26:7

Woro wi solomɔkulo kàbangi caragi yafyɛn funw na, wi n tári yérige dàʔafaliw na.

Zyɔbi 37:18

a mɔ a gbǎn nyɛ̀ʔɛni tɔ́n lé àmɛɛ wi gi kpéʔele lè, li nìri bi pye àmɛɛ tunmɔrɔ dùbale nyɛ lè?

Zyɔbi 9:8

Woro nibin wi nyɛ̀ʔɛgèle caragi, ní i táanri sólomi lɔ̀ʔɔ ǹjoʔo ni.

Ŋúnuyi 104:2

Mɔ n miyɛɛ mígi ní gbɛ̀ɛ́nmi ní àmɛɛ burogbɔʔɔ nyɛ lè. Mɔ n nyɛ̀ʔɛni cariga àmɛɛ fànikpaʔa nyɛ lè.

Ŋúnuyi 104:24

Ee Yawe, mɔ kakpéʔelegèle n tɔ̀nɔ n nɛʔɛ! Mɔ n gele bee myɛ kpéʔele ní sícilimɛ ní. Tári n nyìn mɔ yakpéʔeleri na.

Ŋúnuyi 119:90

Mɔ kányɛɛgi a kòro beè yìrigèle myɛ syɛ̀ɛnnɛ ma. Mɔ n tári sámaga n yérige, a di kòro nya.

Ŋúnuyi 24:2

Níì cán woro wi tári kàpɔɔn taʔa sólomi lòyo na, níì di sámaga n yérige cábikpoloyi na.

Ŋúnuyi 33:6

Nyɛ̀ʔɛgèle n sámaga Yawe syɛ́ɛnri báriga ni, ke ŋɔripiigèle myɛ n sámaga wi nyɔ́ɔgi káfalaga báriga ni.

Ŋúnuyi 65:7

Wi n nyanbeleyi sámaga n yérige wi séew báriga ni, níì miyɛɛ bwɔɔ ní fǎngi ní.

Ŋúnuyi 78:69

Wi n wi tɛɛcǎngi faan a gi pye àmɛɛ ǹjoʔo ma tɛ́ɛyi nyɛ lè, mɔ a jo àmɛɛ tári nyɛ, dee kàpɔɔn wi sámaga n le n yaʔa lè nya làla o làla.

Ŋúnuyi 93:1

Yawe i nyɛ wodɛ́ɛɔn ní fǎngi na, wi n kpɔ́ʔɔri le burogo. Yawe n wiyɛɛ le, wi n fǎngi kpéʔele sɛntiiri, á dulunyanw wɔ́ɔ̀ sámaga n yére, wi o cúngu í.

Kàseegèle 3:19

Ní sícilimɛ ní Yawe tári kàpɔɔn le, ní cánna ní wi nyɛ̀ʔɛgèle sámaga n yérige.

Kàseegèle 30:4

Wìí wi lúgu n kári nyɛ̀ʔɛni na níì yìri yaà n tìgi naa? Wìí syɔ́ɔn wi káfalagi kùru n cò wi kágungèle ni? Wìí wi lǒyi pwɔɔ wi búrogi ni? Wìí wi tári tɛɛ̀laʔagéle myɛ kúun? Mɛ̀ɛ́ pe wi mɛ́ɛgi yiri, ní mɛ̀ɛ́ pe wi jáaw mɛ́ʔɛ yiri, kapye mɔ n wi cán?

Ezayi 37:16

«Ee Yawe, mɔ wi lè Nyɛ̀ʔɛni Sùlasiibéle Kafɔlɔ, Isirayɛli ye Kolocɔlɔw, mɔ wee wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

Ezayi 40:22

Woro wi nyɛ wodɛ́ɛɔn ní tári ǹjoʔo ni di nyɛ lè círiri, dee syɛ̀ɛnnɛ be nyɛ àmɛɛ kúdo nyɛ lè. Wi n nyɛ̀ʔɛni càli àmɛɛ fànifɛɛlɛfɛɛlɛɔ nyɛ lè. Wi n li cariga àmɛɛ wi fànikpaʔa nyɛ lè, n li kpéʔele wi tɛɛkòrogi.

Ezayi 42:5

Kolocɔlɔɔ wi lè Yawe, woro wee wi nyɛ̀ʔɛgèle sámaga lè níì ge càli, níì tári cariga n fàra yáriri na di yirigi di ni lè, ní i ŋɔ́ngari kaangi bele ma be nyɛ wodɛ́ɛnbéle ní di ni lè, ní i pìígèle nii bele ni be di fé ni forogi lè, woro wi jo:

Ezayi 44:24

Yawe wi syɛ́ɛnri naa joo, woro wee wi nyɛ lè mɔ Nyunzyɔɔw, woro wee wi da mɔ sámaga yaà sáni pe mɔ see lè, wi n jo: «Mii Yawe, mii wi yáriri myɛ kpéʔele. Mii nibin wi nyɛ̀ʔɛgèle càli ǹjogi ni, mii wi tári sámaga n yérige.

Ezayi 45:12

Mii wi tári kpéʔele, ní wɔ́ɔ̀ syɔɔn faan wi nyɛ di na lè. Mii wi nyɛ̀ʔɛgèle càli ǹjogi ni ní mii kɔ́yi ní, mii wi ge gbɛ̀ɛ́nmi yárira myɛ kàragí.»

Ezayi 45:18

Níì cán Yawe wi syɛ́ɛnri naa joo, woro wee wi nyɛ̀ʔɛgèle sámaga lè, woro wee wi nyɛ lè Kolocɔlɔɔ nibin, wee wi tári sámaga lè n di yirige, níì di sámaga n yérige. Wi ga di faan níì di yaʔa wowaara ní í. Kàjáa wi n di sámaga koro ga pye syɛ̀ɛnnɛ í tɛ́ɛn di ni, wi n jo: «Mii wi nyɛ Yawe, wàa ní o yaà n fàra mii na í.

Ezayi 48:13

Mii kɔ́gi gi tári kàpɔɔn le, mii kàliige kɔ́gi gi nyɛ̀ʔɛgèle càli ǹjogi ni, mii n di yeri, a di pínɛ n pye beè.

Ezayi 49:8

Yawe n jo: «Mii n mɔ nyɛ́ɛrigi lóʔo làrijǎnni ni, mii n mɔ dɛ̀ɛmɛ syɔ́ɔli canʔa na. Mii n mɔ màra jàngó bi mɔ télege mii joogaanni yáriga, mii ní syɛ́ɛnbèle nínge ni, mɔ í ní tári sámaga, si kɔ́riyi tɛ́ɛyɛ lɛɛ lɛɛ, yi da kálagi lè.

Zyeremii 10:13

Lǎli ni wi ga kaana lè, lǒyi n kpóʔoro yiyɛɛ na nyɛ̀ʔɛni ni. Wi i fàfaanyi lúrugu ǹjogi ni nlaa yaà tári láʔala ma, wi i nyɛ̀ʔɛni nyɛ́ʔɛnɛmɛ kpéʔele zěgi kéele na, wi i káfalagi yirigi yaà gi tɛɛkɔnyi ni.

Zyeremii 10:16

Wee wi nyɛ lè Zyakɔbi lɛɛli, wi o nyɛ yi felege í. Níì cán woro wi yáriri myɛ sámaga, Isirayɛli si i nyɛ wi kɔ́rigi syɛɛnfelege. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Zyeremii 14:22

Syɛɛnfeleyi gbanzan yáriya ni, a gi kàa i yaà lé gee gi zàʔá cáan lè? Nyɛ̀ʔɛni lé li zěpalayi cáan? Mɔ ban ì, Yawe wolo Kolocɔlɔw? Mɔ na wolo wo sɔ̀ngumi taʔa. Níì cán mɔ wi kérigèle bee myɛ kpéʔele.

Zyeremii 27:5

Mii wi tári sámaga n fàra syɛ́ɛnbèle ní yaweeri na di nyɛ tári na lè, mii fàngbɔɔgi ní mii kɔ̂zánʔagi báriga ni, mii si i tári kaangi wee má ki ga mii dɛ́nɛ bi di kaan lè.

Zyeremii 32:17

‹Ee Kàfɔw Yawe, mɔ wi nyɛ̀ʔɛgèle ní tári sámaga mɔ séekpɔɔw, ní mɔ kɔ́gi sánʔana báriga ni, yarigaa faala ga mɔ jáa í.

Zakarii 12:1

Joogbanna, Yawe syɛ́ɛnri Isirayɛli kéeli na. Yawe wi nyɛ̀ʔɛgèle yérige ǹjogi ni lè, níì tári kàpɔɔn le, ní wɔ́ɔ̀ syɔɔn pili sámaga wi ni lè, wi n jo:

Zyan 1:3

Woro bárigaw ni yáriri myɛ faan, yáriri myɛ di faan lè, di tàa faala ga faan wi kàdoʔo ma í.

Kɔlɔsi ye 1:16

Níì cán woro bárigaw ni Kolocɔlɔɔ yáriri myɛ faan, nyɛ̀ʔɛni wóro, ní tári wóro yoo, yanyaari, ní dee di lè syɔɔn a gbǎn di nyaa í yoo, kàfɔbèle, ní kùndigibèle, ní fànʔafɔbèle, ní séekpɔɔw fɔ̀ɔlɔ yoo, woro bárigaw ni, ní woro kéeli na Kolocɔlɔɔ ti myɛ faan.