Zyeremii 10:10 - Cebaara Bible 2010

¹⁰ Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Zyeremii 10:10 Iomraidhean Croise

Sélimɛ 21:33

A Abirahami tamariisi tíige cɔ́rɔ yaà Bɛɛri-Syeba ni, níì Yawe mɛ́ɛgi yeri yaà beè wi lè Bàngwɔɔ Kolocɔlɔw.

1 Fànʔafɔbèle 18:39

Lǎli ni syɛ́ɛnbèle myɛ gee bee nyaa lè, a be too n be yɛ́ɛyi cíbele tári na níì jo: «Yawe wi nyɛ Kolocɔlɔɔ! Yawe wi nyɛ Kolocɔlɔɔ!»

1 Fànʔafɔbèle 8:60

Kánmi bee na tári syɛɛnfeleye myɛ a gi cán bi cán Yawe wi nyɛ Kolocɔlɔɔ, wàa nikwɔɔ ní o yaà í.

1 Cányi kèlē 29:11

Ee Yawe, kpɔ́ɔmi, ní fǎngi, ní gbɛ̀ɛ́nmi, ní bàngwɔɔw, ní nìjangbɔɔri i nyɛ mɔ wóro. Níì cán yáriri myɛ di nyɛ lè nyɛ̀ʔɛni, ní tári na, mɔ wóro dii. Fǎngi i nyɛ mɔ wóʔo Yawe. Mɔ wi nyɛ Kàfɔw yáriri myɛ nyúngo na.

2 Cányi kèlē 15:3

Cannɛʔɛyɛ n sɔ̀lɔ n gi yaʔa Kolocɔlɔw wodeleo wàlá sáriga-wòloo da pye Isirayɛli ye ma, wee wi a ra syɛ́ɛnbèle tama lè í, wàlá làlwa í.

Zyɔbi 9:6

Wi i tári cúngu ni yìrigí di kàpɔɔnw na, a di gàángèle i cɛ̀lɛ́.

Ŋúnuyi 10:16

Yawe i nyɛ fànʔafɔlɔ làla o làla kwɔ́ɔmɔ fun. Syɛɛnfeleyi n kálagi péw n yiri wi tári ni.

Ŋúnuyi 100:3

Ki n yɛlɛ ye gi cán Yawe wi nyɛ Kolocɔlɔɔ! Woro wi wolo faan, wolo i nyɛ wi wòolo, wolo i nyɛ wi syɛ̀ɛnnɛ, ní wi bàala, bele wi náari lè.

Ŋúnuyi 100:5

níì cán Yawe n nyɔɔ. Wi funjǎngi a tée kwɔ́ɔ nyáana í, wi kányɛɛgi a kòro beè yìrigèle myɛ syɛ̀ɛnnɛ ma.

Ŋúnuyi 104:32

Wi i tári wéle, a di i cɛ̀lɛ́, wi i tángi nyanbeleyi na, a yi i wírige yirigi.

Ŋúnuyi 114:7

Ee tára, da cɛ̀lɛ́ Kàfɔw yɛ́ʔɛ ma! Zyakɔbi Kolocɔlɔw yɛ́ʔɛ ma,

Ŋúnuyi 145:13

Mɔ fangi i nyɛ bàngwɔɔ fànʔa, mɔ kundigiri a kòro bàā syée yaà yìrigèle myɛ syɛ̀ɛnnɛ nyúngo na. Yawe i nyɛ tágala syɔ́ɔn wi nyɔɔfaliyi forolo na, gee myɛ wi kpéʔele lè, ki i wi funjǎngi tèé.

Ŋúnuyi 146:6

Wee wi nyɛ̀ʔɛni ní tári faan lè, ní sólomi lɔ̀ʔɔ, n fàra di fúnyi yárira myɛ na, wi n kányɛɛgi sámaga n màra làla o làla.

Ŋúnuyi 18:7

N mii yaʔa mii fɔ̀rɔgi nínge ni, a mii Yawe mɛ́ɛgi yeri, mii n yákpoli wáa mii Kolocɔlɔw kurugo. N wi yaʔa wi kpɔ̀ʔɔrɔli kpaʔa ni, a wi mii yákpoli lóʔo. A mii sùpili sáà jée wi líiweegèle ni.

Ŋúnuyi 29:10

Yawe maa pye yaà wodɛ́ɛɔn ní fǎngi na lòkpɔɔgi làla ni, Yawe i nyɛ wodɛ́ɛɔn ní fànʔafɔlɔ làrigèle myɛ ni.

Ŋúnuyi 31:5

Cɔ̀ɔ́wee be cáan mii yɛ́ʔɛ ma lè, mii yirige wi ni, níì cán mɔ wi nyɛ mii Tɛɛlàragi.

Ŋúnuyi 42:2

Kánmee na sɔ̀ɔ ŋɔ́ngi ni fɔ̀ngí lókoloyo lɔ̀ʔɔ kurugo lè, kánmi bee na mii ŋɔ́ngi ni fɔ̀ngí mɔ kurugo mii fúngi ni, ee Kolocɔlɔɔ!

Ŋúnuyi 68:11

Mɔ syɛ́ɛnbèle n tɛ́ɛn tɛ́ɛgee ni mɔ be télege lè, mɔ i foomɔfɔlɔ màko nyɔɔgi ní mɔ funjǎngi ní, ee Kolocɔlɔɔ.

Ŋúnuyi 68:8

Ee Kolocɔlɔɔ, lǎli ni mɔ yiri n kíni mɔ syɛ́ɛnbèle yɛ́ʔɛ na lè, lǎli ni mɔ da ni táanri fìími tára ni lè, Ŋɔ́ndaala

Ŋúnuyi 74:12

Ee Kolocɔlɔɔ, mɔ wi nyɛ mii fànʔafɔw nlaa yaà làridɔɔnnɔ ni, mɔ wi syɔɔli kapyegèlē kpéʔele tári ni.

Ŋúnuyi 76:7

Ee Zyakɔbi Kolocɔlɔw, ŋúnɔgbɔɔmɔ n syɔɔnfǎnbèle ní syɔ́ɔnyi cò mɔ syɛɛngbanri joolo báriga ni.

Ŋúnuyi 76:8

Mɔ tɔ̀nɔ́ wi nyɛ fyáakpɔɔri yáriga! Wìí syɔ́ɔn wi a gbǎn yére mɔ yɛ́ʔɛ ma mɔ fundanʔari làla ni?

Ŋúnuyi 77:18

Fàfaanyi n lònɛʔɛgɛ wo, nyɛ̀ʔɛwɔɔli n tìn, a mɔ ŋáayi wɔ́ɔ̀ kári kàbanyi myɛ na.

Ŋúnuyi 84:2

Mɔ tɛɛkòroyi n tɔ̀nɔ n tɛ́nɛ, Yawe, mɔ wi lè Nyɛ̀ʔɛni Sùlasiibéle Kafɔlɔ!

Ŋúnuyi 9:8

Wéle, Yawe si a kòro wodɛ́ɛɔn ní fǎngi na làla o làla, wi n wi fàngoli sámaga n yaʔa kútiiw kéele na.

Ŋúnuyi 90:11

Wìí syɔ́ɔn wi mɔ fundanʔari fànʔa cán? Ba wìí wi mɔ fundanʔagbɔɔri cán n yɛlɛ ní mɔ yɛ́ɛgi fyáara ní?

Ŋúnuyi 90:2

Sáni nyanbeleyi í see lè, n tári ní dulunyanw yaʔa mɔ da kɔ́ɔ̀ di sámaga í, nlaa yaà làrigèle myɛ ni kwɔ́ɔmɔ fun, mɔ wi nyɛ Kolocɔlɔɔ.

Ŋúnuyi 93:2

Mɔ fangoli n sámaga n yére nlaa yaà booma lɛ́ɛlɛ lali ni. Mɔ i yaà làla o làla kwɔ́ɔmɔ fun.

Ŋúnuyi 97:4

Wi nyɛ̀ʔɛni nyɛ́ʔɛnɛmɛ i gbɛ̀ɛnmɛ yirigi dulunyanw ma, tári i gee bee nyaagi, a di i cúngu.

Ezayi 37:17

Yawe, líiyi cáan mi lóʔo! Yawe, nyapiigèle múgu mi gi wéle! Syɛ́ɛnri myɛ lóʔo, dee Senakeribi tun a pe baa mɔ Kolocɔlɔɔ Woweew tɛʔɛlɛ lè.

Ezayi 37:4

Dɔ̀ʔɔ́ Yawe mɔ Kolocɔlɔw n sùlasiibèle myɛ kàfɔlɔ taʔara syɛ́ɛnrɛ lóʔo, dee wi kàfɔw Asirii fànʔafɔw wi tun a wi baa joo n Kolocɔlɔɔ Woweew tɛʔɛlɛ lè. Dɔ̀ʔɔ́ syɛ́ɛnri Yawe mɔ Kolocɔlɔw lóʔo lè wi a wi wɔʔɔyi taʔa wi na di kéeli na. Koro na nyɛ́ɛri wolo wozanbèle kéele na wo sèʔé kòro beè lè.› »

Ezayi 40:15

Wéle, syɛɛnfeleyi i nyɛ àmɛɛ lòsɔ̄lɔlɔ nibin nyɛ li yiri kasànna ni n too lè. Yi i nyɛ àmɛɛ cíbige nyɛ lè cúlo na. Wéle lǒgi nínge tátɛɛgéle i nyɛ àmɛɛ cíbi-yárira nyɛ lè.

Ezayi 40:28

Mɔ ga gi cán ì? Mɔ ga kɔ́ɔ̀ gi lóʔo ì? Bàngwɔɔ Kolocɔlɔw wi lè Yawe, woro wi tári láʔagéle myɛ kúun. Wi o fɔ̀rɔgí í, wi bárigaw o kwóo í. Wi sícilimi i nyɛ tɛɛ̀laʔala fun.

Ezayi 57:15

Níì cán wee wi nyɛ Pe Myɛ Nyúngo na lè, woro wee tɛɛ̀tɛ́nɛgɛ gi nyɛ lè bàngwɔɔ wóʔo, wi mɛ́ɛgi si i nyɛ wojanga ní, wi n jo: «Mii i nyɛ wodɛ́ɛɔn ní ǹjoʔo ma, tɛɛcǎngi ni, kàjáa mii wɔ́ɔ i nyɛ ní syɔ́ɔnwee ní wi kàdoʔo wáa wi kapeegèle ma lè, ní wee wi wiyɛɛ jɛ́rɛ wi pǐli ni lè, koro ga pye bi fànʔa le wee ni wi wiyɛɛ jɛ́rɛ wi pǐli ni lè, bi wɔ́ɔ fànʔa le wee fúngo ni wi kàdoʔo wáa wi kapeegèle ma lè.

Ezayi 65:16

Wee wi ga ni caa woro í dùbaw taa tári ni lè, wi a ra caa kányɛɛgi Kolocɔlɔɔ í dùbaw kpéʔele woro ma, ní wee wi ga ni kɛ̀ɛ́ tári ni lè, wi a ra kɛ̀ɛ́ kányɛɛgi Kolocɔlɔɔ mɛ́ɛgi na. Níì cán fɛ̀ʔɛlɛ a pye wɔʔɔzɔlɔgwɔɔyi kéele na, yi a tɔ́n mii yɛ́ʔɛ ma.

Zyeremii 23:36

Yele a ní kɔ́ joo Yawe túgori kéele na í. Níì cán túgori bee a pye syɔɔn o syɔɔn ma wi tiimaa syɛ́ɛnrɛ. Yele i Kolocɔlɔɔ woweew syɛ́ɛnrɛ ŋángi, Yawe wi lè Nyɛ̀ʔɛni Sùlasiibéle Kafɔlɔ, wi lè wolo Kolocɔlɔw, ti lè woro wóri.

Zyeremii 4:2

mɔ ga ni kɛ̀ɛ́ níì jo: ‹Yawe woweew mɛ́ʔɛ na› ní funviire, ní kányɛʔɛ, ní sínnɛ ni, lǎli bee ni syɛɛnfeleyi a ra dùbaw kpéʔele yiyɛɛ ma wi ni, yi a ra yiyɛɛ gbɔ́ʔɔgi wi ni.»

Zyeremii 4:24

A mii nyanbeleyi wéle, n gi nyaa a yi i cɛ̀lɛ́, a dǎndamayi myɛ i cúngu.

Zyeremii 50:46

Tári n cúngo Babilɔni jáali kàfulogo báriga ni, a yákpowáara lóʔo syɛɛnfeleyi nínge ni.

Zyeremii 51:29

Tári n cúngo, ti n cɛ̀lɛ, lǎli ni Yawe katimanani foro Babilɔni kánmi na lè, n Babilɔni tári kàriga lè tɛɛ̀kalagiga, syɛ̀ɛnnɛ fun.

Danyɛli 4:3

A mii gi joo n gbàn níì jo paa maa mii yɛ́ʔɛ ma ní Babilɔni sícilibèle myɛ ní, koro ga pye pe ba ŋúnɔgi kɔ́rɔ joo mii ma.

Danyɛli 4:34

Tɔ́ɔliw ni, mii Nebukadinezari, mii i nyɛ̀ʔɛni Fànʔafɔlɔ sòoló, mii i wi kpɔ̀ʔɔrɔ́, mii i wi kpɔ́ʔɔgi, àmɛɛ wi kapyegèle myɛ nyɛ lè kányɛʔɛ wòʔolo, á wi kóloyi wɔ́ɔ̀ sín, wee wi a gbǎn be tìrige, bele be táanri nɛ̀ɛnyɛnɛgɛ ni lè.

Danyɛli 6:26

Koro kàdoʔo ma, a fànʔafɔw Dariyusi sɛ́bɛ sɛ́bɛ n tórigo syɛ́ɛnbèle myɛ, ní syɛɛnfeleyi ma, ní syɛɛnfeleri myɛ joofɔɔlɔ ma pe nyɛ lè tári myɛ ni, níì jo: «Ki n yɛlɛ yɛɛ̀nyingi í pye yele ma saʔa.

Danyɛli 6:27

Làlwa kéeli mii joo n gbàn lè loro li lee naa: Mii fǎngi tɛ́nɛmɛ myɛ ni, ki n yɛlɛ paa fɛ̀ɛgí Danyɛli Kolocɔlɔw na sáā wi kpɔ́ʔɔgi. Níì cán woro wi nyɛ Kolocɔlɔɔ woweew, wi a kòro beè làla o làla! Wi fǎngi a tée kálagi nyáana í, wi kùndigiri a kòro beè bi ba nan gi kwɔ́ɔmi na.

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Zyowɛli 2:11

Yawe i yákpolo wáa wi kapɛɛnkpumɔnbèle yɛ́ʔɛ ma. Níì cán wi kapɛɛnkpumɔnbèle kabiga n kpɔ́ʔɔ cama, a wi syɛ́ɛnri forofɔlɔ sée kpɔ́ʔɔ. Níì cán Yawe cángi i nyɛ cângbɔʔɔ, fyáakpɔɔrɔ canʔa tɔ̀nɔ́ gii, wìí wi a gbǎn gi sígi yérige?

Misye 1:4

Nyanbeleyi i pegi ni tíri wi láari ni, jǐnlɔyi i wòʔorí àmɛɛ sékuro nyɛ naà yɛ́ʔɛ ma lè, ní àmɛɛ lɔ̀ʔɔ fóo ni tíri tɛɛkòlo-dìgige na lè.

Nahumi 1:5

Wi i nyanbeleyi cɛ̀lɛ́, á dǎndamayi si i nyangi. Tári i tugu ni yìrigí wi yɛʔɛ̀ ma, n fàra dulunyanw, ní wi fúngi wòolo myɛ na.

Nahumi 1:6

Wìí wi a gbǎn soro yére bi wi fundanʔagbɔɔri sige? Wìí wi a gbǎn yére bi wi fundanʔari naagbanga sige? Wi fundanʔari i caragi àmɛɛ naà nyɛ lè, wi i fálayi jabagi.

Habakuki 3:10

Nyanbeleyi i mɔ nyaagi a yi i cɛ̀lɛ́, lòkpɔʔɔ n kabi ni sɔ̀lɔ́, weecurugi i gi yákpoli wáa li i lúro, ní i gi kɔ́yi yìrigí ǹjogi ni.

Habakuki 3:6

Wi i yèré céri ní i tári tímana, wi i wéle, níì syɛɛnfeleyi kaan a yi i foo ni yegi. Bàngwɔɔ nyanbeleyi i yìrigí yi tɛ́ɛyi ni, booma dandamayi i pegi ni tíri, n fàra booma kóbiigèle na.

Malasyii 3:2

Wìí wi a ba gbǎn yére wi panni canʔa na? Lǎli ni wi ga wiyɛɛ dɛ̀ɛn lè wìí wi a gbǎn kòro woyéreo ní? Níì cán wi i nyɛ àmɛɛ tunmɔgbalaɔ náa nyɛ lè, ní àmɛɛ fànijeebéle yajeʔe nyɛ lè.

Matye 16:16

A Siimɔn Pyɛri wi pye: «Mɔ wi nyɛ Kirisi, Kolocɔlɔɔ woweew Jáa.»

Matye 26:63

A Zyezu pyèri. A sáriga-wòlobèle kàfɔgbɔɔɔ wi pye: «Ki n yɛlɛ mi kàli Kolocɔlɔɔ woweew na, mí gi joo wolo ma kányɛʔɛ ni kapye mɔ wi nyɛ Kirisi, Kolocɔlɔɔ Jáaw.»

Zyan 17:3

Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw.

Kapyegèle 14:15

níì jo: «A syɛ̀ɛnnɛ, nyàʔá na yele gee naa kpéʔele? Wolo wɔ́ɔ i nyɛ syɛ̀ɛnnɛ àmɛɛ yele nyɛ lè, wolo n pan ba Syɛɛnjóocǎnri joo yele ma koro ga pye yele í láʔa tɔ̀nɔ fun kérigèle naa na, si kàri Kolocɔlɔɔ woweew ma, woro wee wi nyɛ̀ʔɛni faan lè, n fàra tári, ní sólomi lɔ̀ʔɔ, ní di fúnyi yárira myɛ na.

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

Làlwaw Kaanziin 5:26

Níì cán syɔɔnwìí wi kɔ́ɔ̀ Kolocɔlɔɔ Woweew yákpolo lóʔo àmɛɛ wolo nyɛ lè a wi i nyuu naà nínge ni, ní sèʔê kòro sìi na?

1 Tesaloniki ye 1:9

Pe tiimaa i gi nyuu àmɛɛ yele da fɔ̀lɔ wolo na lè, ní àmɛɛ yele yasunyi yaʔa lè níì kàri Kolocɔlɔɔ ma ni Kolocɔlɔɔ woweew fáli kpéʔele, wi lè Kolocɔlɔɔ wodelew,

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

1 Timɔte 6:17

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.

Heburubèle 10:31

Bi jée Kolocɔlɔɔ woweew kɔ́yɔ ni, gee bee i nyɛ fyáakpɔɔrɔ kéele!

Zyozuwe 3:10

A Zyozuwe jo: «Gee naa a gi tɛ̀ɛn yele na yele í gi cán bi cán Kolocɔlɔɔ woweew i nyɛ yele níngi ni, si wɔ́ɔ gi cán bi cán wi a tɔ̀nɔ́ syɛ́ɛnbèle naa nɛnɛ yele yɛ́ʔɛ ma, poro bele be nyɛ lè Kanaan ye, ní Hɛti ye, ní Hɛvi ye, ní Perezi ye, ní Giirigasi ye, ní Amɔri ye, n fàra Yebusi ye na.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.

Tɛ̀ɛnnɛ 20:11

A mii fàngolo nyaa, li maa kpɔ́ʔɔ níì fílige, wàa si i nyɛ li ni wodɛ́ɛɔn ní. Tári ní nyɛ̀ʔɛni maa ni fé wi yɛ́ɛgi na bi làra, kàjáa ti ga tɛɛlaraga taa í.

Jàbɔbèle 5:4

Ee Yawe, lǎli ni mɔ yiri yaà lè Seyiiri ma, lǎli ni mɔ yiri yaà Edɔmi sìnbirigi ni ni maa lè, a tári i cɛ̀lɛ́, a nyɛ̀ʔɛgèle i nyangi ni ŋuu, a fàfaanyi i nyangi ni ŋuu lɔ̀ʔɔ.

1 Samyɛli 17:26

A Davidi gi joo nǎnbèle ma be pye wi taana lè níì jo: «Wàa ga Filisitini ye wów naa kpóo, níì faʔari láʔa dee di wáa Isirayɛli na lè, nyàʔá pe a pye wi ma? Filisitini ye sìngɛ́nɛw naa wi nyɛ wìí, ní si i Kolocɔlɔɔ woweew kapɛɛnkpumɔnbéle kabiya faari?»

1 Samyɛli 17:36

Kánmi bee na mɔ falipyew càaraw ní ursiw kpúmɔn n kpóo, ànbée ki a kpéʔele Filisitini ye sìngɛ́nɛw bee na. Níì cán wi n Kolocɔlɔɔ woweew kapɛɛnkpumɔnbéle kabiya faʔa.»