Zyeremii 1:9 - Cebaara Bible 2010

⁹ Lǎli bee ni a Yawe kɔ́gi sánʔa n tánga mii nyɔ́ɔgi na, níì mii pye: «Wéle, mii syɛ́ɛnri mii le dee mɔ nyɔ́ɔgi ni.

Zyeremii 1:9 Iomraidhean Croise

Ezayi 49:2

Wi n mii nyɔ́ɔgi kàriga àmɛɛ ŋɔséetàaɔn nyɛ lè, wi n mii tɔ́n ní wi kɔ́gi nyínmɛ ní. Wi n mii kpéʔele wɛ̀ɛlɛ, lee nyɔ́ɔ gi fìrige lè, níì mii làriga wi segbogi ni,

Ezayi 50:4

Kàfɔw Yawe n pìitamaɔ jooganma kaan mii ma, koro ga pye mii syɛ́ɛnri í gbǎn ra fànʔa kaangi syɛɛnfɔrɔgwɔɔɔ ma. Wi i mii yìrigí nyɛ̀ʔɛ nyɔ́ɔ o nyɛ̀ʔɛ nyɔ́ɔ na, wi i mii líiweeli yìrigí, koro ga pye mii í da lúro àmɛɛ pìitamabèle lúro lè.

Ezayi 51:16

Mii n mii syɛ́ɛnri le mɔ nyɔ́ɔgi ni, níì mii kɔ́gi nyínmɛ tɛ́ʔɛ n mɔ tɔ́n, níì nyɛ̀ʔɛni càli ǹjogi ni, níì tári kapɔɔn le, níì Siyɔn pye: «Yele i nyɛ mii syɛ̀ɛnnɛ!»

Ezayi 59:21

Yawe n jo: «Mii si na, joogaanni mii a kpéʔele ní be ní lè, loro li nyɛ lee naa: Mii Pǐli li nyɛ mɔ na lè, ní mii syɛ́ɛnri mii le mɔ nyɔ́ɔgi ni lè, ti a láʔa mɔ nyɔ́ɔgi na í, wàlá mɔ piibèle, ní poro pìíbèle nyɔ́ɔyɔ na í, bi séli tɔ́ɔliw naa na bàā syée yaà làla o làla,» Yawe wi jo nya.

Zyeremii 15:19

Gee bee na Yawe syɛ́ɛnri naa joo níì jo: «Mɔ ga lúru n pan mii ma, mii a ní mɔ lúrugo mɔ í ba ra mii fáliw kpéʔele. Mɔ ga ni yacangi wɛ̀ɛ́ ni láari gbanzan yárigi na, mɔ a pye àmɛɛ mii nyɔ́ɔgi nyɛ lè. Poro má gi nyɛ pe lúru pan mɔ ma, mɔ má ban gi nyɛ mɔ í lúru pan be ma í.

Zyeremii 34:6

A kanyaajoow Zyeremii baa syɛ́ɛnri bee myɛ joo n tɛ̀ɛn Sedesyasi na wi lè Zyuda fànʔafɔw, Zyerusalɛmi ni.

Zyeremii 36:2

«Sɛ́bɛmigio láa, mí syɛ́ɛnri myɛ sɛ́bɛ wi ni, dee mii joo mɔ ma lè Isirayɛli, ní Zyuda, ní syɛɛnfeleyi myɛ kéele na n séli yaà cángee na mii joo ní mɔ ní lè Zyozyasi lǎli ni, fwɔɔ n baa nan níjanʔa na.

Zyeremii 5:14

Gee bee na Yawe syɛ́ɛnri naa joo, wi lè Kolocɔlɔɔ, wee wi nyɛ lè Nyɛ̀ʔɛni Sùlasiibéle Kafɔlɔ, wi n jo: «Amɛɛ yele syɛ́ɛnri naa félege joo lè, mii wi wee, mii a mii syɛ́ɛnri pye mɔ nyɔ́ɔgi ni àmɛɛ naà nyɛ lè, syɛɛnfelegi naa a pye kàjeri, dee náagi bee a sórigo lè mɛnɛ mɛnɛ.

Ezekyɛli 3:10

A wi níì mii pye: «Syɔɔn-pya, syɛ́ɛnree myɛ mii a joo mɔ ma lè, ki n yɛlɛ mi fɔ̀lɔ di na mɔ fúngi ni, mí di sámaga mi lóʔo mɔ líiweegèle ni.

Danyɛli 10:10

Wéle, a kɔlɔ̀ baa tánga mii na n mii kaan a mii i cɛ̀lɛ́ ni forogi mii yégunri, ní mii kadaagèle na.

Danyɛli 10:16

Wàa wéle wee, wi maa syɔɔn ye wíri, a woro baa tánga mii nyɔɔwari na. A mii nyɔ́ɔgi múgu, a mii i nyuu, a mii gi joo wee má wi da pye woyéreo ní mii yɛ́ʔɛ ma lè, níì wi pye: «Ni kàfɔlɔ, yanyaagi n funjurugogbɔɔrɔ wáa mii na, fànʔa ní o nyɛ mii ni í.

Córolo 23:5

A Yawe syɛɛnraa le Balaami nyɔ́ɔgi ni níì wi pye: «Lúru maa syée Balaki ma mi sa di joo.»

Matye 10:19

Kàjáa lǎli ni pe ga yele le be kɔ́yi ni lè, syɛ́ɛnree yele a joo lè, ní kánmee na yele a di joo lè, ki ga yɛlɛ yele fúnyi í kɔ́ curugo kéeli bee na í. Dee yele a joo lè, Kolocɔlɔɔ a di kaan yele ma lǎli bee ni.

Mariki 7:33

A Zyezu wi kɔ́ri n núngo syɛ́ɛnmi taana n sáà yére kɔlɔ̀ na, níì kabegèle le wi ma líiweegèle ni, níì tɛ́ɛrɛ sùlugu n taʔa wi ma nyínni na.

Luki 12:12

Níì cán dee di yɛlɛ yele í sa joo lè, Pìicǎnni a yele tama di na lǎli bee wonijanna ni.»

Luki 21:15

Níì cán mii tiimaa wi a nyɔɔsyɛɛnri kaan yele ma n fàra sícilimi na, koro ga pye yele nígoowaa faala a fànʔa taa yele na bi joo yele jáa í, wàlá bàā yele kábala ní wi syɛ́ɛnri ní í.

Làlwaw Kaanziin 18:16

Gee bee myɛ si mɔ da nyɛ́ɛri Yawe mɔ Kolocɔlɔw ma n mɔ yaʔa Horebi ma, kpóʔoroli canʔa na, àmɛɛ mɔ da ni gi nyuu lè níì jo: ‹Ki ga yɛlɛ mii í ní kòro bàā Yawe mii Kolocɔlɔw yákpolo lúro í, mii a ní wɔ́ɔ kɔ́ naakpɔɔgi bee nyaa í, jàngó mii a kɔ́ kùu í.›

Làlwaw Kaanziin 18:17

A Yawe mii pye: ‹Gee be joo lè ki n nyɔɔ.

Làlwaw Kaanziin 18:18

Mii a mɔ félege kanyaajooo yìrige be ma be senyɛnbèle nínge ni, mii a mii syɛ́ɛnri le wi nyɔ́ɔgi ni, gee myɛ mii ga joo n gbàn wi ma lè, wi a ba gi joo be ma.