Zyeremii 1:8 - Cebaara Bible 2010

⁸ Mɔ a kɔ́ fyáa be na í. Níì cán mii i nyɛ ní mɔ ní bàā mɔ syoo,» Yawe wi jo nya.

Zyeremii 1:8 Iomraidhean Croise

Yirile 3:12

A Kolocɔlɔɔ jo: «Mii i nyɛ ní mɔ ní. Wéle, gee ki a pye lè fɛ̀ɛ́w bi gi tɛ̀ɛn mii wi mɔ tun, koro gi nyɛ, mɔ ga sáà syɛ́ɛnbèle yirige Ezyipiti ni, yele a ba Kolocɔlɔɔ kpɔ̀ʔɔrɔ nyanbelegi naa na.»

Ezayi 43:2

Mɔ ga ni lǒyi jeligi lǎli ni lè, mii a pye ní mɔ ní, ní cábiyi, yi a tée mɔ wáa í. Mɔ ga ni táanri náagi ni, mɔ a miyɛɛ sórigo gi ni í, naanyǐngi a mɔ sórigo í.

Ezayi 51:12

Mii si na, mii wi nyɛ mɔ kpɛʔɛlɛfɔw. Wìí wi nyɛ mɔ, á mɔ si i fɛ̀ɛgí syɔɔn na wi nyɛ lè yakuugo, syɔɔn pya na, wee kwɔ́ɔganma bi nyɛ àmɛɛ nyàā nyɛ lè?

Ezayi 51:7

Ye lóʔo mii ma, yele bele ye sínni cán lè, syɛ́ɛnbèle, yele bele fúnyo ni mii làlwaw nyɛ lè! Yele a kɔ́ ra fɛ̀ɛgí syɛ́ɛnbèle faʔara na í, yele a kɔ́ ra cɛ̀lɛ́ be tɛʔɛlɛyi na í.

Zyeremii 1:17

Mɔ si na, sɛntiiri tɛ́ʔɛ mi miyɛɛ bwɔɔ sárigèle ni, mí yìri mi gi jo mi tɛ̀ɛn be na, gee myɛ mii a joo bi gbàn mɔ ma lè. Mɔ a kɔ́ ra cɛ̀lɛ́ be kéeli na í, jàngó mii a kɔ́ mɔ yaʔa mɔ í da cɛ̀lɛ́ pe yɛ́ʔɛ ma í.

Zyeremii 1:19

Pe a kapɛɛnni kpúmɔn ní mɔ ní, kàjáa pe a fànʔa taa mɔ na í. Níì cán mii i nyɛ ní mɔ ní bàā mɔ syoo,» Yawe wi jo nya.

Zyeremii 20:11

Kàjáa Yawe i nyɛ ní mii ní àmɛɛ fànnɛʔɛgɛ sanbali nyɛ lè. Koro na mii wɔʔɔfɔbèle a kpírige, pe a fànʔa taa í. Fɛ̀ɛrɛ a tɔ̀nɔ́ be taa àmɛɛ gi nyɛ lè be fanʔa ga taa í. Ki a pye bàngwɔɔ nyáʔamina, lee li lè syɔɔn a fɛ̀ʔɛ li na í.

Zyeremii 30:11

Níì cán mii i nyɛ ní mɔ ní, bàā mɔ syoo,› Yawe wi jo nya. ‹Mii a syɛɛnfeleyi myɛ kálagi kwɔ́ɔ, yee nínge ni mii mɔ nɛnɛ n tórigo lè, kàjáa mɔ na, mii a mɔ kálagi kwɔ́ɔ í. Mii a mɔ wɔʔɔ bi yɛlɛ ní gee ní gi sín lè, mii a gbǎn mɔ yaʔa sìnwɔʔɔ ni í.›

Zyeremii 39:11

Babilɔni fànʔafɔw Nebukadinezari maa syɛ́ɛnri naa joo n gbàn Zyeremii kéeli na gáridibèle kùndigi Nebuzaradan ma níì jo:

Zyeremii 42:11

Yele a kɔ́ ra fɛ̀ɛgí Babilɔni fànʔafɔw na í, woro wee na yele fɛ̀ɛgí lè. Yele a kɔ́ fyáa wi na í, Yawe wi jo nya. Níì cán mii i nyɛ ní yele ní bi yele syɔɔ, bi yele yirige wi kɔ́gi ni.

Danyɛli 3:17

Ee fànʔafɔw, ki si ga caà pye bi kpéʔele nya, wolo Kolocɔlɔw, woro wee fáli wolo kpéʔele lè, woro a gbǎn wolo syɔɔ, wi a wolo syɔɔ fúruw naagbanga, ní mɔ kɔ́gi ma.

Danyɛli 3:25

A wi níì gi joo níì jo: «Wéle, mii nyɛ́nɛ si i nyɛ syɛ̀ɛnnɛ sicɛrɛ na yapwɔɔrɔ o be na í, a be i táanri náagi nínge ni, kapeʔe si ga be taa í. Sicɛrɛ wów kánma si n kolocɔlɔbèle jáawaa wíri.»

Matye 10:26

«Koro na ki ga yɛlɛ yele í da fɛ̀ɛgí be na í. Níì cán yárigee gi lè wodɔngɔ ní, ki a kɔ́ kòro sìndɛ̀ɛn ni í, wàlá ki ga pye wolaraga ní, ki a kɔ́ kòro sìnján ni í.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Kapyegèle 18:10

níì cán mii i nyɛ ní mɔ ní, syɔɔn faala a tée too mɔ na bi mɔ wɔʔɔ í, níì cán syɛ̀ɛnnɛ saʔa i naa mii ma kěgi naa ni.»

Kapyegèle 26:17

Mii a mɔ syɔɔ syɛ́ɛnbèle naa ma, si wɔ́ɔ mɔ syɔɔ syɛɛnfeleyi ma, yee má mii a mɔ tun lè.

Kapyegèle 4:13

A pe ga Pyɛri ní Zyan nyaa a be soro n yére ni nyuu nya, níì gi cán pe ga Kolocɔlɔɔ làlwaw tamana kpéʔele í, ní i nyɛ sɛ́bɛnaa-sìnjanbéle, a be i káama gi na. Pe maa gi cán, ncan pe n pye ní Zyezu ní.

Kapyegèle 4:29

Kàfɔw, mi gi wéle àmɛɛ be gi joo n gbàn wolo ma lè tɔ́ɔliw ni, koro na wolo wo nyɛ lè mɔ falipyebèle, mi nànzorodi myɛ kaan wolo ma wolo í gbǎn ra mɔ syɛ́ɛnri nyuu,

Efɛzi ye 6:20

Amɛɛ mii nyɛ lè tunduɔn, á be mii pwɔɔ Syɛɛnjóocǎnri bee kéele na, yaa nyɛ́ɛri jàngó mii í da nyuu ní nànzorodo ní, kánmee na mii yɛlɛ bàā nyuu lè.

Làlwaw Kaanziin 31:6

Ye nìrimɛ le, yé lòmaana le! Yele a kɔ́ ra fɛ̀ɛgí sáā cɛ̀lɛ́ pe yɛʔɛ̀ ma í. Níì cán Yawe mɔ Kolocɔlɔw tiimaa i táanri ní mɔ ní. Wi a tée mɔ yaʔa í, wi a mɔ cée í.»

Làlwaw Kaanziin 31:8

Yawe tiimaa wi táanri mɔ yɛ́ɛgi na, woro wi a pye ní mɔ ní, wi a tée mɔ yaʔa í, wi a mɔ cée í. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í.»

Zyozuwe 1:5

Mɔ siiw canya myɛ ni syɔɔn faala a gbǎn fànʔa taa bi yére mɔ sige í. Mii i nyɛ ní mɔ ní àmɛɛ mii da pye ní Mowizi ní lè. Mii a tée mɔ yaʔa í, mii a tée mɔ cáan yaʔa í.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»