Zyeremii 1:7 - Cebaara Bible 2010

⁷ A Yawe mii pye: «Mɔ a kɔ́ gi joo si jo: ‹Mii i nyɛ nìgɔcaripiige í.› Mɔ n yɛlɛ bàā syée pe myɛ ma, bele má mii ga mɔ tun lè gee myɛ mii ga joo n gbàn mɔ ma lè, mi sa ra koro nyuu be ma.

Zyeremii 1:7 Iomraidhean Croise

1 Fànʔafɔbèle 22:14

A Misye wi yari: «Amɛɛ Yawe nyɛ lè sìi na, gee Yawe ga joo mii ma lè koro mii a joo tɛ̀ɛn.»

1 Fànʔafɔbèle 3:7

Tɔ́ɔliw ni, Yawe mii Kolocɔlɔw, mɔ wi mii télege mii wi lè mɔ falipyew mii í pye fànʔafɔlɔ mii tóow Davidi sìndɛɛgi ni, kàjáa nìgɔcaripiige mii nyɛ yagana. Mii ga fǎngi kèlē cɔɔnriganma cán í.

2 Cányi kèlē 18:13

A Misye wi yari: «Amɛɛ Yawe nyɛ lè sìi na, gee mii Kolocɔlɔw ga joo lè, koro mii a joo tɛ̀ɛn.»

Yirile 6:29

wi maa Mowizi pye: «Mii wi nyɛ Yawe. Gee myɛ mii joo mɔ ma lè, ki n yɛlɛ mi sa gi joo Faraɔnw ma, wi lè Ezyipiti ye fànʔafɔw.»

Zyeremii 26:2

Yawe n jo: «Yére Yawe kpáagi kadàala na, mí syɛ́ɛnri naa joo bele má be yìrigí Zyuda kěyi myɛ ma ni maa n ba ni tíri ni tuun Yawe kpáagi ni lè. Syɛ́ɛnree myɛ mii joo n gbàn mɔ ma níì jo mɔ í di joo be ma lè, mɔ a kɔ́ syɛɛnkanbilaa nibin fɔ̀n di ni í.

Zyeremii 43:1

Lǎli ni Zyeremii kwɔ́ɔ Yawe be Kolocɔlɔw syɛ́ɛnrɛ myɛ joolo na syɛ́ɛnbèle myɛ ma lè, syɛ́ɛnri bee myɛ Yawe be Kolocɔlɔw da wi tun wi ba joo be ma lè,

Zyeremii 7:27

Mɔ a syɛ́ɛnri bee myɛ joo be ma, kàjáa pe a lóʔo mɔ ma í, mɔ a yákpoli wáa be kurugo, kàjáa pe a syɔɔ mɔ ma í.

Ezekyɛli 2:7

Mɔ a sa mii syɛ́ɛnri joo tɛ̀ɛn be na, a be lóʔo yoo, a pe náà pye pe ga fɔ̀lɔ n gi kpéʔele í yoo, níì cán niceebéle bɛɛ.

Ezekyɛli 3:27

Kàjáa lǎli ni mii ga joo ní mɔ ní lè, mii a mɔ nyɔ́ɔgi múgu jàngó mɔ í gi joo be ma si jo: ‹Kàfɔw Yawe wi syɛ́ɛnri naa joo.› Wee wi ga ni jà lóʔo lè, wi lóʔo, wee si ga pye lè wi a fɔ̀lɔ́ gi kpéʔele í, wi a kɔ́ gi kpéʔele í, níì cán niceebéle narigbaʔa gii.

Amɔsi 7:15

Kàjáa Yawe n mii cò n lúrugo yaweeri kurugo, Yawe si n mii pye: ‹Da syée mi sa ra kérigèle nyaagi maa nyuu mii syɛ́ɛnbèle ma, pe lè Isirayɛli ye.›

Zyonasi 3:2

«Yìri maa syée Niniivi ma, ki lè kèkpɔɔgi, mi sa syɛ́ɛnri joo yaà, dee mii joo mɔ ma lè.»

Córolo 22:20

A Kolocɔlɔɔ pan Balaami ma yébiligi ni n baa wi pye: «Amɛɛ syɛ́ɛnbèle naa pan ba mɔ yeri lè, yìri maa syée ní be ní, kàjáa gee mii ga joo mɔ ma lè, mi koro yagana kpéʔele.»

Córolo 22:38

A Balaami Balaki yari: «Tɔ́ɔliw ni, mii wi pan wee mɔ ma, a mii si a gbǎn yarigaa faala joo lé ? Syɛ́ɛnree Kolocɔlɔɔ ga le mii nyɔ́ɔgi ni lè, toro mii a joo.»

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Kapyegèle 20:27

Níì cán mii n Kolocɔlɔɔ nyɛ́nɛ kérigèle myɛ joo yele ma, mii ga li làa faala làriga yele na í.