Zyeremii 1:5 - Cebaara Bible 2010

⁵ «Sáni mii í mɔ sámaga mɔ nɔ́ɔw láʔa ni lè mii maa mɔ cán, bi wɔ́ɔ mɔ yaʔa sìnyiri ni wi láagi ni, mii maa mɔ sámaga n yaʔa kɔlɔ̀ na, n mɔ télege mɔ í pye kanyaajooo syɛɛnfeleyi ma.»

Zyeremii 1:5 Iomraidhean Croise

Ŋúnuyi 139:15

Mii céri tɛ́ɛgaa faala da làra mɔ na í, lǎli ni mɔ mii sámaga làrami tɛ́ʔɛ ni lè, níì mii soʔolo soʔolo niyɛɛ na tári tɛɛcùruyo ni lè.

Ŋúnuyi 139:16

Lǎli ni mii céri pye lè sìnzamaga ni, mɔ nyapiigèle maa ni mii nyaagi. Ki myɛ maa sɛ́bɛ mɔ sɛ́bɛw ni, àlí cányee mɔ tímana mii í kwɔ́ɔ lè, n gi yaʔa ki kàa da kɔ́ɔ̀ pye yaà í.

Yirile 33:12

A Mowizi gi joo Yawe ma níì jo: «Wéle, mɔ n mii pye: ‹Syɛ́ɛnbèle naa kɔ́ri mi yirige!› Wee si mɔ a tórigo ní mii ní lè, mɔ ga wi tɛ̀ɛn mii na í. Bi gi taa mɔ n jo: ‹Mii n mɔ cán mɔ mɛ́ɛgi na, mɔ n caà kacànna taa mii ma.›

Yirile 33:17

A Yawe Mowizi pye: «Syɛ́ɛnri naa mɔ joo lè, mii a wɔ́ɔ di foro níì cán mɔ n kacànna taa mii ma, a mii wɔ́ɔ̀ mɔ cán mɔ mɛ́ɛgi na.»

Ezayi 44:2

Yawe wi mɔ kpéʔele lè, woro wi syɛ́ɛnri naa joo, woro wee wi mɔ sámaga yaà mɔ nɔ́ɔw láʔa ni lè, ní i nyɛ mɔ dɛɛmɛfɔw, wi n jo: «Mɔ a kɔ́ ra fɛ̀ɛgí í, mii falipyew Zyakɔbi, Yesyurun, mɔ wee mii nyɛ́nɛ n wòlo lè.

Ezayi 49:1

Lǒgi nínge tátɛɛgéle, ye lóʔo mii ma! Yele tɛɛ̀leeliyi syɛɛnfeleye, ye líiyi cáan! Yawe n mii yeri nlaa yaà mii nɔ́ɔw láʔa ni, wi n mii mɛ́ɛgi yeri lǎli ni mii nɔ́ɔw mii see n cáan lè.

Ezayi 49:5

Tɔ́ɔliw ni Yawe i nyuu, woro wee wi mii sámaga yaà mii nɔ́ɔw láʔa ni lè jàngó mii í pye woro falipyeo, jàngó mii í Zyakɔbi lúrugo wi pan woro ma, jàngó Isirayɛli ye í kpóʔoro woro taana. Mii n kpɔʔɔrɔ taa Yawe yɛ́ʔɛ ma. Níì cán mii Kolocɔlɔw wi da pye mii fǎngi.

Zyeremii 1:10

Wéle, mii n mɔ télege níjanʔa, syɛɛnfeleyi nyúngo na, ní fǎnyi kánma na, koro ga pye mɔ í da kíle da kɔ́nɔgi, si wɔ́ɔ ra kpúmɔn da cáan, koro ga pye mɔ í da di kúu, si wɔ́ɔ ra di kálagi da kwóo, koro ga pye mɔ í da faanri, si wɔ́ɔ ra cɔ́rɔ.»

Zyeremii 1:4

Yawe syɛ́ɛnri n nan mii na, wi n jo:

Zyeremii 20:15

Nǎnwee wi sáà syɛ́ɛnri naa joo mii tóow ma lè, níì wi pye: «Pe n pyà see mɔ ma nànbile,» níì wi kaan a wi nyìn fundaanri na lè, ki n yɛlɛ syɔ́ɔnw bee í dánga!

Zyeremii 25:13

Syɛ́ɛnree myɛ mii joo n tɛ̀ɛn tári naa kánma na lè, mii a di kpéʔele foro di na, dee myɛ di sɛ́bɛ sɛ́bɛw naa ni lè, ní gee Zyeremii nyaa n joo syɛɛnfeleyi naa myɛ kánma na lè.

Zyeremii 36:2

«Sɛ́bɛmigio láa, mí syɛ́ɛnri myɛ sɛ́bɛ wi ni, dee mii joo mɔ ma lè Isirayɛli, ní Zyuda, ní syɛɛnfeleyi myɛ kéele na n séli yaà cángee na mii joo ní mɔ ní lè Zyozyasi lǎli ni, fwɔɔ n baa nan níjanʔa na.

Zyeremii 50:34

Kàjáa pe nyùnzyɔɔw i nyɛ fànnɛʔɛgɛfɔlɔ, woro wee mɛ́ʔɛ gi nyɛ lè Yawe, wi lè Nyɛ̀ʔɛni Sùlasiibéle Kafɔlɔ. Wi a be kéeli láa, jàngó bi ŋɔ́ndaala kaan tári ma, si Babilɔni ye yaʔa be cúngo.

Luki 1:15

Níì cán wi a ba pye syɛɛnkpɔɔɔ Kàfɔw yɛ́ʔɛ ma, dùvɛɛnw ní yárigee faala syɔɔn a gbaa lè ki yɛ́ɛgi wɔ́ɔ wi na, wi a tée ra gee bee kàa gbo nyáana í, sáni wi nɔ́ɔw í wi see lè, wi fúngi a nyìn Pìicǎnni na,

Luki 1:41

Amɛɛ si Elizabɛti Marii fòów lóʔo lè, a pìíw fala n cúngo wi fícɛnni ni. A Elizabɛti fúngi nyìn Pìicǎnni na,

Luki 1:76

Ni pyà, wee wi nyɛ lè Pe Myɛ Nyúngo na, pe a ra mɔ yiri woro kanyaajooo. Níì cán mɔ a kíni Kàfɔw yɛ́ʔɛ na bàā wi kóloyi sámagi,

Zyan 10:36

mii wee Kolocɔlɔɔ nyɛ́nɛ n wòlo lè n tun naa dulunyanw ni, a yele baa jo, mii i Kolocɔlɔɔ mɛ́ʔɛ kálagi, ncan mii n jo mii i nyɛ wi jaà!

Wɔrɔmi ye 1:1

Mii Pɔli, wi lè Kirisi Zyezu púlo, Kolocɔlɔɔ n mii yeri mii í pye woro pìituɔn àmɛɛ wi mii nyɛ́nɛ n wòlo lè mii í da woro Syɛɛnjóocǎnri nyuu.

Wɔrɔmi ye 8:29

Níì cán bele Kolocɔlɔɔ da téè nyɛ́nɛ n wòlo lè booma ni, wi maa wɔ́ɔ̀ gi kɔ̀rirɔ bi bele bee kàriga pe woro Jáaw wíri, koro ga pye woro Jáaw í pye pìiseliw senyɛn-nɛʔɛmi nínge ni.

1 Korɛnti ye 8:3

Wee si wi tàmaga le lè ní Kolocɔlɔɔ ní, Kolocɔlɔɔ n wee bee cán.

Efɛzi ye 1:22

A Kolocɔlɔɔ yáriri myɛ cáan wi tɔ́lɔyi láara ni waa di kàragí, níì wi yaʔa wi pye Egiliziw nyúngo na kérigèle myɛ ni.