Zyeremii 1:16 - Cebaara Bible 2010

¹⁶ Mii a mii kútiiw kúun be na pe péemi myɛ kéele na níì cán pe n mii yaʔa ní sa ni nùndaanni yáriga sórogi kolocɔlɔbèle pèle nikwɔɔlɔ ma, ní i tuun ni kpùmɔnɔ́ be kɔ́yi fáli yɛ́ʔɛ ma.

Zyeremii 1:16 Iomraidhean Croise

2 Fànʔafɔbèle 22:17

Níì cán pe n mii yaʔa ní i nùndaanni yárira sórogi kolocɔlɔbèle pèle nikwɔɔlɔ ma bi mii fúngi tanʔa gbanʔama ní be kɔ́yi kapyegèlē myɛ ní. Mii fundanʔagbɔɔri n cò naà tɛ́ɛgi naa kánma na, ti a fígi í.

2 Cányi kèlē 15:2

a wi yiri n sáà Aza fàra níì wi pye: «Ye lóʔo mii ma Aza, ní Zyuda ye, ní Bɛnzyamɛ ye myɛw. Yele ga kòro ní Yawe ní, wi a wɔ́ɔ kòro ní yele ní. Yele ga lúru ni wi caa yele a wi nyaa. Yele si ga wi yaʔa wi a wɔ́ɔ yele yaʔa.

2 Cányi kèlē 28:2

Isirayɛli fànʔafɔbèle kôdanʔaya ni wi da ni táanri àlí n tunmɔrɔ gbàla n yariyaa niwiriye sámaga Baalibèle ma.

2 Cányi kèlē 34:25

Níì cán pe n mii yaʔa ní i nùndaanni yárira sórogi kolocɔlɔbèle pèle nikwɔɔlɔ ma bi mii fúngi tanʔa gbanʔama ní be kɔ́yi kapyegèlē myɛ ni. Mii fundanʔagbɔɔri n too n tɛ́ɛgi naa tɔ́n, ti a tée kwɔ́ɔ í.›

2 Cányi kèlē 7:19

Kàjáa yele ga kolo n lúru, yele ga mii làlwaw kèlē, ní mii kajoodɛɛngèle cée, koro gele mii tɛ́ʔɛ yele yɛ́ʔɛ ma lè, níì kári n sa ni báara kolocɔlɔbèle pèle nikwɔɔlɔ ma ní i tíri ni tuun pe yɛʔɛ̀ ma,

Ezayi 2:8

Pe tári n nyìn yasunyi na. Pe i tíri ni tuun be kɔ́yi yakpéʔelere yɛ́ʔɛ ma, pe kabegèle fáli yɛ́ʔɛ ma.

Ezayi 37:19

níì yi kolocɔlɔbèle wáa náagi ni, níì cán kolocɔlɔbèlē ban be pye í, syɔɔn kɔ́lɔ yasamagaya yi pye, tiige, ní kàdɛnɛgɛ yáriya yi pye, koro na pe yi kálagi n kwɔ́ɔ.

Ezayi 44:15

Tíiri bee i nyɛ syɔɔn ma wi i di sórogi, wi i waari di tàa náa na, ní wɔ́ɔ i di tàa nii náagi ni ni soori, si gi kàa sámagi Kolocɔlɔɔ bàā kpɔ̀ʔɔrɔ́, wi i gáà gi kàa sámaga yasungo, gee yɛ́ʔɛ ma wi kɔ́yi cáan lè.

Ezayi 65:3

syɛɛnfelegaa ma, gee gi mii fúngi taanri lè sìnlaʔa ni mii nyɛ́nɛ na, ní i sárigaw wóo nángwɔɔbèle ni, ní i nùndaanni yáriga sórogi jùfaaw na.

Zyeremii 10:15

Yi myɛ i nyɛ gbanzan, kataanra yáriya yii. Yi làrigbumɔnni ga baa nan, yi a kwɔ́ɔ láʔa yaà.

Zyeremii 10:3

Syɛɛnfeleyi kalɛɛgéle tɔ̀nɔ́ i nyɛ gbanzan. Pe i tíigi kpúmɔn kɔ́ligi ni, fáliw cánvɔlɔ kɔ́lɔ n si baa gi sámaga ní tiicɛnɛ-yárigi ní.

Zyeremii 11:12

Zyuda kěyi, ní Zyerusalɛmi ye a kári sa ra kolocɔlɔbèle nyɛ́ɛri, bele má pe nùndaanni yáriga sórogi lè, kàjáa pe a tɔ̀nɔ́ gbǎn be syɔɔ be wɔʔɔgi làla ni í.

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 15:6

Mɔ n mii yaʔa, Yawe wi jo nya, mɔ n lúru kàdoʔo ma, kàjáa mii n mii kɔ́gi sánʔa n taʔa mɔ na bi mɔ kálagi, mii n kɔ́ɔ̀ fɔ̀rɔ nya ní mɔ ní.

Zyeremii 16:11

Lǎli bee ni mɔ a be yari: ‹Gee bee n taa ncan yele tóolɛɛbèle n mii yaʔa níì taʔa kolocɔlɔbèle pèle nikwɔɔlɔ na, pe n kpɔ̀ʔɔrɔli kpéʔele be ma, pe n tìgi n too be yɛʔɛ̀ ma. Kàjáa mii na, pe n mii yaʔa, pe ga mii làlwaw cò í,› Yawe wi jo nya.

Zyeremii 17:13

Yawe, mɔ wi nyɛ Isirayɛli sɔ̀ngumi tɛɛtaʔaga! Bele myɛ pe mɔ yaʔa lè fɛ̀ɛrɛ a ba be taa, bele be láʔa mii na lè, pe mɛ́ɛyi a ba sɛ́bɛ támiigi ni, níì cán pe n be sìíw púloweele cée, li lè Yawe.

Zyeremii 18:15

A mii syɛ́ɛnbèle si fɛ̀ʔɛ mii na, pe i nùndaanni yáriga kaangi yasunyo ma. Koro n be kaan a be tàra n yiri be kóloyi ni, pe kolɛɛyi ni jàngó bi kobiigèlē láa, koloyaa yee yi lè yi ga kpoori í.

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 2:13

«Níì cán kapeeye siin mii syɛ́ɛnbèle kpéʔele. Pe n mii yaʔa, mii wee wi lè sìíw lɔ́ʔɔ pùnweele, ní sa ni lɔ̀ʔɔ wéeyaa túru peyɛɛ ma, lɔ̀ʔɔ wéeyaa, yee yi páʔala páʔala lè, yee yi lè lɔ̀ʔɔ a gbǎn kòro yi ni í.

Zyeremii 2:17

Gee bee o kpéʔele mɔ na àmɛɛ mɔ Yawe mɔ Kolocɔlɔw yaʔa lè lǎli tiimaa ni, lee ni wi da kíni mɔ yɛ́ɛgi na kólogi ni lè ì?

Zyeremii 2:19

Ki n yɛlɛ mɔ péemi sàra í kaan mɔ ma, mɔ sinzinmi kèlē í wɔʔɔgɔ taʔa mɔ na. Ki n yɛlɛ mɔ í gi cán, si gi nyaa bi cán bi Yawe mɔ Kolocɔlɔw cée, gee bee i nyɛ yapeʔe, ní yasorogo, wàlá bi pye fyáakaanna fun mii kàbangi na,» Nyɛ̀ʔɛni Sùlasiibéle Kafɔlɔ Yawe wi jo nya.

Zyeremii 2:28

Koro na sán mɔ kolocɔlɔbèle nyɛ, bele mɔ sámaga n pye miyɛɛ wòolo lè? Ki n yɛlɛ be yìri kapye pe a gbǎn mɔ syɔɔ wɔʔɔgi làla ni. Níì cán mɔ kolocɔlɔbèle n nɛʔɛ n sɔ̀lɔ mɔ keyi na, ee Zyuda.

Zyeremii 4:12

Báriga káfalaga gi yìrigí yaà beè ni maa fwɔɔ n baa nan mii na. Tɔ́ɔliw ni mii a kútii joo ní be ní.»

Zyeremii 4:28

Gee bee kéele na tári a pye kùu káyaʔa na, nyɛ̀ʔɛgèle ge lè ǹjogi ni, ke a pye yébilimɛ. Níì cán mii wi gi jo, koro mii kɔ̀rirɔ n tímana, ki pyeli si a ní ba wári mii na í, mii a ní lúru bi gi sàa í.»

Zyeremii 44:17

Kàjáa wolo i caa bàā gi kpéʔele bi yɛlɛ ní gee myɛ ní gi yiri wolo nyɔ́ɔyi ni lè, koro gi nyɛ bàā nùndaanni yáriga sórogi nyɛ̀ʔɛni fànʔafɔjaa ma, sáā sáriga-yólogow wóo wi ma àmɛɛ wolo da ni gi kpéʔele lè, wolo ní wolo tóobèle, ní wolo fànʔafɔbèle, ní wolo syɛɛnkpolobèle ní, Zyuda kěyi, ní Zyerusalɛmi kàlari-kóloyi ni. Lǎli bee ni wolo maa ni líi ni tíngi páan! Wolo maa pye fundaanra na, wolo da wɔʔɔgɔ cán í.

Zyeremii 5:29

Mii si kòro lé kàa sìnbye ni kérigèle bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 5:9

Mii si kòro lé kàa sìnbye ni kapyeri bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 51:17

Syɛ́ɛnbèle myɛ n baa pye nidoliyo pe cánni báriga ni, fɛ̀ɛrɛ n tɛɛ̀kpumɔnbèle myɛ taa pe yasunyi kéele na. Níì cán pe yasunyi myɛ i nyɛ jànvaa yáriya yagana, ŋɔngara o nyɛ yi ni í.

Zyeremii 7:17

Gee be kpéʔele Zyuda kěyi, ní Zyerusalɛmi kàlari-kóloyi ni lè mɔ o gi nyaagi ì?

Zyeremii 7:18

Jaafɔbèle i kàjeri caa, tofɔbèle si i náagi nii, cébèle si i míimi pírigi bi kàgbalaya sámaga nyɛ̀ʔɛni fànʔafɔjaa ma, si sáriga-yólogow wòlo kolocɔlɔ-nibɔnbèle ma, jàngó bi mii fúngi tanʔa.

Zyeremii 7:9

Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Ezekyɛli 16:18

Mɔ n mɔ burozuuyi láa n le yi na, ní i mii sǐnmi ní mii nùndaanni yáriga wóo sáriga yi ma.

Ezekyɛli 24:14

Mii Yawe wi gi joo, gee bee si ki a kpéʔele, mii a gi kpéʔele foro. Mii a tée lúru kàdoʔo ma í, mii a tée nyínimɛ taa í, ki a tée wári mii na í. Pe a kútiiw kúun mɔ na bi yɛlɛ ní mɔ tánʔaganmi, ní mɔ kapyegèle ní, Kàfɔw Yawe wi jo nya.› »

Oze sɛ́bɛw 11:2

Bele si pe da ni be yiri lè, a be i canʔana bele bee na. Pe n sárigaw wòlo Baalibèle ma, níì nùndaanni yáriga sórigo yasunyi ma.

Oze sɛ́bɛw 8:6

Isirayɛli má gi yìri, fáliw kacanwaa wi gi sámaga, náapiigi bee o nyɛ Kolocɔlɔɔ í. Koro na Samarii náapiigi a tɔ̀nɔ́ ba tɔ́nʔɔnɔ.

Zyowɛli 2:11

Yawe i yákpolo wáa wi kapɛɛnkpumɔnbèle yɛ́ʔɛ ma. Níì cán wi kapɛɛnkpumɔnbèle kabiga n kpɔ́ʔɔ cama, a wi syɛ́ɛnri forofɔlɔ sée kpɔ́ʔɔ. Níì cán Yawe cángi i nyɛ cângbɔʔɔ, fyáakpɔɔrɔ canʔa tɔ̀nɔ́ gii, wìí wi a gbǎn gi sígi yérige?

Kapyegèle 7:41

Cányi bee ni a be náapile faan li pye yakpɔʔɔrɔgɔ, níì sáriga wòlo li ma, ní i fundaanra kpéʔele poro tiimaa kɔ́yi yakpéʔelege na.

Làlwaw Kaanziin 28:20

Yawe a dángaw, ní fûnnyaʔamiri, ní kàfulogi cáan mɔ na kérigèle myɛ ni mɔ kpéʔele lè fwɔɔ bi taa mɔ í kálagi, fwɔɔ bi taa mɔ í kwɔ́ɔ yiri yaà kelekele mɔ péemi kapyere kéele na àmɛɛ mɔ mii cée lè.

Làlwaw Kaanziin 31:16

A Yawe Mowizi pye: «Wéle, mɔ wi a kùu wee, táree ni syɛ́ɛnbèle naa a jée lè, pe a yìri bàā kanɔnʔɔri kpéʔele ní kolocɔlɔ-nibɔnbèle ní. Pe a mii cée si wɔ́ɔ mii joogaanni kálagi, lee mii kpéʔele ní be ní lè.

Zyozuwe 24:20

Lǎli ni yele ga Yawe yaʔa lè níì kári n sa ni báara kolocɔlɔ-nibɔnbèle ma, wi a kolo lúru bi kapeʔe kpéʔele yele na fwɔɔ bi yele kálagi kwɔ́ɔ, àlí bi gi taa wi n kacàngēle saʔa kpéʔele yele na n kwɔ́ɔ.»

Tɛ̀ɛnnɛ 9:20

Syɛ́ɛnbèle bele si be kòro lè, yapeeyi bee ga be taa n kpóo í, pe ga fɔ̀lɔ n kàdoʔo wáa be kɔ́yi yakpéʔelere ma í. Gee bee n jo pe ga fɔ̀lɔ bi láʔa màdebèle, ní yasunyi kpɔ̀ʔɔrɔlɔ na í, yee yi nyɛ lè tɛ́ɛw, wàlá wálifiiw, wàlá kanyɛɛnri, wàlá kàdɛnɛyi, wàlá tíiri, yáriree di nyɛ lè ti o nyaagi í, ti o lúro í, ti si wɔ́ɔ o táanri í.