Zyeremii 1:12 - Cebaara Bible 2010

¹² A Yawe mii pye: «Mɔ n sámaga n nyaa. Níì cán mii yákirii i nyɛ mii syɛ́ɛnri na bi tɔ̀nɔ́ di foro.»

Zyeremii 1:12 Iomraidhean Croise

Ezayi 55:11

kánmi bee na mii syɛ́ɛnri nyɛ, dee di yirigi mii nyɔ́ɔgi ni lè, ti a lúru pan mii ma sìnbaara ni í, fwɔɔ bi taa ti mii nyɛ́nɛ kéeli kpéʔele bi foro, si di katunni kpéʔele bi nyɔɔ.

Zyeremii 1:13

A Yawe syɛ́ɛnri níì nan mii na tɔziin wógi na, wi n jo: «Nyàʔá mɔ nyaagi?» A mii wi yari: «Nɛ̀ʔɛdaʔaga mii nyaa ki i kángi solomɔkulo kàbangi na.»

Zyeremii 24:3

A Yawe mii pye: «Nyàʔá mɔ nyaa, Zyeremii?» A mii wi yari: «Děsyanʔa. Wojangi n tɔ̀nɔ n nyɔɔ cama, á wobeegi tɔ̀nɔ n pee cama, n pye ki a gbǎn lìi í ki peejaanrimi kéele na.»

Zyeremii 31:28

Amɛɛ mii da yɛʔɛ̀ wáa be ma n be kíle n kɔ́nɔgi, n be kpúmɔn n cáan, n be kálagi, n be kpóo, n kapeʔe taʔa be na lè, kánmi bee na mii a yɛʔɛ̀ wáa be ma bi be faan, bi be cɔ́rɔ,» Yawe wi jo nya.

Ezekyɛli 12:25

Níì cán mii wi nyɛ Yawe, gee mii a joo lè, koro mii a joo, ki foro làlaa sìnzige ni, yele cányi ni ki a tɔ̀nɔ́ pye, niceebèle narigbaʔa, mii a syɛɛnrɛ joo, si wɔ́ɔ di foro,» Kàfɔw Yawe wi jo nya.

Ezekyɛli 12:28

Koro na ki joo be ma mí be pye: ‹Kàfɔw Yawe wi syɛ́ɛnri naa joo níì jo: Syɛ́ɛnree myɛ mii ga joo lè, ti a foro làlaa sìnzige ni,› » Kàfɔw Yawe wi jo nya.

Amɔsi 8:2

A wi mii pye: «Amɔsi, nyàʔá mɔ nyaa?» A mii wi yari: «Yasanlɛɛgwɔɔrɔ sɛʔɛlɛ.» A Yawe mii pye: «Mii syɛ́ɛnbèle Isirayɛli ye làrigwɔɔli li lɛɛ n kwɔ́ɔ nya. Mii a tée ní be kùsulugi syɔɔ í.

Luki 10:28

A Zyezu wi pye: «Mɔ syɛɛnlurugori n tɔ̀nɔ n nyɔɔ. Maa gee bee kpéʔele, mɔ a sìi taa.»

Luki 20:39

A làlwaw sɛ́bɛwelebèle pèle wi yari: «Tamafɔw, mɔ n tɔ̀nɔ n sámaga n joo.»

Làlwaw Kaanziin 18:17

A Yawe mii pye: ‹Gee be joo lè ki n nyɔɔ.

Làlwaw Kaanziin 32:35

Pe tɔ́lɔyi ga wàli n yiri kólogi ni lǎli ni lè, mii wi nyɛ kapeeli gɔ̀lɔ́-wòloo, ní sàraw kaanfɔlɔ. Níì cán pe wɔʔɔli canʔa n nùuni pe kwɔ́ɔganmi i fùurí ni maa.»

Làlwaw Kaanziin 5:28

Yawe maa yele syɛ́ɛnri lóʔo lǎli ni yele da ni nyuu mii ma lè, a Yawe mii pye: ‹Gee syɛ́ɛnbèle naa joo mɔ ma lè, mii n gi lóʔo. Gee myɛ be joo lè, ki n nyɔɔ.