Zyeremii 1:10 - Cebaara Bible 2010

¹⁰ Wéle, mii n mɔ télege níjanʔa, syɛɛnfeleyi nyúngo na, ní fǎnyi kánma na, koro ga pye mɔ í da kíle da kɔ́nɔgi, si wɔ́ɔ ra kpúmɔn da cáan, koro ga pye mɔ í da di kúu, si wɔ́ɔ ra di kálagi da kwóo, koro ga pye mɔ í da faanri, si wɔ́ɔ ra cɔ́rɔ.»

Zyeremii 1:10 Iomraidhean Croise

1 Fànʔafɔbèle 17:1

Elii wi lè Tisyibe ye wów wi pye lè Galaadi tári wówaa, a woro Akabi pye: «Amɛɛ Yawe nyɛ lè sìi na, wi lè Isirayɛli ye Kolocɔlɔw, woro wee falipyeo mii nyɛ lè, mii a gi joo mɔ ma, kásaga wàlá zàʔá a taa yɛ́ɛgèle naa ni í, fwɔɔ bi taa mii í ba joo.»

1 Fànʔafɔbèle 19:17

Ki a pye wee wi ga syɔɔ lè Hazayɛli ŋɔséew ma, Zyehu a wi kpóo. Wee si wi ga syɔɔ lè Zyehu ŋɔséew ma, Elize a wi kpóo.

Syɛɛnjóow 3:3

Kpóoli làla i yaà, a pɔʔɔli làla i yaà. Jabagili làla i yaà, a faanni làla i yaà.

Zyeremii 1:5

«Sáni mii í mɔ sámaga mɔ nɔ́ɔw láʔa ni lè mii maa mɔ cán, bi wɔ́ɔ mɔ yaʔa sìnyiri ni wi láagi ni, mii maa mɔ sámaga n yaʔa kɔlɔ̀ na, n mɔ télege mɔ í pye kanyaajooo syɛɛnfeleyi ma.»

Zyeremii 24:6

Mii a nyapiigèle le be ni pe nyɔɔmɔ kéele na, bi be lúrugo pan tári naa ma. Mii a be sámaga yérige, mii a ní be kálagi í, mii a be cɔ́rɔ, mii a ní be kíle kɔ́n í.

Zyeremii 25:13

Syɛ́ɛnree myɛ mii joo n tɛ̀ɛn tári naa kánma na lè, mii a di kpéʔele foro di na, dee myɛ di sɛ́bɛ sɛ́bɛw naa ni lè, ní gee Zyeremii nyaa n joo syɛɛnfeleyi naa myɛ kánma na lè.

Zyeremii 31:28

Amɛɛ mii da yɛʔɛ̀ wáa be ma n be kíle n kɔ́nɔgi, n be kpúmɔn n cáan, n be kálagi, n be kpóo, n kapeʔe taʔa be na lè, kánmi bee na mii a yɛʔɛ̀ wáa be ma bi be faan, bi be cɔ́rɔ,» Yawe wi jo nya.

Zyeremii 31:40

Kúbèle jǐnlɔgɔ myɛ, ní cɔ́ɔngi jǐnlɔgɔ, ní tɛɛwaayi myɛ bi kári fwɔɔ sa nan Sedurɔn gòrógoroweegi na, si ní kári fwɔɔ sa nan Syɔ́ɔnyi kpàánweele jɛɛnnɛ na, canʔafolomɔ ma, tɛ́ɛyi bee myɛ a yaʔa kɔlɔ̀ na Yawe ma, yi a tée gbǎn too wàlá bi kálagi í.»

Zyeremii 36:2

«Sɛ́bɛmigio láa, mí syɛ́ɛnri myɛ sɛ́bɛ wi ni, dee mii joo mɔ ma lè Isirayɛli, ní Zyuda, ní syɛɛnfeleyi myɛ kéele na n séli yaà cángee na mii joo ní mɔ ní lè Zyozyasi lǎli ni, fwɔɔ n baa nan níjanʔa na.

Zyeremii 44:27

Wéle, mii nyɛ́nɛ a pye be na pe wɔʔɔgɔ kéele na, pe nyɔɔmɔ kéele na ban í. Zyuda nǎnbèle myɛ be nyɛ lè Ezyipiti tári ni, ŋɔséew, ní kateekpɔɔgi a be kwɔ́ɔ péw.

Zyeremii 45:4

Mɔ a wi pye, ‹Yawe wi syɛ́ɛnri naa joo níì jo: Wéle, ncan gee mii faan lè, mii a gi kálagi, gee mii cɔ́rɔ lè, mii a gi kɔ́n. Gee bee n jo tári naa myɛw.

Ezekyɛli 21:19

Mɔ si na, syɔɔn-pya, da kérigèle nyaagi maa nyuu mí kadaagèle kóri keyɛɛ na! Ŋɔséew kpúmɔnrɔ si pye ki tɛɛyɛ siin, ní ki tɛɛyɛ taanri, kpóoli ŋɔsée wii. Kpóogbɔɔli ŋɔsée wi be kɔ́ri n láa.

Ezekyɛli 23:36

Yawe n mii pye: «Syɔɔn-pya, a mɔ a Ohola, ní Oholiba kútiiw joo lé? Pe yanɔnʔɔyi tɔ́rɔ mi tɛ̀ɛn be na.

Ezekyɛli 32:18

«Syɔɔn-pya, da cɛ́ɛn Ezyipiti syɛɛnnɛʔɛmi kéele na, mí bi tìrige, poro ní fànnɛʔɛgɛ syɛɛnfeleyi wòolo ní, táàma tátɛɛyi ni, ní bele ní be tíri lè weecurugi ni.

Ezekyɛli 36:36

Syɛɛnfeleyee yi a kòro beè bi yele màʔa lè, yi a gi cán bi cán mii Yawe, mii n níì gi faan, gee ki da kpúmɔn n cáan lè, ní níì gi cɔ́rɔ, gee ki da kálagi lè. Mii Yawe, mii wi joo, mii si a gi kpéʔele.»

Ezekyɛli 43:3

Yanyaagi mii da nyaa lè, ki maa yanyaagee wíri, gee mii da nyaa lè, lǎli ni mii da pan kěgi kálagila kéele na lè. A yanyaayi bee gee wíri, gee mii da nyaa Kebaari cábigi nyɔ́ɔ na lè. Lǎli bee ni a mii too n yɛ́ɛgi cíbele tári na.

Oze sɛ́bɛw 6:5

Koro na mii kanyaajoobèle tɛ́ʔɛ n be sála n wo, mii n be kpóo ní mii nyɔ́ɔgi syɛ́ɛnrɛ ní. Mii kútiiw kèlē i yirigi àmɛɛ gbɛ̀ɛnmɛ nyɛ lè.

Amɔsi 3:7

Kánmi bee na Kàfɔw Yawe o yafyɛn kpéʔele kapye wi ga wi kalarali tɛ̀ɛn wi falipyebèle na í, pe lè kanyaajoobèle.

Amɔsi 9:11

«Cángi bee na Davidi vǒgi gi too lè, mii a ní gi yìrige, mii a gi tɛɛ̀kalagiyi sámaga. Mii a gi gurubɛɛtoori yìrige bi ní gi faan gi pye àmɛɛ ki da sélì pye lè,

Zakarii 1:6

Syɛɛnjóori, ní làlwaw kèlē si mii da joo mii falipyebèle ma, pe lè kanyaajoobèle, gele bee ga nan yele tóolɛɛbèle na ì? Pe n lúru n pan níì gi joo níì jo: Yawe wi lè Nyɛ̀ʔɛni Sùlasiibéle Kafɔlɔ, wi n wolo cò n yɛlɛ ní gi ní àmɛɛ wi da gi kɔ̀rirɔ n tímana bi kpéʔele wolo na lè n yɛlɛ ní wolo tánʔaganmi, ní wolo nàʔami ní.› »