Zyan 9:4 - Cebaara Bible 2010

⁴ Fáliwee mii Tunvɔw jo mii í ba kpéʔele lè, ki n yɛlɛ waa wi báara cángi làla ni. Cɛɛri ga pye yébiligi a wɔ́ɔ, syɔɔn si a ní gbǎn báara lǎli bee ni í.

Zyan 9:4 Iomraidhean Croise

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.

Matye 20:7

A be wi yari: ‹Ncan syɔɔn faala ga wolo láa fali na í.› A wi be pye: ‹Ye wɔ́ɔ yaa syée mii ɛrɛzɛn ségi ma.›

Mariki 3:3

A wi kɔwaʔa nanw pye: «Yìri mi yére syɛ́ɛnbèle nínge ni.»

Zyan 10:32

A Zyezu be yari: «Mii n kacàngēle saʔa kpéʔele yele nyɛ́nɛ na, gele ge yìri mii Tóow ma lè. Lìí si li nyɛ ge ni wobeeli, á ye jo ye a mii wábagi?»

Zyan 10:37

Kérigèle mii kpéʔele lè, kapye yele n gi nyaa ke o nyɛ mii Tóow wòʔolo í, ye a kɔ́ tága mii syɛ́ɛnri na í!

Zyan 12:35

A Zyezu be pye: «Gbɛ̀ɛ́nmi sèʔé i naa yele níngi ni bi làla cɛɛri kwɔ́ɔ. Amɛɛ si gbɛ̀ɛ́nmi nyɛ lè yele ma lǎli naa ni, ki n yɛlɛ yaa táanri bi na, koro ga pye yébilimi a kɔ́ yele nɛnɛ taa í. Níì cán syɔ́ɔnwee wi táanri lè yébilimɛ ni, wi o wi kàbangárigi cángi í.

Zyan 17:4

Mii n nìjangbɔɔri taʔa mɔ na dulunyanw ni. Fáliwee mɔ da kaan mii ma lè, níì jo mii í wi kpéʔele, mii n wi kpéʔele n foro.

Zyan 4:34

A Zyezu be pye: «Gee gi nyɛ lè mii lìíli, koro gi nyɛ mii í da mii Tunvɔw nyɛ́nɛ kèlē kpéʔele sáā wi fáliw forogi.

Zyan 5:19

A Zyezu be yari: «Mii a tɔ̀nɔ́ gi joo yele ma kányɛʔɛ ni, Jaafɔw a gbǎn yarigaa kpéʔele wiyɛɛ ma í, fwɔɔ gee wi nyaa lè wi Tóow ma wi i kpéʔele. Gee myɛ si Tofɔw kpéʔele lè, gee bee wonijanga Jaafɔw wɔ́ɔ̄ kpéʔele.

Zyan 5:36

Séerawaa si ní i nyɛ mii ma, woro n kpɔ́ʔɔ n sɔ̀lɔ Zyan wów na. Séeraw bee wi nyɛ kérigèle gele Tofɔw kaan mii ma lè níì jo mii í ge kpéʔele foro, kérigèle gele mii kpéʔele lè, gele bee tiimaa i nyɛ mii séera, koro ga pye syɛ́ɛnbèle í gi cán Tofɔw wi mii tun.

Zyan 7:33

A pe ga sáà nan wi na, lǎli bee ni a Zyezu jo: «A mii i naa ní yele ní wii tɔ́ɔliw ni bi làlaa cɛɛri kwɔ́ɔ gbɛnʔɛnɛ, koro kàdoʔo ma si kári mii Tunvɔw ma.

Kapyegèle 4:20

Kàjáa gee wolo lóʔo lè ní gee wolo nyaa lè, wolo a tɔ́ɔ gbǎn gi yaʔa sìnjoo ni í.»

Galasi ye 6:10

Koro na lǎlee wo taa lè, ki n yɛlɛ wolo í da kacǎngèle kpéʔele syɛ́ɛnbèle myɛ na, sáā ge kpéʔele tágali narigbaʔa woolo na bi sɔ̀lɔ.

Efɛzi ye 5:16

Ye lǎli còganma cán, níì cán cányi naa n pee.

Kɔlɔsi ye 4:5

Ki n yɛlɛ yaa táanri sícilimɛ ni kàfugi wòolo kabaan na, yé lǎli còganma cán.