Zyan 9:3 - Cebaara Bible 2010

³ A Zyezu be yari: «Nǎnw naa kapeele kéele ban í, wi seefɔbèle wólo kéele wɔ́ɔ ban í. Kàjáa gee bee n kpéʔele koro ga pye Kolocɔlɔɔ í wi séew tɛ̀ɛn syɛ́ɛnbèle na nǎnw naa fúunro báriga ni.

Zyan 9:3 Iomraidhean Croise

Zyɔbi 21:27

Mii n yele sɔ̀nguri sámaga n cán, ní kolomi kèlē yele tímana ni taari mii na lè.

Zyɔbi 32:3

Wi fúngi maa wɔ́ɔ̀ tanʔa gbanʔama Zyɔbi tàannyɛnbèle taanri kurugo, níì cán pe ga syɛɛnlurugoro taa bi joo í, fwɔɔ a be kòro ni kolomɔ kaangi Zyɔbi ma.

Zyɔbi 42:7

Lǎli ni Yawe syɛ́ɛnri bee joo n kwɔ́ɔ Zyɔbi ma lè, a Yawe gi joo Elifazi ma, wi lè Teman ye wów, níì wi pye: «Mii fúngi n tanʔa mɔ ní mɔ taannyɛnbèle bele siin kurugo gbanʔama, níì cán yele ga sín n joo mii kéeli na àmɛɛ mii falipyew Zyɔbi gi kpéʔele lè í.

Matye 11:5

Fúunbèle i nyaagi, syɛɛnmɔngɔbèle si i táanri, yaanyɛɛnmi fɔ̀ɔlɔ si wɔ́ɔ i poori, dùnɔbèle si i lúro, kúbèle si wɔ́ɔ i nyángi, foomɔfɔbèle si i Syɛɛnjóocǎnri lúro.

Zyan 11:4

Lǎli ni Zyezu yáami wóʔo lóʔo lè, a wi jo: «Yáami naa o nyɛ wi yaàguumɔ í, gee naa n kpéʔele bi Kolocɔlɔɔ nìjangbɔɔri tɛ̀ɛn, koro ga pye Kolocɔlɔɔ si nìjangbɔɔri taʔa wi Jáaw na yáami naa báriga ni.»

Zyan 11:40

A Zyezu wi yari: «Mii da sélì gi joo mɔ ma níì mɔ pye mɔ ga tága, mɔ a Kolocɔlɔɔ nìjangbɔɔri nyaa ì?»

Kapyegèle 28:4

A tári bee syɛ̀ɛnnɛ ga yapeegi bee nyaa a gi tan wi ma kɔ́gi na, a be i gi nyuu peyɛɛ ma níì jo: «Kányɛʔɛ na nǎnw naa i nyɛ syɛɛnkpóō. Alí àmɛɛ wi wírè syɔɔ lè sólomi lòkpɔʔɔ ma, koro ní ki myɛ ní Sínni ga fɔ̀lɔ wi kòro sìi na í.»

Kapyegèle 4:21

A be níì gi joo n gbàn n sɔ̀lɔ be ma, ní náà be yaʔa a be i syée, syɛ́ɛnbèle maa gi kaan pe ga kanmaa taa bi be wɔʔɔ í. Níì cán syɛ́ɛnbèle myɛ maa ni Kolocɔlɔɔ kpɔ̀ʔɔrɔ́ kéeli bee na li da kpéʔele lè.

1 Zyan 4:16

Tàmagee Kolocɔlɔɔ le ní wolo ní lè, wolo tiimaa n gee bee cán ní wɔ́ɔ̀ tága gi na. Kolocɔlɔɔ wi nyɛ tàmagi. Wee wi ga kòro tàmagi bee ni lè, wee bee i nyɛ Kolocɔlɔɔ ni, Kolocɔlɔɔ si wɔ́ɔ i nyɛ wee bee fɔ́lɔ ni.

1 Zyan 4:9

Kánmi naa na si Kolocɔlɔɔ wi tàmagi tɛ̀ɛn wolo na, níì cán Kolocɔlɔɔ maa wi Pìinibingi tun naa dulunyanw ni koro ga pye wolo í sìi taa wi bárigaw ni.