Zyan 7:1 - Cebaara Bible 2010

¹ Koro kàdoʔo ma Zyezu maa ni nyaari Galile ni, wi si da fɔ̀lɔ bàā nyaari Zyude ni í, níì cán Zyefubèle maa ni caa bi wi kpóo.

Zyan 7:1 Iomraidhean Croise

Matye 10:23

Pe ga ni yele wɔʔɔ kègaa ni, yaa fyàalá yaa syée kàa nikwɔɔ ma. Mii a gi joo yele ma kányɛʔɛ ni, yele a gbǎn Isirayɛli kěyi myɛ foro í bi taa Syɔɔn-pya í lúru pan.

Matye 21:38

A ɛrɛzɛn sefalabèle ga jaafɔw wéle n nyaa wi i maa, a be jo: ‹Wee naa wi nyɛ wi kɔriliiw. Ye tíi wo wi kpóo, kɔ́rigi si kòro wolo wóʔo.›

Mariki 11:18

A sáriga-wòlobèle kàfɔɔlɔ ní làlwaw sɛ́bɛwelebéle ga gee bee lóʔo, a be i kanmaa caa àmɛɛ poro a gi pye sɛ́ɛ lè si wi taa kpóo. Pe si maa ni fɛ̀ɛgí wi na níì cán syɛ́ɛnbèle myɛ maa ni káama wi tamani na.

Zyan 1:19

Séeraw naa Zyan kpéʔele lǎli ni Zyefubèle da sáriga-wòlobèle pèle ní Levii ye wóbèle pèle yìrige lè Zyerusalɛmi ma n tun wi ma níì jo be sa wi yíbe, wee woro nyɛ lè.

Zyan 4:3

lǎli bee ni a wi yiri Zyude ni n lúru ni syée Galile ma.

Zyan 4:54

Kakpɔɔgi naa si Zyezu ní baa kpéʔele siin wógi, àmɛɛ wi yiri lè Zyude ni n pan Galile ma lè.

Zyan 6:1

Koro kàdoʔo ma a Zyezu kári Galile lòkpɔɔgi jelige na pe wɔ́ɔ̄ yiri lè Tiberiyadi.

Zyan 7:11

Koro n gi taa Zyefubèle maa ni wi caa ni máari fɛ́tiiw tɛ́ʔɛ ni níì jo: «Sán ye cán nǎnw bee i nyɛ?»

Zyan 7:13

Koro ní ki myɛ ní pe wàa faala da ni syɛ́ɛnri bee tàa nyuu wi kéeli na syɛ́ɛnmi nyɛ́nɛ na í, ncan pe maa ni fɛ̀ɛgí Zyefubèle na.

Zyan 7:19

Mowizi ga baa làlwaw kaan yele ma ì? Koro ní ki myɛ ní yele wàa faala o táanri làlwaw bee na í. Nyàʔá na yele caa bi mii kpóo?»

Zyan 7:25

Lǎli bee ni a Zyerusalɛmi syɛ́ɛnbèle pèle i gi nyuu níì jo: «Wee naa ban be caa bi kpóo ì?

Zyan 7:35

Lǎli bee ni a Zyefubèle i gi nyuu peyɛɛ ma níì jo: «Sán woro a zǐn kári níì jo wolo a ní woro nyaa í? A wi a tɔ̀ʔɔ́ kári lé wolo Zyefunyɛnbèle kurugo, bele be cariga lè n kári n sáà tɛ́ɛn ní syɛɛnfeleyaa ní yi lè Girɛkibèle, sáā bele bee tama yaà láà?

Zyan 8:37

Mii n gi cán yele i nyɛ Abirahami yòdaʔaya, koro ní ki myɛ ní yele si i sɔ̀ngí bi mii kpóo. Níì cán syɛ́ɛnri mii nyuu lè, ti ga kɔ́ɔ̀ tɛɛkòrogo taa yele fúnyi ni í.

Zyan 8:40

A mii si gi nyaa yele i sɔ̀ngí bi mii kpóo, mii wee wi kányɛɛgi nyuu lè yele ma, gee mii lóʔo Kolocɔlɔɔ ma lè. Abirahami si da tɔ́ɔ ni gee bee kpéʔele í.

Kapyegèle 10:38

Kolocɔlɔɔ maa Pìicǎnni ní séew tìrige Zyezu ma, wi lè Nazarɛti ye wów, wi maa ni nyaari ni kacǎngèle kpéʔele ni máari, bele be fɔ̀rɔgí lè Dàzɔɔnw kɔ́yɔ ni, ní wɔ́ɔ i bele bee myɛ poori. Níì cán Kolocɔlɔɔ maa pye ní wi ní.