Zyan 4:6 - Cebaara Bible 2010

⁶ Kɔ̀lɔ́ si maa pye yaà Zyakɔbi wóo. Amɛɛ Zyezu tánʔa n fɔ̀rɔ lè, a wi sáà tɛ́ɛn kɔ̀lɔ́w bee taana. Cángi maa kɔ́ ni maa nyùngo ma.

Zyan 4:6 Iomraidhean Croise

Matye 27:45

Nlaʔa cânvugi làla na a tári myɛ kàri yébilimɛ n taa n baa nan cangàrigi na.

Matye 4:2

A wi súnw le n taa canya togoye siin ní yébiliye togoye siin, a kateegi náà wi jáa.

Matye 8:24

Wéle, a káfalakpɔʔɔ yìri ni funu lòkpɔɔgi na, fwɔɔ a lǒgi kùnguruyo i caa bi kɔ́rɔw tɔ́n. Zyezu si maa ni ŋúnɔ.

Luki 2:7

a wi wi pìiseliw see nàɔn, níì wi mígi ní fàni ní n sínɛgɛ yaweeri yaliire yalege ni, níì cán pe da tɛɛgaa taa nibɔndirige-kpáagi ni í.

Luki 9:58

A Zyezu wi pye: «Weegèlē i nyɛ sɔ́riyi ma, zyàara si i nyɛ féjɛɛngèle ma, kàjáa nyùngo tɛɛ̀légege o nyɛ Syɔɔn-pya ma í,»

Zyan 11:9

A Zyezu be yari: «Lɛ́ɛribéle kɛɛ ní siin ban be nyɛ canbogi ì? Syɔɔn ga ni táanri canʔa ni, wi o kpírigi í, níì cán wi i nyaagi dulunyanw naa gbɛ̀ɛnmɛ na.

Zyan 4:12

A mɔ kpɔ́ʔɔ lé n sɔ̀lɔ wolo tóow Zyakɔbi na, woro wee wi kɔ̀lɔ́w naa kaan wolo ma lè? Woro tiimaa, ní wi pìíbèle, ní wi yaweeri si maa ni lǒgi naa gbo.»

Zyan 4:5

A wi sáà nan Samarii kègaa na, pe i gi yiri Sisyari, Zyakɔbi maa seʔe kaan wi jáaw Zyozɛfu ma, kěgi maa pye ségi bee taana.

Zyan 4:7

A Samarii ye céwaa wɔ́ɔ̀ pan ba kóo. A Zyezu baa wi pye: «Lɔ̀ʔɔ kaan mii ma mii í gbaa.»

2 Korɛnti ye 8:9

Níì cán yele n wolo Kàfɔw Zyezu Kirisi kpɔ́ʔɔri kéele cán, woro wee wi da pye lè lɔrɔfɔlɔ, á wi baa wiyɛɛ gbéʔele foomɔfɔlɔ yele kéeli na, jàngó yele í ba pye lɔrɔfɔɔlɔ woro fóomi báriga ni.

Heburubèle 2:17

Koro na àmɛɛ ki da pye lè ŋàʔanaga kéele wi pye sèjira ní wi senyɛnbèle ní kánmi myɛ na, a wi wɔ́ɔ baa pye nya, jàngó bi pye nyinimɛ sáriga-wòlobèle kàfɔlɔ ní tágala syɔ́ɔn Kolocɔlɔɔ fáliw ni, koro ga pye bàā kùsulugo kpéʔele syɛ́ɛnbèle kapeegéle kéele na.

Heburubèle 4:15

Ki o nyɛ mɔ a jo wolo sáriga-wòlobèle kàfɔlɔ a gbǎn nyinimɛ taa wòlo na wolo fànʔa-fǔnmi ni wii í. Sutanaw maa ni wi kárima àmɛɛ wi wolo kárima lè kánmi féleye myɛ na, wi si da kapeele kpéʔele í.