Zyan 4:5 - Cebaara Bible 2010

⁵ A wi sáà nan Samarii kègaa na, pe i gi yiri Sisyari, Zyakɔbi maa seʔe kaan wi jáaw Zyozɛfu ma, kěgi maa pye ségi bee taana.

Zyan 4:5 Iomraidhean Croise

Sélimɛ 33:19

Tɛ́ɛgee ni wi bùguri kpúmɔn lè, a wi tɛ́ɛgi bee tára syɔɔ Sisyɛmi tóow Hamɔri yòdaʔayi ma, wálifiio támabéle dabata na.

Sélimɛ 48:22

Mii si na, mii n lɛɛlaa nibin taʔa mɔ wóli na n sɔ̀lɔ mɔ senyɛnbèle wòʔolo na. Loro li nyɛ Sisyɛmi tɛ́nɛmi mii syɔɔ lè Amɔri syɛɛnfelegi ma mii ŋɔséew ní mii sedegi báriga ni.»

1 Fànʔafɔbèle 13:32

Níì cán syɛ́ɛnri Yawe tɛ̀ɛn wi na a wi di joo n yákpoli wáa ní di ní lè Betɛli sáriga-wòlo-yafaangi kánma na, ní sáriga-wòlo-tɛ́ɛyi kpaaya myɛ kánma na yi nyɛ Samarii ni lè, ti a tɔ̀nɔ́ ba foro kàkabalaga fun ni.»

Luki 9:52

A wi tundunbèle pèle tun wiyɛɛ yɛ́ʔɛ ma. A be kári n sáà jée Samarii ye kègaa ni bi jàtigi-tɛ́ʔɛ caa wi ma.

Zyan 4:12

A mɔ kpɔ́ʔɔ lé n sɔ̀lɔ wolo tóow Zyakɔbi na, woro wee wi kɔ̀lɔ́w naa kaan wolo ma lè? Woro tiimaa, ní wi pìíbèle, ní wi yaweeri si maa ni lǒgi naa gbo.»

Zyan 4:39

A Samarii wóbèle pèle saʔa tága wi na kěgi bee ni, céw joolo báriga ni, àmɛɛ wi da jo lè Zyezu n woro kapyegèle myɛ cán n joo woro ma.

Zyan 4:6

Kɔ̀lɔ́ si maa pye yaà Zyakɔbi wóo. Amɛɛ Zyezu tánʔa n fɔ̀rɔ lè, a wi sáà tɛ́ɛn kɔ̀lɔ́w bee taana. Cángi maa kɔ́ ni maa nyùngo ma.

Zyan 4:8

Wi pìitamabèle si maa jée kěgi ni bi sa lìile caa syɔɔ.

Zyozuwe 24:32

Zyozɛfu kaceleri Isirayɛli ye da láa n yìri Ezyipiti ma n pan lè, a pe baa di tɔ́n Sisyɛmi ni, tátɛɛli ni, lee Zyakɔbi da syɔɔ Sisyɛmi tóow Hamɔri yòdaʔayi ma lè wálifiio támabéle dabata na, á loro baa pye Zyozɛfu yòdaʔayi kɔ́rigɔ ni.