Zyan 3:8 - Cebaara Bible 2010

⁸ Káfalagi i funu ni syée tɛ́ɛgee ga gi dɛ́nɛ lè, mɔ n ni gi funumi lúro. Kàjáa mɔ a gi tɛɛyìrige cán í, mɔ a wɔ́ɔ gi tɛɛ̀káriga cán í. Anbée si gi wɔ́ɔ̄ nyɛ syɔɔn ma, wee Pìicǎnni see lè.»

Zyan 3:8 Iomraidhean Croise

Ŋúnuyi 107:25

Wi n joo, a káfalakpɔʔɔ yìri ni funu ní zàʔá ní, a gee bee i lǒgi kùnguruyo yìrigí.

Ŋúnuyi 107:29

Wi n káfalakpɔɔgi yérige, a lǒgi kùnguruyo pyèri tábi.

Ŋúnuyi 135:7

Woro wi fàfaanyi yìrigí yaà tári láʔagéle ma, woro wi nyɛ̀ʔɛni nyɛ́ʔɛnɛmɛ kpéʔele ní zěgi ní, woro wi káfalagi yirigi wi lɔ́ri tɛɛkɔnyɔ ni a ki i funu.

Syɛɛnjóow 1:6

Káfalagi i funu ni syée wòrogulo kàbangi na, ni kàragí solomɔkulo kàbangi na. Káfalagi i kàragí ni máari ni gi kóloyi wonijanya lée.

Ezekyɛli 37:9

A wi mii pye: «Kérigèle nyaa mi joo mí joo pǐli ma, kérigèle nyaa mi joo syɔɔn-pya! Mɔ a gi joo pǐli ma si jo: ‹Kàfɔw Yawe wi syɛ́ɛnri naa joo níì jo: Pìle, yìri káfalagi kàbanya sicɛrɛ ma mi pan, ŋɔ́n mi wáa kúbèle naa na, pe ní pye sìi na.› »

Zyan 1:13

Kàjáa pe ga bele bee see syɔɔn yodaʔaya báriga ni í, ki ga pye céri dɛ́nɛgɛ kéele na í, ki si ga wɔ́ɔ̀ kpéʔele syɔɔn nyɛ́nɛ pyele na í, fwɔɔ Kolocɔlɔɔ wi be see.

Zyan 3:7

Amɛɛ mii jo lè ki n yɛlɛ be yele séli see kavɔn, mɔ a kɔ́ gi yaʔa gi mɔ fúngi wɔ́ɔ í.

Zyan 3:9

A Nikodɛmi jo: «Mɛ̀ɛ́ kérigèle bee a gbǎn pye bi sɛ́ɛ?»

Kapyegèle 2:2

Lǎli bee ni a kàfulogo fala n yìri terire nyɛ̀ʔɛni na, àmɛɛ káfalakpɔʔɔ kàfulogo nyɛ lè, a gi baa kpáagi myɛ nyìn, gee ni pe da pye lè wodɛ́ɛnbéle ní.

Kapyegèle 4:31

A pe ga nyɛ́ɛri n kwɔ́ɔ, tɛ́ɛgee ni pe da peyɛɛ gbóʔoro lè, a tɛ́ɛgi bee cúngo. A pe myɛ fúnyo nyìn Pìicǎnni na, a be fala ni Kolocɔlɔɔ syɛ́ɛnri nyuu ní nànzorodo ní.

1 Korɛnti ye 12:11

Pǐli bee wonijanna li kérigèle bee myɛ kpéʔele, níì syɛ́ɛnbèle myɛ nibin nibin fundooro kaan be ma n yɛlɛ ní li kínidɛnɛgi ní.

1 Korɛnti ye 2:11

Koro na wìí wi a gbǎn syɔɔn kérigèle cán, kapye syɔ́ɔnw bee pìle ban í, lee li lè wi fúngi ni? Anbée si gi wɔ́ɔ̄ nyɛ, syɔɔnwaa faala a gbǎn Kolocɔlɔɔ kérigèle cán í, kapye Kolocɔlɔɔ Pǐli ban í.

1 Zyan 2:29

Yele ga gi cán ncan wi n sín, yele a wɔ́ɔ gi cán bi cán syɔ́ɔnwee faala ga ni kasingèle kpéʔele lè, wi i nyɛ Kolocɔlɔɔ pyà.