Zyan 3:5 - Cebaara Bible 2010

⁵ A Zyezu wi yari: «Mii a tɔ̀nɔ́ gi joo mɔ ma kányɛʔɛ ni, kapye pe ga syɔ́ɔnwee see lǒgi ní Pìicǎnni báriga ni lè í, wi a gbǎn jée Kolocɔlɔɔ fǎngi ni í.

Zyan 3:5 Iomraidhean Croise

Matye 18:3

níì be yari: «Mii a gi joo yele ma kányɛʔɛ ni, yele ga pye yele ga kàri n pye àmɛɛ pìíbèle nyɛ lè í, yele a gbǎn jée nyɛ̀ʔɛni fànʔa ni nyáana í.

Matye 19:24

Mii a ní gi joo yele ma si yele pye, fàlibaʔa jéevorolo n wɛ́ʔɛri sàriweele ni lɔrɔfɔlɔ jéeganmi na Kolocɔlɔɔ fǎngi ni.»

Matye 21:31

Pe siinw ni, wìí wi tofɔw nyɛ́nɛ kéele kpéʔele?» A be wi yari: «Wozeliw wii.» A Zyezu be pye: «Mii a gi joo yele ma kányɛʔɛ ni, wálisyɔɔbèle ní nànjaacebèle a wári jée Kolocɔlɔɔ fǎngi ni bi sɔ̀lɔ yele na.

Matye 28:19

Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na,

Matye 3:11

Mii tɔ̀nɔ́ i yele batize lǒgi ni kàdowaari kéele na kapeegèle ma. Kàjáa wee wi maa mii kàdoʔo ma lè, wi séew n kpɔ́ʔɔ n sɔ̀lɔ mii wów na. Mii ga caa wɔ́ɔ̀ nyɔɔ n yɛlɛ bàā wi taʔalayi có í. Woro wi a ba ra yele batize ní Pìicǎnni, ní náagi ní.

Matye 5:20

Mii a tɔ̀nɔ gi joo yele ma, yele ga pye yele ga sín n sɔ̀lɔ làlwaw sɛ́bɛwelebéle ní Farisibèle na í, yele a jée nyɛ̀ʔɛni fànʔa ni nyáana í.

Mariki 10:14

A Zyezu ga koro nyaa, a gi wi bɛɛn, a wi be pye: «Ye pìíbèle yaʔa paa maa mii ma, ki ga yɛlɛ ye be lúrugo í. Níì cán bele be nyɛ àmɛɛ pìíbèle naa nyɛ lè, Kolocɔlɔɔ fǎngi i nyɛ bele bee wóʔo.

Mariki 16:16

Syɔ́ɔnwee wi ga tága di na lè níì batize, wee bee a syɔɔ, kàjáa wee ga pye lè wi ga tága di na í, kútiiw a ba kúun wee bee na.

Mariki 9:47

Mɔ nyapili ga ni mɔ légi kapeegèle ni, li lòʔori mi wáa. Mɔ ga sáà jée Kolocɔlɔɔ fǎngi ni ní nyapile nibin ní, gee bee a pɔ́rɔ mɔ ma, sáni nyapiigèle siin í pye mɔ na lè pé sa mɔ wáa tɛɛwɔʔɔgi ni.

Luki 13:24

«Mii a gi joo yele ma ki n yɛlɛ ye ŋàʔana kányɛʔɛ ni ye jée tɛɛ̀jeepili ni. Níì cán syɛ̀ɛnnɛ saʔa a ba ra kanmaa caa si jo poro a jée, pe fanʔa si a taa í.

Luki 13:3

Mii si a gi joo yele ma, ànbée ban gi nyɛ í. Kàjáa yele ga pye yele ga kàdoʔo wáa yele kapeegèle ma í, yele myɛ a wɔ́ɔ ba kálagi.

Luki 13:5

Mii si a gi joo yele ma ànbée ban gi nyɛ í. Kàjáa yele ga pye yele ga kàdoʔo wáa yele kapeegèle ma í, yele myɛ a wɔ́ɔ ba kálagi.»

Zyan 1:13

Kàjáa pe ga bele bee see syɔɔn yodaʔaya báriga ni í, ki ga pye céri dɛ́nɛgɛ kéele na í, ki si ga wɔ́ɔ̀ kpéʔele syɔɔn nyɛ́nɛ pyele na í, fwɔɔ Kolocɔlɔɔ wi be see.

Zyan 3:3

A Zyezu wi pye: «Mii a tɔ̀nɔ́ gi joo mɔ ma kányɛʔɛ ni, kapye pe ga syɔ́ɔnwee séli n see lè kavɔn í, wee bee a gbǎn Kolocɔlɔɔ fǎngi nyaa í.»

Zyan 3:4

A Nikodɛmi wi pye: «Syɔɔn ga lɛɛ n kwɔ́ɔ, mɛ̀ɛ́ pe a gbǎn ní wi see bi sɛ́ɛ? A wi a gbǎn ní jée lé wi nɔ́ɔw láʔa ni pe ní wi see taʔa?»

Kapyegèle 2:38

A Pyɛri be yari: «Ye kàdoʔo wáa yele kapeegèle ma, yele myɛ nibin nibin si batɛmiw kpéʔele Zyezu Kirisi mɛ́ɛgi na, koro ga pye Kolocɔlɔɔ í yele kapeegèle kùsulugo syɔɔ, si yakaangi kaan yele ma gi nyɛ lè Pìicǎnni.

Kapyegèle 3:19

Koro na gi yɛlɛ ye kàdoʔo wáa yele kapeegèle ma yé kàri Kolocɔlɔɔ ma, koro ga pye wi yele kapeegèle kurugo láʔa,

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Wɔrɔmi ye 8:2

Níì cán Pìicǎnni li sìíw kaangi syɔɔn ma Kirisi Zyezu ni lè, li làlwaw n mii yirige kapeebyeri ní kùúw làlwa púloro ni.

1 Korɛnti ye 15:50

Ni senyɛ̀nnɛ, mii syɛ́ɛnri naa kɔ́rɔ wi nyɛ céri ní sìsyaanw a gbǎn Kolocɔlɔɔ fǎngi kɔ́rigɔ lìi í, fɔ́nʔɔmi a gbǎn sìnvɔnʔɔmi kɔ́rigɔ lìi í.

1 Korɛnti ye 2:12

Pǐlee si wolo taa lè, dulunyanw naa wólo ban í, li n yìri Kolocɔlɔɔ ma, koro ga pye yáriree myɛ Kolocɔlɔɔ kaan wolo ma lè kpɔʔɔrɔ, wolo í toro cán.

1 Korɛnti ye 6:11

Anbée si yele pèle da pye. Kàjáa Kolocɔlɔɔ Pǐli n yele fúnyi jée n mùnu n kapeegèle láʔa yele na, níì sínni kaan yele ma wolo Kàfɔw Zyezu Kirisi mɛ́ɛgi na.

Galasi ye 6:15

Níì cán kɛ́nɛkpeʔeleri yoo, kɛ́nɛnaa-sìngbeʔeleri yoo, dee bee tàa faala o nyɛ yafyɛn í, fwɔɔ syɔɔn í kàri syɛɛnfɔ́ɔn.

Efɛzi ye 5:26

koro ga pye bi wi jée mùnú yaʔa Kolocɔlɔɔ ma, wi n wi jée n mùnu lǒgi ni, wi syɛ́ɛnri báriga ni,

1 Pyɛri 1:2

Tofɔw Kolocɔlɔɔ maa téè yele nyɛ́nɛ n wòlo booma ni n yɛlɛ ní wi kakɔrirɔli ní jàngó Pìicǎnni í yele sámaga yaʔa woro ma, koro ga pye yele í da lúro Zyezu Kirisi ma, wi sìsyaanw nyari-nyarila sáā yele mùú. Ki n yɛlɛ Kolocɔlɔɔ í da kàa fàrá yele ma kpɔ́ʔɔri ní fûnnyingi na.

1 Pyɛri 3:21

Gee fɛ̀ɛ lǒgi bee da tɛ̀ɛn lè, koro gi nyɛ batɛmiw, wee wi wɔ́ɔ̀ yele syɔɔ lè tɔ́ɔliw ni, wi o nyɛ bi fɔɔnrɔ láʔa céri na wii í, kàjáa wi i nyɛ bi yele fúnyi sámaga yi nyɔɔ Kolocɔlɔɔ ma, Zyezu Kirisi nyán-yirili báriga ni,

1 Zyan 2:29

Yele ga gi cán ncan wi n sín, yele a wɔ́ɔ gi cán bi cán syɔ́ɔnwee faala ga ni kasingèle kpéʔele lè, wi i nyɛ Kolocɔlɔɔ pyà.

1 Zyan 5:1

Syɔ́ɔnwee faala wi tága lè gi na ncan Zyezu wi nyɛ Kirisi, wee bee i nyɛ Kolocɔlɔɔ pyà, wee si ga tàmaga le lè ní Tofɔw ní, wee bee a wɔ́ɔ tàmaga le ní Tofɔw pìibēle ní.