Zyan 3:3 - Cebaara Bible 2010

³ A Zyezu wi pye: «Mii a tɔ̀nɔ́ gi joo mɔ ma kányɛʔɛ ni, kapye pe ga syɔ́ɔnwee séli n see lè kavɔn í, wee bee a gbǎn Kolocɔlɔɔ fǎngi nyaa í.»

Zyan 3:3 Iomraidhean Croise

Zyeremii 5:21

Ye gee naa lóʔo, syɛɛnfele-labalaga, ní funvɔ̀nbēle! Nyapiigèlē i be na, pe si o nyaagi í, líiweegéle i be na pe si o lúro í.

Ezekyɛli 36:26

Mii a funvɔngɔ kaan yele ma, mii a pìifɔnnɔ le yele ni. Mii a kàdɛnɛgi fúngo yirige yele céri ni, si cere fúngo kaan yele ma.

Matye 16:17

A Zyezu wi yari: «Mɔ i nyɛ dùba pyà, Siimɔn, mɔ wi lè Zyonasi jáaw, níì cán syɔɔn ban wi gee naa tɛ̀ɛn mɔ na í, fwɔɔ mii Tóow wi lè nyɛ̀ʔɛni na.

Matye 19:24

Mii a ní gi joo yele ma si yele pye, fàlibaʔa jéevorolo n wɛ́ʔɛri sàriweele ni lɔrɔfɔlɔ jéeganmi na Kolocɔlɔɔ fǎngi ni.»

Matye 21:31

Pe siinw ni, wìí wi tofɔw nyɛ́nɛ kéele kpéʔele?» A be wi yari: «Wozeliw wii.» A Zyezu be pye: «Mii a gi joo yele ma kányɛʔɛ ni, wálisyɔɔbèle ní nànjaacebèle a wári jée Kolocɔlɔɔ fǎngi ni bi sɔ̀lɔ yele na.

Matye 5:18

Mii a gi joo yele ma kányɛʔɛ ni, àlí bi taa nyɛ̀ʔɛni ní tári í ba kwɔ́ɔ, syɛɛnkanbilaa ní yapiipiilaa nibin a tée fɔ̀n Mowizi làlwaw sɛ́bɛ ni í, fwɔɔ wi kérigèle myɛ í ba foro.

Mariki 10:14

A Zyezu ga koro nyaa, a gi wi bɛɛn, a wi be pye: «Ye pìíbèle yaʔa paa maa mii ma, ki ga yɛlɛ ye be lúrugo í. Níì cán bele be nyɛ àmɛɛ pìíbèle naa nyɛ lè, Kolocɔlɔɔ fǎngi i nyɛ bele bee wóʔo.

Mariki 9:47

Mɔ nyapili ga ni mɔ légi kapeegèle ni, li lòʔori mi wáa. Mɔ ga sáà jée Kolocɔlɔɔ fǎngi ni ní nyapile nibin ní, gee bee a pɔ́rɔ mɔ ma, sáni nyapiigèle siin í pye mɔ na lè pé sa mɔ wáa tɛɛwɔʔɔgi ni.

Zyan 1:13

Kàjáa pe ga bele bee see syɔɔn yodaʔaya báriga ni í, ki ga pye céri dɛ́nɛgɛ kéele na í, ki si ga wɔ́ɔ̀ kpéʔele syɔɔn nyɛ́nɛ pyele na í, fwɔɔ Kolocɔlɔɔ wi be see.

Zyan 1:5

Gbɛ̀ɛ́nmi i nyín yébilimi ni, yébilimi si ga fɔ̀lɔ bi na í.

Zyan 1:51

Ní níì wi pye: «Mii a tɔ̀nɔ́ gi joo yele ma kányɛʔɛ ni, yele a kɔ́ nyɛ̀ʔɛni nyaa li múgu, si Kolocɔlɔɔ tundunbèle nyaa paa lúru sáā tíri Syɔɔn-pya na.»

Zyan 12:40

«Wi n be kpéʔele fúunbéle, ní wɔ́ɔ̀ be fúnyi tɔ́n be na, koro ga pye pe a kɔ́ ra nyaagi nyapiigèle ni í, pe a wɔ́ɔ kɔ́ yarigaa cán be fúnyi ni í, si kɔ́ kàri woro si be syɔɔ í.»

Zyan 3:4

A Nikodɛmi wi pye: «Syɔɔn ga lɛɛ n kwɔ́ɔ, mɛ̀ɛ́ pe a gbǎn ní wi see bi sɛ́ɛ? A wi a gbǎn ní jée lé wi nɔ́ɔw láʔa ni pe ní wi see taʔa?»

2 Korɛnti ye 4:4

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

2 Korɛnti ye 5:17

Gee bee na ní syɔ́ɔnwee ga pye lè Kirisi ni, Kolocɔlɔɔ n wee bee faan kavɔn. Wéle, yalɛɛri n sɔ̀lɔ n kwɔ́ɔ, á di kàri wovɔnrɔ.

Galasi ye 6:15

Níì cán kɛ́nɛkpeʔeleri yoo, kɛ́nɛnaa-sìngbeʔeleri yoo, dee bee tàa faala o nyɛ yafyɛn í, fwɔɔ syɔɔn í kàri syɛɛnfɔ́ɔn.

Efɛzi ye 2:1

Yele maa pye woguubéle ní, yele kakolobyeri, ní yele kapeegèle báriga ni,

Làlwaw Kaanziin 29:4

Mii n yele yɛ́ɛgi kíni fìími tára ni yɛ̀ʔɛlɛ togoye siin fúngo ni. Yele búroyi ga lɛɛ n sulugu n láʔa yele na í, taʔalayi yi nyɛ yele tɔ́lɔyi na lè, yi ga kálagi í.

Tiiti 3:5

a wi wolo syɔɔ, wolo kasinbyeri kéele si na ban wi gee bee kpéʔele í, wi nyínimi báriga ni wi wolo syɔɔ, wi n wolo séli n see kavɔn àmɛɛ wi wolo fúnyi jée n mùnu lè, níì yi sámaga wovɔnyɔ ní Pìicǎnni báriga ni lè.

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

1 Pyɛri 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa,

1 Zyan 2:29

Yele ga gi cán ncan wi n sín, yele a wɔ́ɔ gi cán bi cán syɔ́ɔnwee faala ga ni kasingèle kpéʔele lè, wi i nyɛ Kolocɔlɔɔ pyà.

1 Zyan 3:9

Syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í, níì cán sìíw sée wi yiri Kolocɔlɔɔ ni lè, wee bee i nyɛ syɔ́ɔnw bee ni, wi a gbǎn kòro bàā kapeegèle kpéʔele í, àmɛɛ wi nyɛ lè Kolocɔlɔɔ pyà.

1 Zyan 5:1

Syɔ́ɔnwee faala wi tága lè gi na ncan Zyezu wi nyɛ Kirisi, wee bee i nyɛ Kolocɔlɔɔ pyà, wee si ga tàmaga le lè ní Tofɔw ní, wee bee a wɔ́ɔ tàmaga le ní Tofɔw pìibēle ní.

1 Zyan 5:18

Wolo n gi cán ncan syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í. Níì cán Kolocɔlɔɔ Jáaw i wi kɔ̀rɔsíi, Wobeew a tée wi taa cò í.

1 Zyan 5:4

níì cán bele myɛ be nyɛ lè Kolocɔlɔɔ pìíbèle, pe n dulunyanw jáa, fǎngee si wolo taa lè n dulunyanw jáa, koro gi nyɛ wolo tágali.

Tɛ̀ɛnnɛ 3:14

«Dee naa sɛ́bɛ mi tórigo Lawodise Egiliziw tunduɔn ma, mí wi pye: ‹Wee be yiri lè Amiina, wi lè séerafɔjǎnw, woro wee wi nyɛ lè wodelew, ní i nyɛ Kolocɔlɔɔ yakpéʔeleri myɛ sélifɔlɔ, woro wi kérigèle naa joo níì jo: