Zyan 3:2 - Cebaara Bible 2010

² Wee bee maa kári Zyezu ma cangaa yébilige ni n sáà wi pye: «Tamafɔw, wolo n gi cán mɔ n yìri Kolocɔlɔɔ ma n pan n baa pye tamafɔlɔ. Níì cán kakpoloyi mɔ kpéʔele lè, syɔɔn a gbǎn yi kpéʔele í, kapye Kolocɔlɔɔ o nyɛ ní wi ní í.»

Zyan 3:2 Iomraidhean Croise

1 Fànʔafɔbèle 17:24

A céw Elii pye: «Tɔ́ɔliw ni mii n náà gi cán ncan mɔ i nyɛ Kolocɔlɔɔ syɔ́ɔn, ní wɔ́ɔ̀ gi cán Yawe syɛ́ɛnri di yirigi mɔ nyɔ́ɔgi ni lè ti i nyɛ kányɛʔɛ.»

Ezayi 51:7

Ye lóʔo mii ma, yele bele ye sínni cán lè, syɛ́ɛnbèle, yele bele fúnyo ni mii làlwaw nyɛ lè! Yele a kɔ́ ra fɛ̀ɛgí syɛ́ɛnbèle faʔara na í, yele a kɔ́ ra cɛ̀lɛ́ be tɛʔɛlɛyi na í.

Zyeremii 38:16

A fànʔafɔw Sedesyasi kàli Zyeremii ma làrama ni, níì jo: «Yawe woweew mɛ́ʔɛ na, woro wee wi sìíw kaan wolo ma lè, mii a mɔ kpóo í, nǎnbèle bee be mɔ siikwɔɔri caa lè, mii a wɔ́ɔ mɔ le be kɔ́yi ni í.»

Matye 22:16

A be fala n be pìitamabèle tun wi ma ní Herodi taʔafɔbèle ní, a be sáà wi pye: «Tamafɔw, wolo n gi cán mɔ i kányɛɛgi nyuu ní i Kolocɔlɔɔ kólogi tèé syɛ́ɛnbèle na kányɛʔɛ ni, mɔ o fɛ̀ɛgí syɔɔn faala na í. Níì cán mɔ o syɔɔnwaa yirigi wàa ni í.

Matye 23:7

Pe wɔ́ɔ i caa syɛ́ɛnbèle í da poro syáanri syɛɛnkpoʔolomi tɛ́ɛyɛ ni sáà poro yiri, Tamafɔw.

Matye 23:8

Kàjáa ki ga yɛlɛ paa yele wàa yiri Tamafɔw í. Níì cán yele Tamafɔw i nyɛ nibin, yele myɛ si i nyɛ senyɛnnɛgɛ.

Mariki 12:14

A be sáà wi pye: «Tamafɔw, wolo n gi cán mɔ i kányɛɛgi nyuu, mɔ wɔ́ɔ o syɔɔnwaa yirigi wàa ni í. Níì cán mɔ o syɛ́ɛnbèle wéle pe yɛ́ɛyi kpólolo na í, mɔ i Kolocɔlɔɔ kólogi tèé syɛ́ɛnbèle na kányɛʔɛ ni. A gi yɛlɛ lé wolo í da nyǔnyi lɔ́rɔ kaangi Sezari ma? A gi yɛlɛ lé wolo í da di kaangi láà, ba wolo í ŋɔ́n?»

Zyan 1:38

A Zyezu ga kàri n wéle n be nyaa wiyɛɛ gurugo, a wi be pye: «Ba nyàʔá yele caa?» A be wi yari: «Arabii (ki kɔ́rɔw wi nyɛ Tamafɔw), sán mɔ jatigi-tɛ́ɛgi nyɛ?»

Zyan 10:38

Yele si ga gi cán ncan mii Tóow kapyegèlē mii kpéʔele, àlí ki ga pye yele a tága mii syɛ́ɛnri na í, ki n yɛlɛ ye tága gele bee na, koro ga pye yele í gi fílige cán bi cán Tofɔw i nyɛ mii ni, mii si wɔ́ɔ i nyɛ Tofɔw ni.»

Zyan 12:37

Amɛɛ wi da wírè kakpoloyi saʔa kpéʔele lè pe nyɛnɛ na, koro ní ki myɛ ní pe ga sèʔê tága wi na í.

Zyan 14:10

Mɔ ga tága gi na ncan mii i nyɛ Tofɔw ni, Tofɔw si wɔ́ɔ i nyɛ mii ni ì? Níì cán syɛ́ɛnri mii nyuu yele ma lè, mii tiimaa wóro ban í. Mii Tóow wi nyɛ mii ni lè, woro wi wi kérigèle kpéʔele mii ni.

Zyan 15:24

Kapye mii da ni kérigèle kpéʔele be níngi ni í, gele ge lè syɔɔn ga kɔ́ɔ̀ li làa kpéʔele í, kapeele mǎà dée pye be na í. Kàjáa tɔ́ɔliw ni pe n mii kapyegèle nyaa, á mii ní mii tóow kéele sèʔê be bɛɛn.

Zyan 2:11

Gee naa gi pye Zyezu kakpɔɔseligi, wi n gi kpéʔele Kana ni, gi lè Galile tári kègaa, n wi nìjangbɔɔri tɛ̀ɛn syɛ́ɛnbèle na. A wi pìitamabèle tága wi na.

Zyan 20:16

A Zyezu wi pye: «Marii.» A wi fíige n joo ní wi ní Heburu-syɛ́ɛnri ni níì jo: «Arabii,» (ki kɔ́rɔw wi nyɛ, Tamafɔw.)

Zyan 3:26

A be kári Zyan ma n sáà wi pye: «Tamafɔw, wéle, wee wi da pye lè ní mɔ ní Zyuridɛnw jelige na, á mɔ séeraw kpéʔele wi kéeli na lè, wi i yaà ni syɛ́ɛnbèle batize, a pe myɛ i syée yaà wi ma.»

Zyan 4:31

Lǎli bee ni a wi pìitamabèle wi pye: «Tamafɔw, ki n yɛlɛ mi ba lìi nya.»

Zyan 5:36

Séerawaa si ní i nyɛ mii ma, woro n kpɔ́ʔɔ n sɔ̀lɔ Zyan wów na. Séeraw bee wi nyɛ kérigèle gele Tofɔw kaan mii ma lè níì jo mii í ge kpéʔele foro, kérigèle gele mii kpéʔele lè, gele bee tiimaa i nyɛ mii séera, koro ga pye syɛ́ɛnbèle í gi cán Tofɔw wi mii tun.

Zyan 6:2

A syɛ̀ɛnnɛ saʔa taʔa wi na, níì cán pe maa wi kakpoloyi nyaa, àmɛɛ wi da ni yáabèle poori lè.

Zyan 7:31

A syɛ̀ɛnnɛ saʔa tága wi na, ní i gi nyuu níì jo: «Kirisi ga pan lǎlee ni lè, a wi a gbǎn ba kakpoloyaa kpéʔele lé yi sɔ̀lɔ wee naa wóyo na?»

Zyan 9:16

Lǎli bee ni a Farisibèle pèle jo: «Nǎnw bee mɔ nyaa lè, wi ga yìri Kolocɔlɔɔ ma í, níì cán wi o cândɛnɛgi córo í.» A pèle jo: «Mɛ̀ɛ́ kapeebyeo a gbǎn pye sáā kakpoloyi naa félege kpéʔele?» A tílala jée be níngi ni.

Kapyegèle 10:38

Kolocɔlɔɔ maa Pìicǎnni ní séew tìrige Zyezu ma, wi lè Nazarɛti ye wów, wi maa ni nyaari ni kacǎngèle kpéʔele ni máari, bele be fɔ̀rɔgí lè Dàzɔɔnw kɔ́yɔ ni, ní wɔ́ɔ i bele bee myɛ poori. Níì cán Kolocɔlɔɔ maa pye ní wi ní.

Kapyegèle 2:22

Yele Isirayɛli ye nǎnbèle, ye syɛ́ɛnri naa lóʔo! Kolocɔlɔɔ maa Zyezu tɛ̀ɛn yele na wi lè Nazarɛti ye wów, kakpoloyi, ní bìngaari kèlē, ní fɛ̀ɛ́bèle báriga ni bele wi da kaan wi ma a wi i kpéʔele yele níngi ni lè, àmɛɛ yele tiimaa gi cán lè, koro ga pye yele í gi cán wi i nyɛ woro wóo kányɛʔɛ ni.

Filipikaʔa ye 1:14

Senyɛnbèle be nyɛ lè Kàfɔw ni, mii kàsoleri di pye sábabu, á bele bee saamaw i nànzorodo kpéʔele gbanʔama níì soro ni Kolocɔlɔɔ syɛ́ɛnri nyuu fyáara fun.

Jàbɔbèle 6:27

A Zyedeyɔn wi falipyenǎnbèle pèle kɛɛ nyɛ́nɛ n wòlo. Gee Yawe da joo lè, a wi gi kpéʔele. Kàjáa àmɛɛ wi da ni fɛ̀ɛgí wi tóow kpaʔa wòolo, ní kěgi syɛ̀ɛnnɛ na lè, wi ga gi kpéʔele cángi làla ni í fwɔɔ yébiligi làla ni wi gi kpéʔele.