Biblia Todo Logo
Bìoball air-loidhne

- Sanasan -




Zyan 2:10 - Cebaara Bible 2010

10 ní baa wi pye: «Syɛ́ɛnbèle myɛ i sélegi dùvɛɛntàánw na ni kaangi gbɛnʔɛnɛ syɛ́ɛnbèle ma, pe ga baa gbaa a nyǔnyi kàri be na, pe n náa ni wobɛɛnw kaangi be ma. A mɔ si wodaanw yaʔa ní náà wi kaan tɔ́ɔliw ni.»

Faic an caibideil Dèan lethbhreac




Zyan 2:10
15 Iomraidhean Croise  

Yaliiree ti da pye Zyozɛfu wóri lè, a Zyozɛfu toro tàa wòlo wiyɛɛ taana n kaan wi senyɛnbèle ma. Wi si maa Bɛnzyamɛ wóri yaʔa a di nɛʔɛ n sɔ̀lɔ wi senyɛnbèle myɛ wóro na ki tɛɛyɛ kagunɔ. A be gbaa, á pe myɛ pínɛ n pye fundaanra na.


ní dùvɛɛnw, wee wi fundaanra kaangi syɔɔn ma lè, n fàra sǐnmi na, bee bi wi yɛ́ɛgi yaʔa ki i daragi lè, ní yaliiri, dee di syɔɔn zɔnw télegi lè.


Mii i jǐn mii nángwɔɔw ni, ni senyɛnjaà, ni pìcaa. Mii a cɔɔ mii míiriw, ní mii nùndaanni yárira ni, mii i mii ségbabigi líi ní mii sárigi ní, mii i mii dùvɛɛnw ní mii nɔ́nɔw gbo. Yaa líi, ni tàannyɛ̀nnɛ, yaa gbo, yaa tàmagi gbo kaa yele cáan!


níì fala ni wi falipyenyɛnbèle kpúmɔn ní i pìnɛ́ ni líi ní i gbo ní singbaadinbèle ní.


Kàjáa falipyew bee ga ni gi sɔ̀ngí wi fúngi ni níì jo: ‹Mii kàfɔw a wári pan í,› níì séli ni falipyenǎnbèle ní falipyecebèle kpúmɔn ní i líi, ní i gbo, ní i tíngi sínmi na,


Kàjáa a Abirahami wi pye: ‹Ni pyà, mi sɔ̀ngi mi taa gi na bi cán mɔ maa mɔ yacanri myɛ taa n kwɔ́ɔ mɔ wéemi làla ni, á Lazari yapeeri taa, tɔ́ɔliw ni wi i nyɛ yɛɛ̀nyinge na, á mɔ si i nyɛ wɔʔɔgi ni.


Sinmɛ ban bele naa gbaa n tín àmɛɛ yele gi sɔ̀ngí lè í. Ye ga cángi nyaa a gi náà séli n nan dɔnwolomɔ na ì?


Níì cán yele bele ga nan yaà lè ní lìíli ní, yele n fala n séli ni yele tiimaa lìíli líi bele sìnzige ni, kateegi n pye pèle na, pèle mɛ̀ɛ́ tín sínmi na.


Ki ga yɛlɛ yele í da dùvɛɛnw gbo waa yele yɛ́ɛyi wóo í, ncan kanɔnʔɔri i taagi wi ni. Kàjáa ki n yɛlɛ Pìicǎnni í yele fúnyi nyìn.


Bele be ŋúnɔ lè, pe i ŋúnɔ yébiligi ni, ní bele yɛ́ɛyɛ yi wóo lè sínmi na, yi i wóo yébiligi ni.


Tári fànʔafɔɔlɔ maa ni kanɔnʔɔri kpéʔele ní wi ní, a tári syɛ̀ɛnnɛ yɛ́ɛyɛ baa wɔ́ɔ be na wi kanɔnʔɔri dùvɛɛn gbaala kéele na.»


A mii céw bee nyaa a wi Kolocɔlɔɔ syɛɛncanbèle sìsyaan gbaa n fàra Zyezu séerafɔbèle wóo na, fwɔɔ a yɛ́ɛgi i wóo wi na àmɛɛ singbaadiɔn wóʔo nyɛ lè. A mii ga wi nyaa, a mii i káama gi na gbanʔama.


Lean sinn:

Sanasan


Sanasan