Salomɔn, mɔ wi lè mii jáaw, ki n yɛlɛ mi Kolocɔlɔɔ cán, wi lè mɔ tóow wóo, maa báara wi ma ní fungo nibin ní, ní kínidɛnɛgɛ ní, níì cán Yawe i fúnyi myɛ, ní yi katimanagèle myɛ cɛɛlɛ ni cángi. Mɔ ga ni wi caa, wi a gi yaʔa mɔ í woro nyaa, mɔ si ga wi yaʔa, wi a mɔ cée gi kòro nya làla o làla.
Ye nùuni mii na, ye lóʔo! Nlaa yaà gi sélimi na, mii ga joo làrama ni í, nlaa yaà kérigèle bee sélimɛ na mii maa pye yaà.» Tɔ́ɔliw ni Kàfɔw Yawe n mii tun ní wi Pǐli ní.
Wi fúngi wɔʔɔgɔ kadoʔo ma, gee wi a nyaa lè koro a wi yɛlɛ. Mii falipyew wi sín lè, wi a syɛɛnnɛʔɛmɛ kpéʔele syɛɛnsinbéle, wi cánni báriga ni pe a taa lè, si wi nyúngi le be kolomi kèlē láara ni.
Kàfɔw Yawe Pǐli i nyɛ mii na, níì cán Yawe n mii télege, wi n mii tun mii í sa ra syɛɛnjóocǎnri nyuu foomɔfɔbèle ma, bàā fûngalagiyi fɔ̀ɔlɔ fúnyo kpaliya sámagi, bàā wɔ́rɔdi kéele nyuu púlobèle ma, bàā yaʔali kéele nyuu kàsolebèle ma.
Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.
Wo wi cán, wo kanmaa caa wo Yawe cán. Amɛɛ nyǐnjerigi panna nyɛ lè kakabalaga fun ni, ànbée wi panni wɔ́ɔ i nyɛ. Wi a pan wolo ma àmɛɛ zàʔá nyɛ lè, àmɛɛ nyìnbegéle nyɔ́ɔ zàʔá nyɛ, gee gi tári fɔɔnri lè.»
níì be pye: «Wee wi ga pìíw naa láa lè mii mɛ́ɛgi na, mii wi sèʔê láa. Wee si wi ga mii láa lè, mii Tunvɔw wi wɔ́ɔ̀ láa. Níì cán wee wi ga wiyɛɛ jɛ́rɛ lè yele níngi ni, wee bee wi nyɛ wogbɔɔw.»
Níì cán mii n gi cán mɔ i mii nyɛ́ɛriyi lúro làrigèle myɛ ni, koro ní ki myɛ ní syɛ́ɛnmi naa kéele na mii gi joo, àmɛɛ bi yére n mii màʔa lè, koro ga pye pe tága gi na bi cán mɔ wi mii tun naa.»
Dɛ̀ɛmɛfɔw Tofɔw a tun naa yele ma mii mɛ́ɛgi na lè, woro wi a ba yele tama kérigèle myɛ na si wɔ́ɔ yele kaan yele í da sɔ̀ngí da taagi kérigèle myɛ na mii da ni nyuu yele ma lè, dɛ̀ɛmɛfɔw bee wi nyɛ Pìicǎnni.
koro ga pye pe myɛ í pye nibin. Abaa, àmɛɛ mɔ nyɛ lè mii ni, á mii si wɔ́ɔ i nyɛ mɔ ni, mii i caa pe wɔ́ɔ pye wolo ni, jàngó dulunyanw syɛ̀ɛnnɛ í tága gi na bi cán mɔ wi mii tun.
Mii i nyɛ be ni, mɔ si wɔ́ɔ i nyɛ mii ni, jàngó be pye nibin si foro, koro ga pye dulunyanw syɛ̀ɛnnɛ í gi cán bi cán mɔ wi mii tun, si wɔ́ɔ gi cán be kéeli n mɔ dɛ́nɛ àmɛɛ mii kéeli mɔ dɛ́nɛ lè.
Níì cán syɛ́ɛnree mɔ joo mii ma lè, dee bee mii wɔ́ɔ̀ joo be ma, a be fɔ̀lɔ di na. Pe n gi cán kányɛʔɛ ni ncan mɔ má mii yìri, ní wɔ́ɔ̀ tága gi na ncan mɔ wi mii tun naa.
Níì cán Kolocɔlɔɔ ga wi Jáaw tun dulunyanw ni jàngó wi ba kútii kúun dulunyanw syɛ̀ɛnnɛ na í, kàjáa wi n wi tun, koro ga pye dulunyanw syɛ̀ɛnnɛ í ba syɔɔ wi bárigaw ni.
Yele bele ye fɔ̀lɔ lè yeyɛɛ kpɔ́ɔmi na, bi gi taa wee nibin wi nyɛ lè Kolocɔlɔɔ, kpɔ́ɔmee wi kaangi lè, yele o bee bee caa í, mɛ̀ɛ́ yele a gbǎn tága bi sɛ́ɛ?
Amɛɛ Tofɔw woweeo mii tun lè, ní àmɛɛ mii nyɛ lè sìi na wi bárigaw ni, kánmi bee na wee wi ga ni mii céri káa lè, wee bee fɔ́lɔ a wɔ́ɔ pye sìi na mii bárigaw ni.
A be fala n wi pye: «Sán mɔ tóow nyɛ?» A wi be yari: «Yele ga mii cán í, yele ga wɔ́ɔ̀ mii Tóow cán í. Yele ga maa mii cán, yele mǎà dée wɔ́ɔ mii Tóow cán.»
Gee mii a joo lè káari káala kéele na, dee be kúu yasunyi na lè koro gi nyɛ wolo n gi cán yasungo o nyɛ yafyɛn dulunyanw ni í, kolocɔlɔwaa nikwɔɔ ní o beè Kolocɔlɔw nibin kàdoʔo ma í.
Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.
Gee mii caa lè, koro gi nyɛ mii í Kirisi cán, si wɔ́ɔ wi nyán-yirili sée cán, si wɔ́ɔ pye pínɛnyɛnnɛgɛ na ní wi ní wi wɔʔɔguuli ni, si wi wíri wi kùúw ni.
N fàra gee bee na, mii i kérigèle myɛ córo bɔ̀nɔ wòʔolo mii Kàfɔw Kirisi Zyezu cánni kéele na, lee li nyɔɔ n sɔ̀lɔ lè yáriri myɛ na. Woro kéeli na mii bɔ̀nɔ yáriri myɛ ni, ní i di córo kànyaʔara jàngó mii í Kirisi taa, wí pye mii tɔ̀nɔw,
Pe tiimaa i gi nyuu àmɛɛ yele da fɔ̀lɔ wolo na lè, ní àmɛɛ yele yasunyi yaʔa lè níì kàri Kolocɔlɔɔ ma ni Kolocɔlɔɔ woweew fáli kpéʔele, wi lè Kolocɔlɔɔ wodelew,
Gee bee na, mii senyɛnjǎnbèle, yele bele Kolocɔlɔɔ wɔ́ɔ̀ yeri lè, ki n yɛlɛ ye yele sɔ̀ngumi myɛ taʔa Zyezu na, woro wi nyɛ pìitunw ní sáriga-wòlobèle kàfɔlɔ wolo tágali kéele na, lee wo nyuu ni tèé lè.
Wi Kolocɔlɔmi séekpɔɔɔ n wolo kaan a wolo wi cán, á koro wolo kaan a wolo sìíw kèlē myɛ, ní Kolocɔlɔɔ yɛ́ɛgi fyáara woʔolo myɛ taa, woro wee wi wolo yeri lè wi tiimaa nìjangbɔɔri, ní wi nyɔɔ-mí-foroli báriga ni.
Níì cán dee bee ga pye yele ma, á kàa si i taari di na, toro a gi kaan yele a tée pye sàlagafɔɔlɔ ní kanyɔɔnɔ fun syɛɛnnɛ wolo Kàfɔw Zyezu Kirisi cánni kólogo ni í.
sìíw bee si maa baa wiyɛɛ dɛ̀ɛn, a wolo wi nyaa, koro na wolo wi séeraw kpéʔele ní i wi kéeli nyuu yele ma wi lè bàngwɔɔw wóo, woro wee wi da pye yaà lè ní Tofɔw ní, ní baa wiyɛɛ dɛ̀ɛn wolo na,
gee si wolo nyaa lè, ní gee wolo lóʔo lè, gee bee wolo wɔ́ɔ̄ nyuu yele ma, koro ga pye yele si wɔ́ɔ pye ní wolo ní pínɛnyɛnnɛgi ni. Pínɛnyɛnnɛgi ni wolo nyɛ lè koro gi nyɛ Tofɔw, ní wi Jáaw Zyezu Kirisi wógi.
Wolo si na, wolo i nyɛ Kolocɔlɔɔ wòolo. Wee wi Kolocɔlɔɔ cán lè, wee bee i lúro wolo ma. Wee si wi lè wi o nyɛ Kolocɔlɔɔ wóo í, wee bee o lúro wolo ma í. Kánmi bee na wolo kányɛɛgi Pìle ní pùununi pìle cángi ni láʔala keyɛɛ na.
Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.